குழந்தை வளர்ப்பு

by எஸ்.அஸ்லி Sun Apr 04, 2010 8:03 pm

;உங்களுக்கு குழந்தைப் பாக்கியம் வேண்டுமென்றால், ஜக்கரிய்யா (அலை) அவர்கள் எவ்வாறு குழந்தை வேண்டிய இறைவனிடம் பிரார்த்தித்தார்களோ அதைப் போல நீங்களும் பிரார்த்தியுங்கள் :

ஜகரிய்யா தம் இறைவனிடம் பிரார்த்தனை செய்தவராகக் கூறினார்; ''இறைவனே! உன்னிடமிருந்து எனக்காக ஒரு பரிசுத்தமான சந்ததியைக் கொடுத்தருள்வாயாக! நிச்சயமாக நீ பிரார்த்தனையைச் செவிமடுத்தருள்வோனாக இருக்கின்றாய்."" (3:38)

by எஸ்.அஸ்லி Sun Apr 04, 2010 8:03 pm

ஜக்கரிய்யா (அலை) அவர்களது பிரார்;த்தனையை ஏற்றுக் கொண்ட இறைவன் அவர்களுக்கு யஹ்யா (அலை) அவர்களை மகனாகப் பிறக்கச் செய்தான். இவர்கள் தான் அனைத்து நபிமார்களிலும் மிகவும் கண்ணியத்திற்குரியவரான ஈஸா (அலை) அவர்களின் வருகையை முன்னறிவுப்புச் செய்யக் கூடியவராகவும், ஜக்கரிய்யா (அலை) அவர்களுக்கு திருமகனாராகவும் பிறந்தார்கள்.

by எஸ்.அஸ்லி Sun Apr 04, 2010 8:03 pm

திருமறைக் குர்ஆனில் குழந்தைகளுக்காகக் கேட்கப்படக் கூடிய பிரார்த்தனையாக இரண்டு வசனங்கள் இருக்கின்றன. அவையாவன :

மேலும் அவர்கள்; ''எங்கள் இறைவா! எங்கள் மனைவியரிடமும், எங்கள் சந்ததியரிடமும் இருந்து எங்களுக்குக் கண்களின் குளிர்ச்சியை அளிப்பாயாக! (25:74)

by எஸ்.அஸ்லி Sun Apr 04, 2010 8:04 pm

மேற்கண்ட துஆவின் மூலம், மனைவியும், குழந்தைகளும் கண்ணுக்குக் குளிர்ச்சியைத் தரக் கூடியவர்களாகவும், அமைதியையும், ஆனந்தத்தையும் தரக் கூடியவர்களாகவும், சுகத்தையும், திருப்தியையும் பெற்றுத் தரக் கூடியவர்களாகவும் அவர்கள் அமைவதற்காக வேண்டி மேற்கண்ட துஆவைக் கேட்குமாறு இறைவன் மனிதனுக்குக் கற்றுக் கொடுத்திருக்கின்றான்

by எஸ்.அஸ்லி Sun Apr 04, 2010 8:04 pm

இரண்டாவதாக..

''(இறைவனே!) எங்களுக்கு நீ நல்ல (சந்ததியைக்) கொடுத்தால், நிச்சயமாக நாங்கள் இருவரும் நன்றியுள்ளவர்களாக இருப்போம்"" (7:189)

நீங்கள் விரும்பியவாறு மழலைச் செல்வங்களைப் பெற்றுக் கொண்டதற்காகவும், அத்தகைய பாக்கியத்தை இறைவன் தங்களுக்கு வழங்கியதற்காகவும் அவனுக்கு நன்றி செலுத்துபவர்களாகத் திகழ வேண்டும்.

by எஸ்.அஸ்லி Sun Apr 04, 2010 8:04 pm

இறைத்தூதர் (ஸல்) அவர்கள் கூறினார்கள் :

மூன்று பிரார்த்தனைகள் எந்தவித சந்தேகத்திற்கும் இடமின்றி ஏற்றுக் கொள்ளப்படுகின்றன : தந்தையுடையதும், பயணியுடையதும் இன்னும் அநீதியிழைக்கப்படவன் ஆகிய இம்மூன்று நபர்களுடைய பிரார்த்தனையை (இறைவன் கண்டிப்பாக) ஏற்றுக் கொள்கின்றான். (அபூதாவூது : 1531)

by எஸ்.அஸ்லி Sun Apr 04, 2010 8:04 pm

முஸ்லிமாக இருக்கக் கூடிய தாய் தந்தையர்கள் தங்களது குழந்தைகளுக்கு இந்த உலகத்தின் நற்பேறுகளையும், மறுமையின் நற்பேறுகளையும் ஆசைப்படுபவர்களாக இருக்க வேண்டும். இந்த இரண்டில் எதைத் தேர்வு செய்வது என்ற நிலைமை

by எஸ்.அஸ்லி Sun Apr 04, 2010 8:05 pm

ஒன்று உங்களுக்கு உருவாகுமானால், முஸ்லிம்களாக இருக்கக் கூடிய நாம் அந்த மறுமை வாழ்வின் நற்பேறுகளையே தேர்வு செய்ய வேண்டும், ஏனெனில், அது முடிவுறாத நிலைபெற்ற வாழ்வாக அல்லவா இருக்கின்றது!

by எஸ்.அஸ்லி Sun Apr 04, 2010 8:05 pm

இந்த உலக வாழ்க்கையில் சில உங்களை சந்தோசப்படுத்தலாம், ஆனால் அந்த சந்தோசங்கள் உங்களது மற்றும் உங்களது பிள்ளைகளின் மறுமை வாழ்வைப் பாதித்து விட்டால்?! எனவே, நம்முடைய அனைத்து அலுவல்களையும் இறைவனுக்குப் பிடித்தவாறு நடத்தி வைக்க, அந்த வல்ல இறைவனிடமே அதற்கான நேர்வழியை காட்டியருளும்படி நாம் நம்முடைய ஒவ்வொரு பிரார்த்தனையிலும் நாம் பிரார்த்திக்க வேண்டும். இன்றைக்கு இந்த உலக வாழ்க்கையிலே கிடைக்கக் கூடிய சுகங்கள் அற்பமானவை, அதி விரைவில் அவை நம்மை விட்டும் சென்று விடக் கூடியவை. நிரந்தரமில்லாத இந்த உலக வாழ்வின் சுகங்களுக்காக அந்த முடிவறாத சுகத்தை நாம் இழக்கத் துணிவோமா?!