பிஞ்சுக் குழந்தையை 36 ஊசிகளால் குத்திய கொடூரம்! பிரேசிலில் சம்பவம்

by gayathiri Mon Apr 05, 2010 5:02 pm

நாமே நமக்கு எதிரியாகும் சந்தர்ப்பங்கள் நிகழ்வதுண்டு. முன்கோபம்
அதற்கு நல்லதொரு உதாரணம். முன்கோபத்தின் பின்விளைவுகள் நாம்
எதிர்பார்க்காதளவுக்குத் தாக்கத்தை ஏற்படுத்தியிருப்பதை அனுபவத்தின்
வாயிலாக அறிந்திருப்போம்.

இதுவும் அவ்வாறாதொரு சம்பவம் தான். தாயின்
மீது பழிவாங்க நினைத்து முடியாமல் போக, பிஞ்சுக் குழந்தையின் மீது தனது
வெறித்தனத்தை காட்டியுள்ள சம்பவம் இது.

மதுவெறியில் இரண்டு வயது
குழந்தையின் உடலுக்குள் சுமார் 36 ஊசிகளை குத்திப் பழிவாங்கியுள்ளார்
பிரேசில் நாட்டவர் ஒருவர். இவற்றில் இறுதியாக இருந்த நான்கு ஊசிகளை
நேற்றுப் பிற்பகல் மருத்துவர்கள் வெற்றிகரமாக பிரித்தெடுத்துள்ளனர்.

குழந்தையின்
தாயாருடன் சித்தப்பா உறவு முறையிலான ஒருவர் வாக்குவாதப்பட்டுள்ளார்.
இதனையடுத்து அதிக கோபம் கொண்ட அவர் ஊசிகளை எடுத்து குழந்தை மீது
குத்தியுள்ளார்.

குழந்தையின் மார்பு, கழுத்து, வயிற்றுப் பகுதியில்
மிக ஆழமாக ஊசி குத்தப்பட்டதால் அக்குழந்தை துடிதுடித்துப் போயுள்ளது.

கிட்டத்தட்ட
14 ஊசிகளை இதுவரை மருத்துவர்கள் குழந்தையின் உடம்பிலிருந்து
எடுத்துள்ளனர். குழந்தையின் கழுத்தும் முதுகெலும்பும் சேர்ந்த பகுதியில்
ஆபத்தான நிலையில் இருந்த ஊசியையும் வைத்தியர்கள் மீட்டுள்ளனர்.

பிரேசிலின்
வடகிழக்கிலுள்ள செல்வடோர் நகரில் நடைபெற்ற இச்சம்பவம் வைத்தியர்களுக்கு
பெரும் சவாலாக அமைந்துள்ளது. அந்நகரின் பிரசித்தி பெற்ற வைத்தியசாலையான அனா
நெரியில் சுமார் 3 மணிநேர சத்திர சிகிச்சை நடைபெற்றது.

தாயின்
இரண்டாவது கணவராகக் கருதப்படும் 30 வயதான சந்தேக நபரை பொலிஸார் கைது
செய்துள்ளனர். மனைவி மீது பழிவாங்கும் நடவடிக்கைகளில் ஈடுபட்டு வந்த இந்த
நபர் குழந்தை மீது தனது கோபத்தை வெளிப்படுத்தியுள்ளார்.

ஊசிகளால்
குத்துவதற்கு முன்னர் குழந்தை மீது மதுபானத்தை கொட்டியதாகவும் சந்தேகம்
வெளியிடப்பட்டுள்ளது.

மனைவி மீதுள்ள கோபத்தைக் காட்டுவதற்கு இந்தக்
(இரண்டாவது) கணவருக்குப் பிஞ்சுக் குழந்தைதான் கிடைத்ததா?

by kalaimoon70 Mon Apr 05, 2010 5:07 pm

காமுகனின் வெறிச் செயல் !குழந்தையின் நிலை!
தக்க தண்டை தந்து தண்டிப்பது மக்கள் முன் நடக்கணும்!
இனி நடக்காத வண்ணம் தண்டனை அமையனும்!

பிஞ்சுக் குழந்தையை 36 ஊசிகளால் குத்திய கொடூரம்! பிரேசிலில் சம்பவம்

பிஞ்சுக் குழந்தையை 36 ஊசிகளால் குத்திய கொடூரம்! பிரேசிலில் சம்பவம்

Re: பிஞ்சுக் குழந்தையை 36 ஊசிகளால் குத்திய கொடூரம்! பிரேசிலில் சம்பவம்