என்னோட சமையலுப் “பா”

by வழிப்போக்கன் Thu Apr 08, 2010 5:13 am

First topic message reminder :

நீண்ட நாட்களாக நான் எப்போதாவது செய்யும் சமையலை உங்களிற்கும் சொல்லித்தரலாம் என்று எண்ணம் இருந்தது. இன்று ஒரு சமையல் சொல்கின்றேன் நீங்களும் வீட்டில் செய்து பார்த்துவிட்டு எப்படி இருந்தது என்பதனை மறக்காமல் சொல்லவேண்டும் சரியா...? ரெடியா...?

ப...பா.... பப்படம் “பா”

தேவையான பொருட்கள்

1) அடுப்பு
2)நெருப்பு
3)பாத்திரம்
4)கரண்டி
5)எண்ணெய்(நல்லெண்ணை/தேங்காய் எண்ணை)
6)அப்பளம்
7)நீங்கள்

செய்முறை

முதலில் நீங்கள் அடுப்பைப் பற்ற வைக்கவேண்டும் பின்னர் அடுப்பின்மீது நெருப்பில் பாத்திரத்தினை வைத்து பாத்திரத்தினுள் எண்ணெய் விட்டு நன்றாகக் கொதிக்க வைக்கவேண்டும் கொதித்து விட்டதா என்று கையெல்லாம் வைத்துப் பார்க்கக் கூடாது சின்னதா அப்பளத்தை உடைத்துப் போடுங்கள் அப்பளம் பொரிந்தால் கொதித்து விட்டது என்று அர்த்தம்.
பின்னர் கொதிக்கும் எண்ணெயில் அப்பளத்தினைப் போட்டு கரண்டியால புரட்டிப் புரட்டிப் போட்டு அப்பளம் பொன்னிறமாகும்போது எண்ணையில் இருந்து எடுக்கவும் பின்னர் அப்பளத்தினை சோற்றுடனோ அல்லது அதைத் தனியாகவோ பரிமாறலாம். சட்ணி அல்லது சம்பலுடனும் தொட்டுச் சாப்பிட சுவையாக இருக்கும்...!
என்ன செய்து பார்ப்பீர்கள் தானே. ஏதும் சந்தேகமிருப்பின் தயங்காது கேளுங்கள்.

பாத்திரத்தில் லெண்ணையிட்டு வெந்தணலில் பொங்கிடவே
பார்த்துக்கை சுட்டிடா தப்பளத்தைப் - பூவெனப்
பொன்னிறமாய் யாகிவரும் போததனைக் காத்தெடுத்துத்
தன்வாயிற் சேர்த்தமுதோ டுண்!