ரத்தக் கொதிப்பு

ரத்த அழுத்தம், இருதய சுருக்கு அழுத்தம் 250 மி.மிக்கு மேலாகவும் இருதய விரிவு அழுத்தம் 150 மி. மிக்கு மேலாகவும் இருந்தால் ரத்தமிகு அழுத்த நோய் உடலில் உள்ள எல்லா உறுப்புக்களையும் வெகுவாகப் பாதிக்கும்.

ரத்தத்தின் பரிமாணம் அதிகரிப்பதாலும் பெரிய ரத்த நாளங்கள் தங்களுடைய இயற்கையான நெகிழ்வு தன்மையை இழப்பதாலும் ரத்த அழுத்தநோய் வரலாம்.

சிறுநீரகத்திற்குச் செல்லும் ரத்த நாளங்கள் அடைபட்டு அல்லது சுருங்குமே யானால் வழக்கமாகச் செல்லும் ரத்தத்தின் அளவு சிறுநீரகத்திற்குச் செல்ல முடிவதில்லை. அதனால் ஏற்படும் பற்றாக்குறைவினாலும் சிறுநீரகம் ரெனின் என்ற பொருளை சுரப்பதாலும் ரத்த அழுத்தம் கூடலாம்.

பொதுவாக மக்கள் இந்த நோயின் தன்மையை அறிந்திடாமல் அதற்குரிய மருத்துவத்தை செவ்வனே செய்யாததாலும் மிகவும் பாதிக்கப்படுகிறார்கள்.

ரத்தமிகு அழுத்தம் பல நோய்களின் வெளிப்பாட்டு அறிகுறியாக இருப்பதாலும் பல உறுப்புகளை அது பாதிப்பதாலும் உட்கொள்ளும் உணவிற்கும் ரத்த மிகு அழுத்தத்திற்கும் தொடர்பு இருப்பதாலும் மனிதனின் மனோபக்குவமும், ரத்த அழுத்தத்தை பாதிப்பதாலும் இயற்கையாகவே வம்சா வழியாக சில குடும்பத்தினரை அந்த ரத்த அழுத்தம் பாதிப்பதாலும் 90 விழுக்காடு ரத்தமிகு அழுத்தத்தின் காரணம் தெரியாததாலும் அதற்குரிய சிகிச்சையும் சிக்கலான தாகவே மருத்துவருக்கு இன்றுவரை ஒரு சவாலாகவே இருந்து வருகிறது.

மருத்துவர்கள் பல ரத்த பரிசோதனை இ.சி.ஜி. மற்றும் எக்ஸ்-ரே இன்னும் பல சோதனைகள் செய்த பின்னர் அதன் காரணத்தை கண்டுபிடித்த பின்னர் அதற்கேற்ப மருந்துகளை தருகின்றனர்.

நம் நாட்டில் ரத்த அழுத்த நோய்

(1) 50 விழுக்காடு வரை கண்டுபிடிக்கப்படாமல் உள்ளது.

(2) 55 விழுக்காடு வரை கண்டுபிடிக்கப்பட்டாலும்கூட வைத்தியம் பார்க்காத
நிலையில் உள்ளவர்கள்.

(3) 12.5 விழுக்காடு முழுமையான வைத்தியம் இல்லாமல் அரைகுறை வைத்தியம் பார்த்திருக்கிறார்கள்.

(4) 12.5 முழுமையான முறையான வைத்தியம் பார்த்து நோயை கட்டுப்பாட்டில் வைத்துள்ளார்கள்.

ரத்த அழுத்த நோய் எவ்வாறு கண்டுபிடிக்கப்படுகிறது?

1) ரத்த அழுத்த நோய் அறிகுறி ஏதும் இல்லாமல் வேறு வியாதிக்காக மருத்துவரிடம் செல்லும்பொழுது கண்டுபிடிக்கப்படுகிறது.

2) மருத்துவ சான்றிதழ் வாங்குவதற்காக செல்லும் பொழுது

3) ரத்த அழுத்த நோய்க்கான அறிகுறிகளோடு மருத்துவரிடம் செல்லும்
பொழுது.

4) கடுமையான ரத்த அழுத்தம் கண்டுபிடிக்கப்படாமலேயே இருந்து அதன் விளைவோடு பக்கவாதம், மயக்கம் முதலிய அறிகுறிகளோடு செல்லும்போது கண்டு பிடிக்கப்படுகிறது.

5) மருத்துவர்கள் டயஸ்டாலிக் ரத்த அழுத்தத்தை மிக உன்னிப்பாக கவனித்து வைத்தியம் பார்ப்பார்கள்.

பொதுவாக ரத்த அழுத்தத்தை எவ்வாறு கணக்கிடுவார்கள்.

படுத்திருக்கும்போது-நிற்கும்போது, இடது கை-வலது கையில், இரு கால் களிலும், காலை- மாலை வேளைகளில், உடற்பயிற்சிக்கு முன்னும், பின்னும், மருந்து சாப்பிடும் முன், மருந்து சாப்பிட்ட பின் கணக்கிடுவார்கள்.

ரத்த அழுத்த அறிகுறிகள்

தலைவலி குறிப்பாக பிடரியில் வலி அதுவும் குறிப்பாக காலையில் வரும் தலைவலி, காது இரைச்சல், பார்வை மங்குதல், மயிலுறக்கம், சில்லு மூக்கு உடைதல், சிறிதளவு உடற்பயிற்சியின் போதும் மூச்சு வாங்குதல் போன்றவை.

ரத்தக் கொதிப்பு நோய் உயிருக்கு ஆபத்து விளைவிக்கக் கூடியது. நோய் கண்டவர்கள் மருத்துவர்களை அணுகி பரிசோதனை, சிகிச்சை மேற்கொள்ள வேண்டும்.