நபித்தோழியர் - நமக்கவர்கள் முன்மாதிரிகள்

எஸ்.அஸ்லி · எஸ்.அஸ்லி Sun Apr 04, 2010 7:02 pm

உங்களில் யாராவது இறையச்சமிக்க மனைவியாக வாழ விரும்புகின்றீர்கள் என்றால், அதற்கு உதாரணமாக இறைத்தூதர் (ஸல்) அவர்களுடைய தோழியரை மிகச் சிறந்த உதாரணங்களாக எடுத்துக் கொள்ளுங்கள். அந்த நபித்தோழியரது நடைமுறைகள் மற்றும் அவர்கள் அடைந்த சாதனைகளைப் பற்றி கற்றுணர்ந்து, அவர்கள் தங்களது வாழ்க்கையில் நடந்து காட்டிய பண்புநலன்கள், மிகச் சிறந்த நன்மக்களாகப் பரிணமித்துக் கொள்வதற்காக அவர்கள் எடுத்துக் கொண்ட முயற்சிகள் பற்றி ஆய்வு செய்து பார்த்து, அதனைப் பின்பற்றுதவற்கு உச்சபட்ச முயற்சிகளைக் காட்ட வேண்டும். இறைவனுக்கு தன்னை அர்ப்பணித்து, கீழ்படிந்த வாழ்க்கையை வாழ்வதற்கு – அமைதி, தான தர்மங்கள், சுய அர்ப்பணிப்பு இவை போன்றவற்றின் மூலம் இறைவனுக்கு உகந்த நல்லடியாளாக மாறுவதற்கு முயல வேண்டும் .

எஸ்.அஸ்லி · எஸ்.அஸ்லி Sun Apr 04, 2010 7:03 pm

குறிப்பாக : அலி (ரலி) அவர்களுக்குப் பக்கபலமாக ஃபாத்திமா (ரலி) அவர்களும், ஜுபைர் (ரலி) அவர்களுக்குப் பக்கபலமாக அஸ்மா பின்த் அபுபக்கர் (ரலி) அவர்களும், அபு தல்ஹா (ரலி) அவர்களுக்குப் பின்புலமாக உம்மு சுலைம் (ரலி) அவர்களும் இருந்த வரலாற்றை நாம் அறிந்து கொள்ள வேண்டும். மேலும், ஃபிர்அவ்னுடைய மனைவி அஸியா அவர்களையும், ஈஸா (அலை) அவர்களது தாயார் மர்யம் (அலை) அவர்களைப் பற்றியும் நாம் அறிந்து கொள்ள வேண்டும். மேலும், நபித்தோழியரில் இவர்களைக் காட்டிலும் மிகச் சிறப்பான நபித்தோழியர்; வேறு எவரும் இல்லை: கதீஜா பின்த் குவைலித் (ரலி), ஆயிஷா சித்தீக்கா (ரலி), மற்றும் உம்மு ஸலமா (ரலி).. இவர்களில் சிலரது பெயரைத் தான் நாம் இங்கே தந்திருக்கின்றோம். அல்லாஹ் தன்னுடைய திருமறையிலே தந்திருக்கும் வாக்குமூலத்திற்கு உரித்தானவர்களாக இவர்கள் இருந்தார்கள் :

எஸ்.அஸ்லி · எஸ்.அஸ்லி Sun Apr 04, 2010 7:03 pm

மனிதர்களுக்காக தோற்றுவிக்கப்பட்ட (சமுதாயத்தில்) சிறந்த சமுதாயமாக நீங்கள் இருக்கிறீர்கள்; (ஏனெனில்) நீங்கள் நல்லதைச் செய்ய ஏவுகிறீர்கள்; தீயதை விட்டும் விலக்குகிறீர்கள்; இன்னும் அல்லாஹ்வின்மேல் (திடமாக) நம்பிக்கை கொள்கிறீர்கள்;. (3:110)

எஸ்.அஸ்லி · எஸ்.அஸ்லி Sun Apr 04, 2010 7:04 pm

இன்னும் முஹாஜிர்களிலும், அன்ஸார்களிலும், முதலாவதாக (ஈமான் கொள்வதில்) முந்திக்கொண்டவர்களிலும் பின் தொடர்ந்தவர்களும் இருக்கின்றார்களே அவர்கள் மீது அல்லாஹ் திருப்தி அடைகிறான்; அவர்களும் அவனிடம் திருப்தியடைகின்றார்கள்; அன்றியும் அவர்களுக்காக, சுவனபதிகளைச் சித்தப்படுத்தியிருக்கின்றான், அவற்றின் கீNழு ஆறுகள் ஓடிக்கொண்டிருக்கும், அவர்கள் அங்கே என்றென்றும் தங்கியிருப்பார்கள் - இதுவே மகத்தான வெற்றியாகும். (9:100)

எஸ்.அஸ்லி · எஸ்.அஸ்லி Sun Apr 04, 2010 7:04 pm

நபித்தோழியர்களின் பண்புகள், பழக்க வழக்கங்கள், செயல்பாடுகள் ஆகிய அனைத்தும் இறைவனால் சாட்சியமளிக்கப்பட்டிருக்கின்றது மற்றும் இறைவன் அவர்களை மிகச் சிறந்த சமுதாயமாக ஒப்புக் கொண்டிருக்கின்றான். மேலும் அவர்களுக்காக சுவனத்தை அலங்கரித்துத் தயார் செய்து வைத்திருப்பதாகவும் தன்னுடைய திருமறையிலே வாக்குறுதியும் அளித்துள்ளான், மேலும் இவர்களை யார் யாரெல்லாம் பின்பற்றுகின்றார்களோ அவர்களுக்கும் அந்த சுவனபதிகள் உண்டு என்பதையும் நமக்கு சுட்டிக் காட்டியிருக்கின்றான். நம்மில் யாருமே நம்முடைய பணிகள் விழலுக்கு இறைத்த நீராக மாற ஆசைப்படுவோமா? இறைவன் நம்மை எவ்வாறு அவனை வணங்க வேண்டும் என்று பணித்திருக்கின்றானோ அவ்வாறு அவனை வணங்கி, அந்த மறுமை நாளிலே அவனைச் சந்திக்கின்ற பொழுது அவனது நல்லடியார்களாக நாம் அவனது திருமுன் நிற்பது குறித்தும், அவனால் ஒப்புக் கொள்ளப்பட்ட சமுதாயமாக அவன் முன் நிற்பது குறித்தும் யாராவது விருப்பம் கொள்ளாமல் இருப்போமா? உண்மையிலேயே நீங்கள் இறைவனால் விரும்பப்படக் கூடிய மக்களாக மாற வேண்டுமெனில், நமக்கு முன் சென்று விட்ட உதாரணங்களாகத் திகழக் கூடிய அந்த நபித்தோழியர்;, நபித்தோழர்களுடைய வாழ்வை நாம் முன்மாதிரியாகக் கொண்டு நம்முடைய வாழ்க்கையை அமைத்துக் கொள்ள வேண்டும். இறைவன் தன்னுடைய திருமறையிலே கூறுகின்றான் அல்லவா : அவர்கள் மீது அல்லாஹ் திருப்தி அடைகிறான்; அவர்களும் அவனிடம் திருப்தியடைகின்றார்கள்; ..

எஸ்.அஸ்லி · எஸ்.அஸ்லி Sun Apr 04, 2010 7:04 pm

இன்னும் மற்றுமொரு வசனத்தில் இறைத்தூதரை முதன் முதலாகப் பின்பற்றிய அந்த ஆண்களையும், பெண்களையும் குறித்தும், அவர்கள் தன்னுடைய இறைத்தூதர் (ஸல்) அவர்களை மிகச் சரியாகவும், முழுமையாகவும் பின்பற்றியது குறித்தும் இவ்வாறு கூறுகின்றான்

எஸ்.அஸ்லி · எஸ்.அஸ்லி Sun Apr 04, 2010 7:04 pm

எனவே நீங்கள் செய்ய வேண்டியது என்னவென்றால்.. நான் எவ்வாறு இறையச்சமுள்ள பெண்மணியாக, மனைவியாக மாறுவது? என்பது தான்.

ஹனி · ஹனி Sun Apr 04, 2010 7:26 pm

நன்றி அஸ்லி

jahubar · jahubar Sun Apr 04, 2010 7:44 pm

பாரட்டவார்தைகள் இல்லை மிக்கா...நன்றி

mdkhan · mdkhan Sun Apr 04, 2010 7:50 pm

நன்றி அஸ்லி.......

தினமும் மிக அழகிய முறையில் சிறப்புமிக்க இஸ்லாமிய மார்க்க பதிவுகளை தந்துகொண்டிருக்கும் உங்களுக்கு எனது வாழ்த்துக்கள்.!

தொடருங்கள் இந்த சிறந்த பணியை...

அன்புடன்
கான் நபித்தோழியர் - நமக்கவர்கள் முன்மாதிரிகள் 154550

நபித்தோழியர் - நமக்கவர்கள் முன்மாதிரிகள் 154550

Sponsored content · Sponsored content

நபித்தோழியர் - நமக்கவர்கள் முன்மாதிரிகள்

நபித்தோழியர் - நமக்கவர்கள் முன்மாதிரிகள்

Re: நபித்தோழியர் - நமக்கவர்கள் முன்மாதிரிகள்

Re: நபித்தோழியர் - நமக்கவர்கள் முன்மாதிரிகள்

Re: நபித்தோழியர் - நமக்கவர்கள் முன்மாதிரிகள்

Re: நபித்தோழியர் - நமக்கவர்கள் முன்மாதிரிகள்

Re: நபித்தோழியர் - நமக்கவர்கள் முன்மாதிரிகள்

Re: நபித்தோழியர் - நமக்கவர்கள் முன்மாதிரிகள்

Re: நபித்தோழியர் - நமக்கவர்கள் முன்மாதிரிகள்

Re: நபித்தோழியர் - நமக்கவர்கள் முன்மாதிரிகள்

Re: நபித்தோழியர் - நமக்கவர்கள் முன்மாதிரிகள்

Re: நபித்தோழியர் - நமக்கவர்கள் முன்மாதிரிகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக