முத்திரை விமர்சனம்

முத்திரை விமர்சனம்

தமிழ் சினிமா தனது குடோ னில் தூக்கியெறிந்த பழைய பார்மேட்டை
தூசி தட்டி முத்திரை பதிக்க நினைத்திருக்கிறார் அனிஷ் தன்வீர்.

டேனியல் பாலாஜி பாஸ்போர்ட்டை திருடி விற்கும் ஒரு கிரிமினல். நித்தின் சத்யா
கோவில் உண்டியல் உட்பட பல திருட்டுகளை செய்துவிட்டு, கிராமத்திலிருந்து
சென்னைக்கு ஓடிவருகிறார்.

இவர்கள் இருவரும் ஒரு காலகட்டத்தில் இணை
பிரியா நண்பர்களாகிவிடுகிறார்கள். பாலாஜிக்கு லக்ஷ்மிராய். நித்தினுக்கு
மஞ்சரி என தொடங்குகிறது நாயகர்களின் காதல் காட்சிகள். (எப்படி காதல்
வந்தது என்று கேட்கக்கூடாது., அது அவர்களுக்கே தெரியாது)

இதற்கிடையில் அரசியல் கட்சியின் தலைவர் ஒருவர் கொலை செய்யப்படுகிறார். அந்த கொலையின்
வீடீயோ காட்சியை கொண்ட லேப்டாப் வைத்திருக்கும் நபரை விரட்டுகிறது
போலீஸ். பிறகு அந்த லேப்டாப், பாலாஜி, நித்தின், லக்ஷ்மிராய். மஞ்சரி
கும்பலிடம் கிடைக்கிறது. இதனால் இவர்களை ஒருபுறம் போலீஸ் துரத்துகிறது.
மறுபுரம் கொலையாளியின் ஆட்கள் துரத்துகின்றனர்.

இவர்களிடமிருந்து எப்படி தப்பித்தார்கள்? பிறகு கொலையாளி யார் என்பது எப்படி தெரிந்தது என்பதுதான் கதை.

இதுபோன்ற திரைப்படங்கள் தமிழ் சினிமாவில் பார்த்ததுதான் என்றாலும் மக்கள்
மறந்துவிட்டார்கள் என்று நினைத்துவிட்டார் போல் இருக்கிறது படத்தின் கதை,
திரைக்கதை ஆசிரியரும், மறைந்த இயக்குநர் ஜீவாவின் மனைவியுமான அனீஷ்
தன்வீர்.

டேனியல் பாலாஜி இதுவரை வில்லனாக நடித்து தனி முத்திரையை
பதித்து வந்தவர் படத்தில் ஹீரோவாக முத்திரை பதித்துள்ளார். (டேன்ஸ்
சீக்கிரமா கத்துக்கோங்கோ)

நித்தின் சத்யா தனது வெகுளித்தனமான
நடிப்பில் காமெடிக் காட்சிகள் இல்லாத குறையை தீர்த்து வைக்கவும்
முயற்சித்திருக்கிறார். பார் டான்ஸராக வரும் லக்ஷ்மிராய், கவர்ச்சியுடன்
நடிப்பையும் வெளிப்படுத்தியிருக்கிறார். (சோலோ ஹீரோயினா உங்க நடிப்பை
வெளிப்படுத்துங்க)

மஞ்சரி, கல்லூரி மாணவியாக வந்து நித்தினின் காதலியாக கலகலப்பான கதாபாத்திரமாக வலம் வருகிறார்.

படத்திற்கு யுவன்சங்கர் ராஜா இசை என்று டைட்டில் கார்டில் தெரிவதோடு சரி. பாடல்களிலோ
பின்னணி இசையிலோ தனது முத்திரையை பதிக்கவில்லை யுவன்.

ஆக்ஷன் படமாக இருந்தும் மிரளும் அளவுக்கு சண்டைக்காட்சிகள் இல்லை. ராஜசேகர்,
ஸ்டண்ட் சிவா என இரு ஸ்டண்ட் இயக்குநர்கள் இருந்தும் ஒருவரைகூட
நினைவுவைக்க இயலவில்லை.

பொல்லாதவன் கிஷோர், ரியாஷ்கான்,
பொன்வண்ணன், சரவணன், ஆனந்த் என வில்லன் பட்டாளம் ஏராளமாக
காண்பித்திருக்கிறார் இயக்குநர், இவர்களுக்கு என்று பெரிதாக காட்சி
ஒன்றும் வைக்காதது சொதப்பல்.

ஒளிப்பதிவாளர் சலீம் ஒரு குளோசப்
ஒரு லாங்க் ஷாட் என கணக்குபோட்டு காட்சிகளை படம் பிடித்திருக்கிறார்.
ஜீவாவின் உதவியாளர் என்பதை நிரூபிக்கவில்லை .

இயக்குநர் ஸ்ரீநாத் லாஜிக்கே பார்க்காமல் மேஜிக் செய்வது போல காட்சிகளை நகர்த்திக்
கொண்டு செல்கிறார். ஒட்டுமொத்த கதையையும் கிளைமாக்ஸில் சொல்லும்
இயக்குநர், அதுவரை ரசிகர்களை அமரவைக்க சுவாரஷ்யமாக எதுவும் செய்யவில்லை.

முத்திரை என்று எதற்கு டைட்டில் வைத்தார் என்பதையாவது சொல்லியிருக்கலாம்.

சென்சாரிடமிருந்து ஏ முத்திரையை வாங்கிய இயக்குநர், மக்களிடமிருந்து வெற்றி முத்திரையை வாங்கத் தவறிவிட்டார்.

நன்றி:சென்னைஆன்லைன்

super epa thiruddu vcd varum

ruban1 wrote:super epa thiruddu vcd varum

கூடிய சீக்கிரம் இளவரசன் சார் help பண்ணுவார்ன்னு நம்புறேன்...

methuva pesunka