நபி மொழி தொகுப்பு நற்சிந்தனை -4

சபீர் · சபீர் Sat 20 Mar 2010 - 19:39

மனைவியரின் உரிமைகள்

அறிவிப்பாளர் : ஹகீம் பின் முஆவியா(ரலி)

ஹகீம் பின் முஆவியா(ரலி) அவர்கள் தம் தந்தை முஆவியா(ரலி) அவர்களிடமிருந்து அறிவிக்கின்றார்கள்: அவர்கள் (முஆவியா(ரலி) கூறினார்கள். நான் அண்ணல் நபி(ஸல்) அவர்களிடம் “ஒரு மனைவிக்கு தன் கணவன் மீது என்னென்ன உரிமைகள் உள்ளன (அதாவது அவளுக்கு ஆற்ற வேண்டிய கடமைகள் யாவை?)” என்று வினவினேன். நபிகள் நாயகம் (ஸல்) அவர்கள் நவின்றார்கள் : “நீங்கள் உண்ணும் போது அவளையும் உண்ணச் செய்யுங்கள், உடை வாங்கும்போது அவளுக்கும் உடை வாங்கிக் கொடுங்கள், அவளது முகத்தில் அடிக்காதீர்கள். அவளைச் சபிக்காதீர்கள், அவளுடன் தொடர்பை விட்டுவிட நேர்ந்தால், வீட்டில் மட்டும் தொடர்பைத் துண்டித்துக் கொள்ளுங்கள். இவையே உம் மனைவிக்கு இருக்கும் உரிமைகள். (அதாவது அவளுக்கு ஆற்ற வேண்டிய கடமைகள்).” (அப+தாவ+த்)

விளக்கம்:

நீங்கள் எப்படி உண்கிறீர்களோ, அவ்வாறே உங்கள் மனைவிக்கும் உணவளியுங்கள். நீங்கள் எந்தத் தரத்தில் துணிமணிகள் அணிகின்றீர்களோ அதே தரத்திலுள்ள ஆடைகளை அவளுக்கும் அணியக் கொடுங்கள்.இறுதி வாக்கியத்தின் கருத்து இதுதான்: மனைவி மாறு செய்யும் போக்கு கொணடவளாகவும், தொந்தரவு செய்பவளாகவும் இருந்தால், குர்ஆனின் அறிவுரைக்கேற்ப முதலில் அவளுக்கு மென்மையாக அறிவுறுத்த வேண்டும். அதனாலும் அவள் சீர்திருந்தவில்லையென்றால், வீட்டில் கணவன் தன் படுக்கையைத் தனியாக்கிக் கொள்ள வேண்டும். இருவருக்குமிடையிலுள்ள மனமாறுபாட்;டை வெளியில் உள்ளவர்கள் அறியவிடக்கூடாது. ஏனென்றால், தம்பதியினரின் மன முரண்பாட்டை வெளியே காட்டிக் கொள்வது கண்ணியத்திற்கு மாற்றமானது. இவ்வாறு செய்தும் மனைவி திருந்தவில்லையென்றால் அவளை அடிக்கலாம். ஆனால், முகத்தில் அடிக்கக்கூடாது, காயமாகும் அளவுக்கோ அடிக்கக்கூடாது என்றும் அறிவுறுத்தப்பட்டுள்ளது

ரபீக் · ரபீக் Mon 31 May 2010 - 12:54

இல்வாழ்க்கைக்கு தேவையான விசயங்கள் அனைத்தும் இஸ்லாத்தில் உள்ளன ,அதனை பின்பற்றி நடந்தாலே குடும்ப பிரச்சினையிலிருந்து விடுபடலாம் ,மிகவும் அருமையான ஹதீதினை பதிவு செய்து உங்களுக்கு எனது நன்றிகள்

**ரிபாஸ்** · **ரிபாஸ்** Mon 31 May 2010 - 12:57

சூப்பர் நண்பா அருமையான தொகுப்பு

சபீர் · சபீர் Tue 1 Jun 2010 - 23:11

ரபீக் wrote:இல்வாழ்க்கைக்கு தேவையான விசயங்கள் அனைத்தும் இஸ்லாத்தில் உள்ளன ,அதனை பின்பற்றி நடந்தாலே குடும்ப பிரச்சினையிலிருந்து விடுபடலாம் ,மிகவும் அருமையான ஹதீதினை பதிவு செய்து உங்களுக்கு எனது நன்றிகள்