ஒருவர் மற்றவர் உரிமைகளை மதித்து நடப்பது

எஸ்.அஸ்லி · எஸ்.அஸ்லி Sun Apr 04, 2010 7:13 pm

உங்களது திருமணம் வெற்றிகரமான திருமணமாக பரிணமிக்க வேண்டுமென்றால், திருமணமான ஆண்-பெண் இருவரும், ஒருவர் மற்றவர் மீது என்னனென்ன உரிமைகள் இருக்கின்றன என்பதைப் பற்றித் தெளிவாக அறிந்து கொள்வதுடன், அவற்றை மதித்து நிறைவேற்ற கூடுதல் முயற்சி எடுத்துக் கொள்ள வேண்டும்.

எஸ்.அஸ்லி · எஸ்.அஸ்லி Sun Apr 04, 2010 7:14 pm

ஒரு கணவனின் மீது உள்ள உரிமைகள் என்னவென்றால், தன்னை நம்பி உள்ள குடும்பத்தினருக்கு தாய், தந்தை, மனைவி, பிள்ளைகள் போன்றவர்களுக்கான வாழ்வியல் தேவைகளை அதாவது, உடை, உணவு, உறையுள், கல்வி இன்னும் பல அடிப்படைத் தேவைகளை நிறைவேற்றிக் கொடுப்பது, அதற்கான பொருளாதாரத்தைத் திரட்டிக் கொடுப்பது.

எஸ்.அஸ்லி · எஸ்.அஸ்லி Sun Apr 04, 2010 7:14 pm

இன்னும் குடும்பத் தலைவன் என்ற முறையில் குடும்பப் பராமரிப்பு அத்துடன் மார்க்க வழிகாட்டுதல்கள் மற்றும் குடும்பத்தினரிடையே ஒழுக்க மாண்புகளில் கவனம் செலுத்துதல் ஆகியவை கணவன் மீதுள்ள இன்றியமையாத கடமைகளாகும். இவை யாவும் அவன் மீதுள்ள தவிர்க்க முடியாத கடமைகளாகும்.

எஸ்.அஸ்லி · எஸ்.அஸ்லி Sun Apr 04, 2010 7:14 pm

மனைவியைப் பொறுத்தவரையில், இறைவன் அனுமதித்துள்ள வரம்புகளைப் பேணுவதும், அதற்காக கணவனுக்குக் கட்டுப்பட்டு நடப்பதும், குடும்பப் பராமரிப்பு, குழந்தை வளர்ப்பு போன்றவற்றில் தனிக் கவனம் செலுத்துவதும் அவளது இன்றியமையாத கடமைகளில் ஒன்றாக இருக்கின்றது. இன்னும் பல பொறுப்புக்களை நிறைவேற்றக் கூடியவளாக அவள் இருந்தாலும், மேலே சொன்னவைகள் தான் அவளுக்குரிய அடிப்படைக் கடமைகள் என்பதை அவள் மறந்து விடக் கூடாது. இவற்றை அவள் நிறைவேற்றத் தவறுவாளாகில், அந்தக் கணத்திலிருந்து குடும்பத்தில் குழப்பங்கள் தலைதூக்க ஆரம்பித்து விடும், குடும்பச் சூழ்நிலை பாழ்பட ஆரம்பித்து விடும். குடும்பத்தில் அமைதி நீங்கி, புயல் வீச ஆரம்பித்து விடும். இத்தகைய சூழ்நிலைகளினால் அங்கு அன்பு அழிந்து, கருணையை இழந்து, ஒருவர் மற்றவரைப் பிணைக்கக் கூடிய நற்பண்புகளையும் இல்லாமலாக்கி விடும்.

எஸ்.அஸ்லி · எஸ்.அஸ்லி Sun Apr 04, 2010 7:14 pm

எனவே தான், கணவன் மனைவி இருவரும் தங்களுக்குரிய கடமைகள் என்னவென்பதை ஆராய்ந்து, அதனை நிறைவேற்றுவதில் கண்ணும் கருத்துமாக இருக்க வேண்டும். ஒருவர் மற்றவர் மீது காட்டக் கூடிய அலாதியான அந்த அன்பு, அவர்களது இதயத்தைப் பிணைப்பதோடு, இறைவன் நாடினால் மேலும் மேலும் வசந்தம் வீசக் கூடிய தளமாக இல்லறம் மாறவும் வாய்ப்பு ஏற்படும்.

jahubar · jahubar Sun Apr 04, 2010 7:31 pm

அருமையான பதிவு நன்றி....எஸ்.அஸ்லிக்கு

சபீர் · சபீர் Mon Apr 05, 2010 9:32 pm

அருமையான பதிவு நன்றி....எஸ்.அஸ்லிக்கு

கலைவேந்தன் · கலைவேந்தன் Mon Apr 05, 2010 9:42 pm

இல்லறம் பற்றிய நல்லறம் பகிர்ந்த அன்பு தங்கை அஸ்லிக்கு நன்றிகள் பல...! ஒருவர் மற்றவர் உரிமைகளை மதித்து நடப்பது 678642

ஹனி · ஹனி Mon Apr 05, 2010 9:48 pm

நன்றாக சொன்னீர்கள் அஸ்லி மகிழ்ச்சி

Sponsored content · Sponsored content

ஒருவர் மற்றவர் உரிமைகளை மதித்து நடப்பது

ஒருவர் மற்றவர் உரிமைகளை மதித்து நடப்பது

Re: ஒருவர் மற்றவர் உரிமைகளை மதித்து நடப்பது

Re: ஒருவர் மற்றவர் உரிமைகளை மதித்து நடப்பது

Re: ஒருவர் மற்றவர் உரிமைகளை மதித்து நடப்பது

Re: ஒருவர் மற்றவர் உரிமைகளை மதித்து நடப்பது

Re: ஒருவர் மற்றவர் உரிமைகளை மதித்து நடப்பது

Re: ஒருவர் மற்றவர் உரிமைகளை மதித்து நடப்பது

Re: ஒருவர் மற்றவர் உரிமைகளை மதித்து நடப்பது

Re: ஒருவர் மற்றவர் உரிமைகளை மதித்து நடப்பது

Re: ஒருவர் மற்றவர் உரிமைகளை மதித்து நடப்பது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக