இந்திய கிரிக்கெட் அணியின் தோல்வி

First topic message reminder :

இங்கிலாந்தில் நடக்கும் "டுவென்டி-20' உலக கோப்பை தொடரில் "சூப்பர்-8'
சுற்றில் அடுத்தடுத்து இருமுறை தோல்வியடைந்த இந்திய அணி தொடரில் இருந்து
வெளியேறியுள்ளது.

இதைப் பற்றி நண்பர்களின் கருத்து?

ராஜா உண்மை தான்.

விளையாடுபவர்கள் வெற்றி தோல்விகளை சகஜமாக எடுத்துக்குவோம். ஆனால் வெளியே இருப்பவங்க ரொம்ப உணர்ச்சி வசப்படுவாங்க, கிரிக்கெட் நுணுக்கங்கள் பற்றி தெரியவில்லை என்றாலும் அவங்க ரொம்ப பேசுவாங்க. இதை நான் பலமுறை அனுபவித்திருக்கிறேன்.

எங்க ஊருல பாசக்காரப் பயலுக அருவாளை எடுத்துப்புடுவாங்க.

பரஞ்சோதியாரே அப்ப நேற்று நடந்த மோசமான தோல்விக்கு என்ன காரணம் சொல்ல?


மீண்டும் வீழ்ந்தது இந்தியா : "ஹாட்ரிக்' தோல்வியால் பரிதாபம் *தென் ஆப்ரிக்க அணி அபாரம்


நாட்டிங்ஹாம்
: "டுவென்டி-20' உலக கோப்பை சோகத்தில் இருந்து இந்திய அணி மீள
முடியவில்லை. நேற்று நடந்த "சூப்பர்-8' போட்டியில் தென் ஆப்ரிக்காவிடம் 12
ரன்கள் வித்தியாசத்தில் தோல்வி அடைந் தது. ஏற்கனவே வெஸ்ட் இண்டீஸ்,
இங்கிலாந்திடம் வீழ்ந்த இந்தியா, தொடர்ந்து மூன்றாவது தோல்வியை சந்தித்து
ஏமாற்றியது. தனது வெற்றிநடையை தொடர்ந்த தென் ஆப்ரிக்க அணி அரையிறுதியில்
பாகிஸ்தானை சந்திக்கிறது.


இங்கிலாந்தில்
இரண்டாவது "டுவென்டி-20' உலக கோப்பை தொடர் நடக்கிறது. நேற்று இரவு
நாட்டிங்ஹாமில் நடந்த "சூப்பர்-8' சுற்றின் "இ' பிரிவு போட்டியில்
இந்தியா, தென் ஆப்ரிக்க அணிகள் மோதின. ஏற்கனவே அரையிறுதி வாய்ப்பை இழந்த
இந்திய அணி ஆறுதல் வெற்றி தேடி களமிறங்கியது. டாஸ் வென்ற தென் ஆப்ரிக்க
கேப்டன் ஸ்மித், பேட்டிங் தேர்வு செய்தார்.


சுழல் ஜாலம்: தென்
ஆப்ரிக்க அணி துவக்கத்திலேயே திணறியது. ஆர்.பி.சிங் வீசிய இரண்டாவது
ஓவரில் "அதிரடி' கிப்ஸ்(5) போல்டானார். ஆடுகளம் சுழலுக்கு ஒத்துழைப்பதை
உணர்ந்த கேப்டன் தோனி "வேகங்களை' நிறுத்தினார். ரவிந்திர ஜடேஜா, யுவராஜ்,
ஹர்பஜன், ரெய்னா என முழுக்க, முழுக்க சுழல் தாக்குதல் நடத்தப்பட, தென்
ஆப்ரிக்காவின் விக்கெட்டுகள் சரிந்ததோடு, ரன் வேகமும் கட்டுப்படுத்தப்
பட்டது. ஹர்பஜன் வலையில் ஸ்மித்(26) சிக்கினார். டுமினி(10) சோபிக்கவில்லை.


டிவிலியர்ஸ் அபாரம்:
பொறுப்பாக ஆடிய டிவிலியர்ஸ் அணிக்கு கைகொடுத்தார். அரைசதம் கடந்த இவர் 63
ரன்களுக்கு(7 பவுண்டரி) ரவிந்திர ஜடேஜா பந்துவீச்சில் அவுட்டானார். அனுபவ
பவுச்சர்(11) ஏமாற்றினார். தென் ஆப்ரிக்க அணி 20 ஓவரில் 5 விக்கெட்டுக்கு
130 ரன்கள் எடுத்தது. போத்தா(4), ஆல்பி மார்கல் (8) அவுட்டாகாமல்
இருந்தனர்.


"டாப்-ஆர்டர்' சரிவு:
எட்டக்கூடிய இலக்கை விரட்டிய இந்திய அணி, தனது பலமான சுழற்பந்துவீச்சில்
தடுமாறி ஏமாற்றம் அளித்தது. போத்தா சுழலில் காம்பிர்(21), ரெய்னா(3)
அவுட்டாகினர். டுமினி பந்தில் ரோகித் சர்மா(29) வெளியேறினார். இதற்கு பின்
வந்தவர்களும் சொதப்பினர். தேவையில்லாமல் ஓடிய தோனி(5) ரன் அவுட்டானார்.
யூசுப் பதானும் "டக்' அவுட்டாக, 5 விக்கெட் டுக்கு 69 ரன்கள் எடுத்து
தத்தளித்தது. கடைசியில் ஜடேஜா: யுவராஜ், ஹர்பஜன் சிறிது நேரம் போராடினர்.
இருவரும் தலா ஒரு சிக்சர் அடித்தனர். போத்தா சுழலில் ஹர்பஜன்(14)
வீழ்ந்தார். ஸ்டைன் வேகத்தில் பவுச்சரின் துடிப்பான "கேட்ச்சில்'
யுவராஜ்(25) அவுட்டாக, நம்பிக்கை தகர்ந்தது. ஜாகிர்(4) ஏமாற்றினார். கடந்த
போட்டியில் ரவிந்திர ஜடேஜாவை முன்னதாக களமிறக்கியதால் தோனியை அதிகமாக
விமர்சித்தனர். நேற்று ஜடேஜாவை கடைசியாக களமிறக்கி தனது வெறுப்பை
காட்டினார்.


6 பந்தில் 20 ரன்:
கடைசி ஓவரில் வெற்றிக்கு 20 ரன் தேவைப்பட்டது. பார்னல் அபாரமாக பந்துவீச,
7 ரன் மட்டுமே எடுக்க முடிந்தது. இந்திய அணி 20 ஓவரில் 8 விக்கெட்டுக்கு
118 ரன்கள் எடுத்து தோல்வி அடைந்தது. ரவிந்திர ஜடேஜா(7), ஆர்.பி.சிங் (2)
அவுட்டாகாமல் இருந்தனர்.


நன்றி: தினமலர்

யார்வேண்டுமானாலும் வெற்றிவெற்றி பெறமுடியாது திறமையும் முயற்சியும் இருந்தால்தான் வெற்றி பெறமுடியும்

இந்திய அனியினர் முயற்சி செய்யவிலலை என்பதிதான் வருத்தம்