நபி மொழி தொகுப்பு நற்சிந்தனை -6

அண்ணல் நபி (ஸல்) அவர்கள் கூறினார்கள் :
“ஓர் இறைநம்பிக்கையுடைய கணவன் தன் இறைநம்பிக்கையுடைய மனைவியை வெறுக்க வேண்டாம். அவளுடைய ஒரு பழக்கம் அவனுக்குப் பிடிக்கவில்லை என்றால், அவளுடைய வேறு பழக்கங்கள் அவனுக்கு மனநிறைவு அளிக்கக்கூடும். ” (முஸ்லிம்)
விளக்கம் :
இதன் கருத்தாவது : மனைவி அழகானவளாய் இல்லை என்றாலோ வேறு ஏதேனும் ஒரு குறைபாடு காணப்பட்டாலோ அதற்காக உடனே அவளுடைய உறவைத் துண்டித்துக் கொள்ள முடிவெடுக்காதீர்கள்! ஒரு பெண்ணின் பழக்கங்களில் ஏதேனும் குறை இருந்தாலும், அவளிடமுள்ள வேறு பல பழக்கங்கள் கணவனின் இதயத்தைக் கவரக்கூடியதாகவும் இருக்கலாம். ஆகவே, அவளுக்கு அவகாசம் அளித்துப் பார்க்க வேண்டும். அவளுடைய ஒரே ஒரு குறையைக் கண்டு உள்ளத்தில் அவளைப் பற்றி நிரந்தரமான வெறுப்பை ஏற்படுத்திக் கொள்ளக்கூடாது.
அறிவிப்பாளர் : அம்ர் பின் அஹ்வல் அல்ஜுஷமி (ரலி)
நபி (ஸல்) அவர்கள் தம் இறுதி ஹஜ்ஜில் கூறக் கேட்டேன்:
அண்ணலார் (ஸல்) அவர்கள் முதலில் இறைவனைப் புகழ்ந்து துதித்த பின்பு சில அறிவுரைகளை வழங்கினார்கள். பிறகு கூறினார்கள் : “மக்களே! கேளுங்கள்: பெண்களுடன் நல்ல முறையில் நடந்து கொள்ளுங்கள்! ஏனெனில், அவர்கள் உங்களிடம் சிறைக்கைதிகளின் அந்தஸ்தில் உள்ளனர். அவர்கள் வெளிப்படையாக உங்களுக்கு மாறு செய்யும்போதுதான் அவர்களிடம் கடுமையாக நடந்து கொள்ளலாம். அவர்கள் உங்களுக்கு மாறு செய்தால், படுக்கையறையில் அவர்களுடன் தொடர்பைத் துண்டித்துப் கொள்ளுங்கள்! அவர்களை காயப்படுத்தக்கூடிய அளவில் அல்லாமல் இலேசாக அடியுங்கள்! பிறகு, அவர்கள் உங்கள் சொல்லை ஏற்று நடந்தால் அவர்களைத் துன்புறுத்திட வழி தேடாதீர்கள்! கேளுங்கள்: உங்கள் மனைவியருக்கு உங்கள் மீது சில உரிமை என்னவெனில், அவர்கள் உங்களுக்கு விருப்பமில்லாத ஒருவரை உங்கள் விரிப்பை மிதிக்க விடக்கூடாது. மேலும், உங்களுக்கு விருப்பமில்லாத ஒருவரை உங்கள் வீட்டினுள் வர அனுமதிக்கக்கூடாது. கேளுங்கள்: உங்கள் மீது அவர்களுக்கிருக்கும் உரிமை அவர்களுக்கு நீங்கள் சரிவர உணவும், உடையும் அளிப்பதாகும். ” (திர்மிதி)
அறிவிப்பாளர் : அப+ மஸ்ஊத் பத்ரீ (ரலி)
அண்ணல் நபி (ஸல்) அவர்கள் நவின்றார்கள்:
“மனிதன் மறுமையில் நற்கூலி பெறும் எண்ணத்துடன் தன் வீட்டாருக்காகச் செலவிடும்போது அது அவனுக்கு அறமாக (ஸதகாவாக) அமைந்து விடுகின்றது. ” (புகாரி முஸ்லிம்)
அறிவிப்பாளர் : அப்துல்லாஹ் பின் அம்ர் (ரலி)
அண்ணல் நபி (ஸல்) அவர்கள் நவின்றார்கள்:
“மனிதன், தான் எவர்களுக்கு உணவளிக் (கக் கடமைப்பட்டிருக்) கின்றானோ அவர்களை (கண்காணிக்காமல்) வீணாக்கி விடுவதே அவனைப் பாவியாக்கிடப் போதுமானதாகும். ” (அப+தாவ+த்)
அறிவிப்பாளர் : அப+ஹ{ரைரா (ரலி)

நன்றி நாநா நல்ல ஹதீஸ்
ஒரு சிரு குறிப்பு; நாயகம் (ஸல்) அவர்கள் இறுதி ஹஜ் என்று
சொல்லி இருந்தீர்கள் முதல் ஹஜ்ஜீம் அதுதானே

ஹனி wrote:நன்றி நாநா நல்ல ஹதீஸ்
ஒரு சிரு குறிப்பு; நாயகம் (ஸல்) அவர்கள் இறுதி ஹஜ் என்று
சொல்லி இருந்தீர்கள் முதல் ஹஜ்ஜீம் அதுதானே

முதலும் இறுதியும் அதுதான் சகோதரி

மிக அருமையான பகிர்வு....

தவறு செய்பவரை தண்டித்துவிடாதீர்கள் ஒரு வாய்ப்பு கொடுத்து பாருங்கள் என்று சொல்லிருப்பது மிக சிறப்பு.... மன்னிக்கும் பண்பே சிறந்தது என்று நபிகள் உரைத்திருப்பது அருமை....

புற அழகை பார்க்காமல் அக அழகை பார்த்தால் வெறுக்க தோணாது... உண்மையே....

அருமையான பகிர்வுக்கு அன்பு நன்றிகள் சபீர்..

தோழரே உங்கள் பதிவுக்கு