குழந்தைகளின் கல்வியில் கருத்தில் கொள்ள வேண்டிய முக்கியமான அம்சங்கள் :

by எஸ்.அஸ்லி Sun Apr 04, 2010 9:26 pm

குழந்தைகளிடமிருந்து நீங்கள் எதிர்பார்க்கின்ற திறமையின் அளவினை நன்றாகத் தெரிந்து கொள்ள வேண்டும். குழந்தைகளின் செயல்பாடுகளில் தெரிகின்ற பலஹீனங்களை வெளிப்படுத்திக் காட்டாமல் எப்போதும் குழந்தைகளின் திறமைகளை வெளிக் கொண்டு வர உற்சாகப்படுத்த வேண்டும். கிடைக்கும் எல்லா சந்தர்ப்பங்களிலும் குழந்தைகளின் பொதுவான விடயங்களில், கவனிமாக இருப்பதற்கு ஆசிரியர்களும், பெற்றோர்களும் தயாராக இருக்க வேண்டும். உங்கள் குழந்தைகளை சிறந்த திறமைகளோடு ஒப்பிட்டு நோக்குவதை முற்றுமுழுவதாகத் தவிர்த்துக் கொள்ள வேண்டும். குழந்தைகளிடம் இருக்கும் சாமார்த்தியங்களை வெளிப்படுத்தி, அவற்றை முன்னெடுத்துச் செல்ல உதவி செய்வது - ஆசிரியர்களினது பெற்றோர்களினது தலையாய கடமையாகும். எழுதுவதில் வாசிப்பதில், அல்லது கணித வேலைகளில் உங்கள் குழந்தைகள் திறமையற்றவனாக இருந்தாலும், கைத்தொழில், விளையாட்டு போன்றவற்றில் திறமையுள்ளவனாக இருக்க வேண்டும். உங்கள் குழந்தைகளின் கற்றல் திறன் சாதாரண நிலையை விட மிகக் குறைந்த நிலையில் இருக்குமாயின் விசேஷ கல்விப் பிரிவில் அவர்களைக் கற்க வைப்பது மிகவும் பொருத்தமாகும்.