நபி மொழி தொகுப்பு நற்சிந்தனை -பணியாளர்களின் உரிமைகள்-35

by சபீர் Mon Apr 05, 2010 1:55 pm

அறிவிப்பாளர் : அப+ஹ{ரைரா (ரலி)

அண்ணல் நபி (ஸல்) அவர்கள் அருளினார்கள்:

“உங்களில் ஒருவரின் பணியாள் உணவு சமைத்து, அந்த உணவைச் சமைப்பதற்காக வெப்பம், புகை ஆகிய சிரமங்களைச் சகித்துக் கொண்டு, அந்த உணவை அவரிடம் கொண்டு வருகிறான் எனில், எஜமான் அவனைத் தன்னுடன் உட்கார வைத்துக்கொண்டு (இருவரும் சேர்ந்து) உண்ணட்டும்! உணவு குறைவாக இருந்தால், அதிலிருந்து ஒரு கவளம் அல்லது இரண்டு கவளம் அவனுடைய கையில் விடட்டும்! ” (முஸ்லிம்)

அறிவிப்பாளர் : அப+பக்கர் ஸித்திக் (ரலி)

அண்ணல் நபி (ஸல்) அவர்கள் அருளினார்கள்:

“தான் அடிமைகளின் மீதும் பணியாட்கள் மீதும் தன் அதிகாரத்தைத் தவறாகப் பிரயோகித்தவன் சவனத்தில் நுழையமாட்டான். ”மக்கள் வினவினார்கள்: “அல்லாஹ்வின் தூதரே! இந்தச் சமுதாயத்தில் மற்ற சமுதாயங்களைக் காட்டிலும் அடிமைகளும், அநாதைகளும் அதிகமாக இருப்பார்கள் என்று நீங்கள் சொல்லவில்லையா? ”அண்ணல் நபி (ஸல்) அவர்கள் பதிலளித்தார்கள்: “ஆம்! நான் உங்களிடம் அவ்வாறு சொல்லி இருக்கின்றேன். எனவே, நீங்கள் உங்கள் குழந்தைகள் போல் அவர்களையும் உபசரியுங்கள். நீங்கள் உண்பதிலிருந்து அவர்களுக்கும் உணவ+ட்டுங்கள். ”(இப்னுமாஜா)

அறிவிப்பாளர் : அப+ உமாமா (ரலி)

பெருமானார் (ஸல்) அவர்கள் அலீ (ரலி) அவர்களுக்கு ஒர் அடிமையை அன்பளிப்பாக வழங்கிக் கூறினார்கள்: “இவனை அடிக்காதீர்! ஏனெனில், தொழுகையாளியை அடிப்பதைவிட்டு நான் தடுக்கப்பட்டுள்ளேன். நான் இவனைத் தொழக் கண்டிருக்கிறேன். ” (மிஷ்காத்)