செர்ரிப்பழ ஜூஸ் குடித்தால் உடல்சோர்வு மூட்டு வலியிலிருந்து உடனடி நிவாரணம்

mohan-தாஸ் · mohan-தாஸ் Mon Apr 05, 2010 1:48 pm

செர்ரி பழ ஜூஸ் குடித்தால் உடல் சோர்வு மற்றும் மூட்டு வழி குறைகிறது என பிரிட்டனில் நடந்த ஒரு ஆய்வின் மூலம் நிரூபித்துள்ளனர்.

பிரிட்டன் நார்தும்பிரியா பல்கலைக் கழகத்தின் உளவியல் மற்றும் விளையாட்டுப் பயிற்சி ஆய்வகத்தின் இயக்குனரான டாக்டர் ஹோவாட்சன் தலைமையில் விஞ்ஞானிகள் செர்ரி பழ ஜூஸ் பயன்களைப் பற்றி சில ஆய்வுகளை மேற்கொண்டனர்.மராத்தான் பந்தயத்தில் கலந்து கொள்ளவிருந்த 20 வீரர்களைத் தேர்வு செய்து அவர்களுக்கு பந்தயத்திற்கு முன்பு 5 நாட்களும் பந்தயம் முடிந்த பின் 2 நாட்களும் தொடர்ந்து செர்ரிப் பழ ஜூஸ் கொடுக்கப் பட்டு ஆய்வு செய்யப் பட்டது.

ஆய்வு முடிவில் 48 மணி நேரப்பந்தயத்திற்கு பின்னும் வீரர்கள் சோர்வின்றி உற்சாகமாக இருப்பது கண்டுபிடிக்கப்பட்டது .செர்ரிப் பழ ஜூஸில் உள்ள "ஆந்தோசியானின்ஸ்" எனும் ஆன்டிஆக்சிடன்ட்ஸ் வேதிப் பொருள் சோர்வடைந்த தசைகளுக்கு விரைவில் புத்துணர்வூட்டி சோர்வை நீக்குவது தெரிய வந்தது.

பொதுவாக மராத்தான் போட்டிகளில் பங்கு பெறுபவர்கள் மிகக் கடுமையான உடல் சோர்வுக்கு உள்ளாக நேரிடும்.இனி அந்தக் கவலை இல்லை போட்டிகளில் பங்கேற்போர் செர்ரிப் பழ ஜூஸ் அருந்தினால் உடல் விரைவில் சோர்வை போக்கி புத்துணர்வை மீட்டெடுக்கலாம் ,சாதாரண மூட்டு வலி உடல் சோர்வுடையவர்களும் கூட செர்ரி ஜூஸ் குடித்தால் நிவாரணம் கிடைக்கும் என நிபுணர்கள் கூறினார்.