பறக்கத் தெரியாத பறவைகள்

காதலென்னும் மாயையால்
காதல் வரையறை கடந்து
கட்டுப்பாடு இழந்து
காளையிடம் கற்பை காவு கொடுத்து
வயிற்றிலும் ,மனதிலும்
பாரம் சுமக்கும் பறவைகள் .

கல்வி கற்க காசில்லா சிறார்கள்
கட்டிட தொழிலாளியாய்
குடும்ப சுமை போக்க
தலையில் செங்கல் சுமைதாங்கி
தேநீர் கடைதனில் தேனீயாய்
சுவற்றில் சுவரொட்டி பதிக்க
ஒரு சுவரொட்டிக்கு 1 ரூபாய் வீதம்
ஒட்டிய வயிற்றை நிரப்ப
குழந்தை தொழிலை ஒழிப்போம்
அரசு அறிவிப்பை ஒட்டிக்கொண்டு
கிழிந்த ஆடையை ஒட்ட மறந்த
சிறு பறவைகள் .

அரைகுறை ஆங்கில மோகத்தால்
அரசு பள்ளி அருமை அறியாது
தனியார் பள்ளியை நாடும்
நாய்பாடு படும் நடுத்தர வர்க்கத்தினர் .

அற்ப காம இச்சையால்
இணைந்த இருமனம்
இணையாத திருமணத்தால்
முற்புதரில் ஒரு குழந்தை
குளத்தில் மறுக்குழந்தை
அன்னையின் அன்புத் தாலாட்டை
தொட்டியில் கேட்கும் அகவையில்
குப்பைத் தொட்டியில்
பல பறக்க தெரியாத பறவைகள் .

பட்டங்கள் பல பெற்ற
பட்டதாரி இளைஞர்கள் பலர்
பட்டினியாய்
அரசு வேலைதேடி அலைந்த
ஏமாற்றத்தால்
பட்டையத்தை அடகு வைத்து
தனியார் பள்ளிதனில்
ஆசிரியர் வேடம்பூண்டு அலையும்
பட்டதாரி பறவைகள் பல .

பெற்றெடுத்த செல்வத்திற்கு
பெற்ற செல்வம் அனைத்தையும் கொடுத்து
வாழ வழி தெரியாது
வயிற்றுக்கு உணவில்லாது
வாரிசுகளோடு வாதாடி தோற்ற
வாட்டத்தோடு
முதியோர் இல்லத்தில்
முணங்கி கிடக்கும்
முதிர் பறவைகள் .

இளமையில் இணைபிரிந்த
துணையில்லா தூக்கனாங் குருவியாய்
இல்லத்து மூலையில் முடங்கி
மறுமனமாகிய திருமணத்திற்கு
ஏங்கும் வெண்பறவைகள் .

இருப்பதனை வைத்துக் கொண்டு
வாழ தெரியாத வயோதிகள்
பிறரிடம் கடன் பெற்று
கடன் சுமை மறக்க
மதுவிடம் உடன்பட்டு
வாழ்கையை மாய்த்த
குடும்ப பறவைகள் .

வாய் சொல் வல்லுனர்கள்
ஐந்தாண்டுகளுக்கு ஒரு முறை
அரசு செய்யும் திட்டங்களை
அட்டவணை இட்டதும்
அகிலம் காக்கும் தலைவனென்று
ஒவ்வொரு முறையும் தேர்ந்தெடுக்கும்
வாக்காளப் பறவைகள் .







இளையகவி