மொபைல்போன் ரீசார்ஜ் ஏறாததால் கோபுரத்தின் மீது ஏறி நின்று வாலிபர் விடிய விடிய ரகளை

திருநெல்வேலி: பாளையங்கோட்டையை சேர்ந்தவர்
மணிச்செல்வம், இவரது தந்தை முத்து பள்ளி தலைமை ஆசிரியராக உள்ளார்.
மணிச்செல்வம் நேற்று இரவு தமது பிரிபெய்டு மொபைல்போனுக்கு நூறு ரூபாய்க்கு
ரீ சார்ஜ் செய்தார். ஆனால் ரீ சார்ஜ் உடனடியாக ஏறவில்லை. இதனால் அவரால்
அந்த போனில் இருந்து வெளியே அவுட்கோயிங் கால்கள் பேச முடியவில்லை.
இதுகுறித்து ரீசார்ஜ் கூப்பன் வாங்கிய கடைக்காரரிடம் கேட்டுப்பார்த்ததற்கு
அவர் அந்த கம்பெனியே சுத்த மோசம்தான் என கூறி அனுப்பிவைத்தார். இதனால் அந்த
தனியார் மொபைல் நிறுவனத்தின் மீது கோபம் கொண்ட மணிச்செல்வம், இரவு ஒரு
மணியளவில் 108 ஆம்புலன்ஸ் சர்வீசுக்கு ஒரு ரூபாய் நாணய பாக்சில் இருந்து
பேசினார். 'கே.டி.சி.நகர் டவரில் இருந்து ஒருவர் தற்கொலை
செய்துகொள்ளப்போவதாக' தகவல் சொன்னார்.

ஆம்புலன்ஸ் சற்று தொலைவில் வருவதை பார்த்ததும்
மணிச்செல்வம் மொபைல்போன் நிறுவனத்தின் உயரமான டவரில் மளமளவென
ஏறிக்கொண்டார். பின்னர் மொபைல் போனில் ரீசார்ஜ் ஏறாததால் தாம் மேலிருந்து
விழுந்து தற்கொலை செய்துகொள்ளப்போவதாக சத்தமாக பேசி மிரட்டினார். 108
ஆம்புலன்ஸ் தரப்பினரோ எதற்கு வம்பு என தீயணைப்பு மற்றும் போலீஸ்
அதிகாரிகளுக்கு தகவல் தெரிவித்தனர். தீயணைப்பு, பாளையங்கோட்டை உதவிகமிஷனர்
ராமச்சந்திரன், மேலப்பாளையம் இன்ஸ்பெக்டர் நாகராஜன் என ஏகப்பட்ட போலீசார்
அங்கு குவிக்கப்பட்டனர். இரவு 1.30 மணியிலிருந்து அந்த வாலிபரை பத்திரமாக
கீழே இறங்கும்படியும், தாங்களே தங்கள் சொந்த செலவில் கூடுதல் தொகைக்கு
ரீசார்ஜ் செய்து தருவதாகவும் கெஞ்சினர். இரவு 3.30 மணிவரையிலும் அந்த நபர்
இறங்குவதாக இல்லை.

விடிய விடிய போலீசார்,தீயணைப்பு படையினர்
டவருக்கு கீழே காத்திருக்க பின்னர் ஒரு வழியாக சமாதானம் ஆன மணிச்செல்வம் 4
மணியளவில் டவரில் இருந்து கீழே இறங்கினார். பாளையங்கோட்டை போலீசார் அவரை
கைது செய்து விசாரித்து வருகின்றனர். ஏப்ரல் முதல் தேதியான இன்று, வாலிபர்
டவர் மீது ஏறி ரகளை செய்தது அப்பகுதியில் சிறிது பரபரப்பை ஏற்படுத்தியது.


நண்றி:தினமலர்

ஆட்டம் கொஞ்சம் ஒவ்வ்வரா இருக்கே...!

பிச்ச wrote:ஆட்டம் கொஞ்சம் ஒவ்வ்வரா இருக்கே...!

ரொம்பவே பிச்ச சரா

நிர்மல் wrote:

பிச்ச wrote:ஆட்டம் கொஞ்சம் ஒவ்வ்வரா இருக்கே...!

ரொம்பவே பிச்ச சரா

என்ன செய்தி, எப்டி இருக்கீங்க?