ஆமையில் இது 'பெரிய' ஆமை - பொறாமை

ஆமையில் இது 'பெரிய' ஆமை









ஒரு அரண்மனையில் பணி செய்த சலவைத் தொழிலாளி ஒருவர்
கடுமையாக உழைத்து ஏராளமாக பணம் சம்பாதித்தார். அங்கேயே பணி செய்த மண்பாண்டத்
தொழிலாளி ஒருவர் குறைந்த அளவே பாடுபடுவார். வருமானம் குறைவாகவே இருந்தது.''
சலவைத்தொழிலாளிக்கு இருக்கிற வருமானம் உமக்கு இல்லையே! நீர் சரியாக வேலை செய்வதே
இல்லை,'' என மண்பாண்டத் தொழிலாளியின் மனைவி அடிக்கடி எரிந்து விழுவாள். இதனால்,
அவர் மீது இவருக்கு கடுமையான கோபம். சலவைத் தொழிலாளியை ஒழித்துக் கட்ட
திட்டமிட்டார்.ஒருமுறை மண்பாண்டத் தொழிலாளி ராஜாவிடம் போய், ''மாமன்னரே! நமது
யானைகள் கருப்பாக இருக்கின்றன. துணிகளை வெளுப்பாக்கித் தரும் நமது
சலவைத்தொழிலாளியிடம் அவற்றை ஒப்படைத்தால், அவற்றை வெள்ளையாக்கி தந்து விடுவார்.
உலகத்திலேயே வெள்ளை யானைகள் உங்களிடம் மட்டும் தான் இருக்கும். உங்கள் புகழ்
உலகெங்கும் பரவும்,'' என்றார்.அந்த ராஜா ஒரு புத்தி கெட்டவன். புகழ் விரும்பி.
அவனும் அப்படியே செய்ய வேண்டும் என சலவைத்தொழிலாளிக்கு உத்தரவு போட்டு விட்டான்.
சலவைத்தொழிலாளி மகா புத்திசாலி.''ராஜா! என்னிடம் துணிகளை வெள்ளாவி வைக்கும்
அளவுக்குரிய சிறிய பானைகள் மட்டுமே <உள்ளன. யானைகளை வைக்க வேண்டுமானால்,
யானையைத் தாங்குமளவு பெரிய பானைகளை செய்து தரச் சொல்லுங்கள். உடனடியாக
வெளுப்பாக்கித் தந்து விடுகிறேன்,'' என்றார்.புத்தி கெட்ட ராஜா, ''மிகச்சரியாகச்
சொன்னாய். டேய்! யானையளவு பானைகளைச் செய்து கொடு,'' என உத்தரவு போட்டு விட்டான்.
மாட்டிக் கொண்டார் மண்பாண்டத் தொழிலாளி. ஒரு பானை கூட செய்ய முடியவில்லை. தன் ஆணையை
செயல்படுத்த தவறிய அவரைத் தூக்கிலிட்டு விட்டான் ராஜா.பைபிள் என்ன சொல்கிறது
தெரியுமா?''கோபம் நிர்மூடனைக் கொல்லும். பொறாமை புத்தியில்லாதவனை அதம்பண்ணும்
(யோபு5:2)ஆம்! பொறாமை மனிதனைக் கொன்றுவிடும். இந்த பெரிய 'ஆமை' மட்டும் நம்
மனதுக்குள் வந்துவிடக்கூடாது.

ஆம் இது பெரிய ஆமை மட்டுமல்லாது மிகவும் கொடிய
ஆமையும் கூட.