ஈகரையின் பாசப்பற்வைகளுக்கு....

by **Aathira** Wed Mar 31, 2010 9:32 pm

இணையத்தில் பொறித்திடுவோம்!!!

கலைபயின்றேன் என்றாலும் கட்டுரைக்கும் வன்மையிலேன்!
அலைகளென ஆசைகளைத் தேக்கிவைத்து ஏங்குகிறேன்!
சரம்சரமாய் நினதுபுகழ் உலகுக்குப் பாய்ச்சிவிட
கரம்குவித்தேன் உனதுமகள் வரந்தருவாய் எந்தமிழே!

நிறையறிவுச் சிந்தையிலேன்; நீடுபுகழ் தமிழமுதைச்
சிறிதளவு பருகியதன் போதையினால் துடிக்கின்றேன்;
வரைகடந்து வான்கடந்து என்மொழிதான் உதிக்கின்ற
பிறைவடிவம் பெற்றதென்று கூத்தாடிக் குலவையிட!

எந்தமிழே! நாவசைத்து நீமொழிந்த முந்துமொழி
தாய்மொழியே! மற்றந்த பிந்தைமொழி எல்லாம்உன்
வழிவந்த தங்கைமொழி; தம்பிமொழி; எனஉலகச்
சந்தையிலே போற்றிவிடும் நிலையதுதான் பெறவேண்டும்!

வாழ்முறையை வகுத்தளித்த தொல்ப்பாட்டன் இலக்கணத்தை;
நூல்முறையாம் எம்தாத்தர் சங்கத்துப் பனுவல்களை;
என்னினத்து மூதாட்டி ஒளவையவள் ஆக்கங்களை;
எண்ணில்லா மொழிகண்ட வள்ளுவனின் தமிழ்மறையை;

கம்பநாடன் கனிரசத்தை; தமிழ்ப்புலவன் தனக்கென்றும்
தெம்புதரும் காப்பியமாம் சிலம்பதனை; இடும்! இடும்!
என்றதிரும் போர்ப்பரணி முழக்கத்தை; ஊன்கலந்து
தெவிட்டாது இனிக்கின்ற தேவார; வாசகத்தை;

வாடும்பயிர் வாட்டமதைப் போக்குகின்ற அருட்பாவை;
ஊடும்சாதி பேதங்களைத் தகர்த்தெறிந்த பாரதியை;
கூடிநின்ற தாசனவன் பகுத்தறிவுச் சிந்தனையை;
பாடிப்பாடி ஆவதென்ன? பழங்கதையா பசிதீர்க்கும்?

கூட்டின் இரைதேடும் குருவியதாய் பறக்கின்றான்!
அறிவுத்தேட் டில்எந்தமி ழன்எங்கோ சென்றுவிட்டான்!
சிறுநோட்டில் இவைஎழுதி நாட்டார் காண்பதுண்டா?
புதுப்பாட்டை இணையத்தில் பொறித்திடுவோம் அவன்பெருமை!

ஏர்பிடித்த ஊர்மகன்தான் எந்தமிழன்! தரணியிலே
நூல்பிடித்த கைகளெல்லாம் ஏங்குகின்ற சீர்பெற்றான்!
ஊர்ப்புறத்துச் செப்பேட்டில் எழுதுவதா அவன்பெருமை?
பார்படிக்க இணையத்தில் பொறிப்பதன்றோ பீடுதரும்!

இணையதளம் எத்தனையோ இருந்தாலும் தமிழ்த்தளமே
இனியதளம் எனஉலகோர் ஏற்றிடவே நம்முன்னோர்
ஆதித்தமிழ் வித்தைகளும் இன்றுள்ளோர் சேர்த்துள்ள
புத்தமுதம் அத்தனையும் இணைத்திடுவோம் ஈகரையில்!!

ஆதிரா

இது என் இரண்டாயிரமாவது பதிவு. இப்பதிவு,

இறைதேடும் பறவைகளாய் தாய்க்கூட்டை விடுத்து அயலகத்தில் பறந்தாலும், அன்னைத் தமிழுக்குத் தொண்டாற்றும் ஈகரையின் பாசப்பறவைகளுக்கு ஆதிராவின் அன்புப் படையல்!!!!
ஈகரையின் பாசப்பற்வைகளுக்கு.... 154550

by கலைவேந்தன் Wed Mar 31, 2010 9:48 pm

உங்கள் தமிழுக்கு தலைவணங்கி சொல்வன்மையை வியந்து நோக்கி மலைக்கின்றேன் தமிழ்மகளே .... நீங்கள் நீடூழிவாழ்ந்து தமிழதனைச் சிறப்பிக்க அந்த இறையை வேண்டி நிற்கிறேன் தாயே....! ஈகரையின் பாசப்பற்வைகளுக்கு.... 678642

by kalaimoon70 Wed Mar 31, 2010 10:56 pm

தமிழே!நீ தந்த தமிழை ,படித்தால் இனிக்கும்.
தரணிப் போற்றும் உன் கவிதைகள் மணக்கும்.
தமிழ்ப் புகழ் பாடி,ஈகரை இதயத்திருக்கு இந்த தமிழும்,
தமிழ்ப் பேச,எழுத ,என்றும் துணை நிறுக்கும்!

தமிழ் வந்த காலமும்,தமிழேடு நீ தந்த களமும்,
தமிழ் வாழந்த,வந்த வழி அறியும் வண்ணமும்,
தந்த நிலையும்,அதை ஈகரையில் நீ வடித்த விதமும்,
தமிழே, சொன்னதாய் நினைத்து , வாழ்த்தும் என் உள்ளம்.
இன்றும்,என்றும்,அகம் மகிழ,முகம் மலர பாராட்டும்!
நன்றி! நன்றி!தோழியே ! ஈகரையின் பாசப்பற்வைகளுக்கு.... 678642

by அப்புகுட்டி Wed Mar 31, 2010 11:18 pm

இணையதளம் எத்தனையோ இருந்தாலும் தமிழ்த்தளமே
இனியதளம் எனஉலகோர் ஏற்றிடவே நம்முன்னோர்
ஆதித்தமிழ் வித்தைகளும் இன்றுள்ளோர் சேர்த்துள்ள
புத்தமுதம் அத்தனையும் இணைத்திடுவோம் ஈகரையில்!!

உங்கள் திறன் எங்களுக்கும் கிடைக்காதா மேடம்
என்ன திறமை என்ன திறமை உங்களை பாராட்டுவதில் நான்
பெருமைப்படுகிறேன் மேடம் அழுகை

என்னால பாரட்ட முடியல
எப்படி பாராட்ட தெரில மேடம் அழுகை

மகிழ்ச்சி மகிழ்ச்சி நன்றி

by **Aathira** Thu Apr 01, 2010 2:40 am

கலை wrote:உங்கள் தமிழுக்கு தலைவணங்கி சொல்வன்மையை வியந்து நோக்கி மலைக்கின்றேன் தமிழ்மகளே .... நீங்கள் நீடூழிவாழ்ந்து தமிழதனைச் சிறப்பிக்க அந்த இறையை வேண்டி நிற்கிறேன் தாயே....!

தாங்கள் வியப்பது தங்கள் அன்பின் அடையாளம் என்பது ஈகரை வந்தது முதல் நான் அறிந்ததே. நன்றி கலை தங்கள் வேண்டுதலுக்கு. ஈகரையின் பாசப்பற்வைகளுக்கு.... 154550

by ஹாசிம் Thu Apr 01, 2010 10:25 am

அருமைத்தமிழ் கண்டேன்
உன் படைப்பில்
தமிழ்த்தாய் ஈன்ற மூதாட்டி நீ
உன்தமிழின் முதிர்ச்சி
முத்தமிழின் இன்பமயம்
உன்னால் ஈகரைக்கு
என்றும் மகிழ்ச்சி வாழ்க
என்றும் உலகம் சிறக்க

by **ரிபாஸ்** Thu Apr 01, 2010 10:28 am

ஹாசிம் wrote:அருமைத்தமிழ் கண்டேன்
உன் படைப்பில்
தமிழ்த்தாய் ஈன்ற மூதாட்டி நீ
உன்தமிழின் முதிர்ச்சி
முத்தமிழின் இன்பமயம்
உன்னால் ஈகரைக்கு
என்றும் மகிழ்ச்சி வாழ்க
என்றும் உலகம் சிறக்க

by **ராஜா** Thu Apr 01, 2010 10:40 am

Aathira wrote:

இறைதேடும் பறவைகளாய் தாய்க்கூட்டை விடுத்து அயலகத்தில் பறந்தாலும், அன்னைத் தமிழுக்குத் தொண்டாற்றும் ஈகரையின் பாசப்பறவைகளுக்கு ஆதிராவின் அன்புப் படையல்!!!!

அருமையான கவிதை அக்கா , நன்றிகள் பல .......... ஈகரையின் பாசப்பற்வைகளுக்கு.... 154550

by **Aathira** Thu Apr 01, 2010 2:15 pm

kalaimoon70 wrote:தமிழே!நீ தந்த தமிழை ,படித்தால் இனிக்கும்.
தரணிப் போற்றும் உன் கவிதைகள் மணக்கும்.
தமிழ்ப் புகழ் பாடி,ஈகரை இதயத்திருக்கு இந்த தமிழும்,
தமிழ்ப் பேச,எழுத ,என்றும் துணை நிறுக்கும்!

தமிழ் வந்த காலமும்,தமிழேடு நீ தந்த களமும்,
தமிழ் வாழந்த,வந்த வழி அறியும் வண்ணமும்,
தந்த நிலையும்,அதை ஈகரையில் நீ வடித்த விதமும்,
தமிழே, சொன்னதாய் நினைத்து , வாழ்த்தும் என் உள்ளம்.
இன்றும்,என்றும்,அகம் மகிழ,முகம் மலர பாராட்டும்!
நன்றி! நன்றி!தோழியே !

உன் அன்பில் ஊறித் ததும்பும் இன்பத்தில் இன்னும் படைப்பேன், இன் தமிழ்க்கவிதைகள் என் தமிழ் அன்னைக்கு. நன்றி நண்பா அன்பான தங்கள் வாழ்த்துக்கும் அன்புக்கும்...
ஈகரையின் பாசப்பற்வைகளுக்கு.... 154550

by **Aathira** Thu Apr 01, 2010 3:11 pm

Appukutty wrote:இணையதளம் எத்தனையோ இருந்தாலும் தமிழ்த்தளமே
இனியதளம் எனஉலகோர் ஏற்றிடவே நம்முன்னோர்
ஆதித்தமிழ் வித்தைகளும் இன்றுள்ளோர் சேர்த்துள்ள
புத்தமுதம் அத்தனையும் இணைத்திடுவோம் ஈகரையில்!!

உங்கள் திறன் எங்களுக்கும் கிடைக்காதா மேடம்
என்ன திறமை என்ன திறமை உங்களை பாராட்டுவதில் நான்
பெருமைப்படுகிறேன் மேடம் என்னால பாரட்ட முடியல
எப்படி பாராட்ட தெரில மேடம்
மகிழ்ச்சி மகிழ்ச்சி

அப்பு உங்கள் மனம் திறந்த பாராட்டு என்னை மெய்சிலிர்க்க வைக்கிறது. மிக்க நன்றி அப்பு தங்கள் அன்புக்கும் பாராட்டுகும். ஈகரையின் பாசப்பற்வைகளுக்கு.... 67637

எதற்கு தோழா? மகிழ்வோம்.
ஈகரையின் பாசப்பற்வைகளுக்கு.... 154550