நித்யானந்தா பற்றிய தகவல் தெரியுமா? விவரம்

**இளமாறன்** · **இளமாறன்** Tue 30 Mar 2010 - 17:54

நித்யானந்தா பற்றிய தகவல் தெரியுமா?
விவரம் கேட்கிறது கர்நாடக போலீஸ்
மார்ச் 30,2010,00:00 IST

நித்யானந்தா பற்றிய தகவல் தெரியுமா? விவரம் TblSambavamnews_39045351744

கோவை : பாலியல் விவகாரத்தில் சிக்கிய நித்யானந்தா
பற்றி, தமிழகத்தைச் சேர்ந்தவர்கள் தகவல் தெரிவித்தால் ரகசியம் காக்கப்படும் என்று கர்நாடக சி.ஐ.டி., பிரிவு அறிவித்துள்ளது.

நடிகையுடன் பாலியல் விவகாரத்தில் சிக்கிய நித்யானந்தா
தொடர்பாக, தமிழகத்தில் இருவர் மட்டுமே போலீசில் புகார் கொடுத்தனர். நித்யானந்தாவின் உதவியாளராக இருந்த லெனின் கருப்பன் சார்பில், சென்னை போலீஸ் கமிஷனரிடம் புகார் கொடுக்கப்பட்டது. கோவையைச் சேர்ந்த 'டிவி' நிகழ்ச்சி தயாரிப்பாளர் விஸ்வநாத்(37) என்பவர், மார்ச் 3ம் தேதி கோவை போலீஸ் கமிஷனர் சைலேந்திரபாபுவிடம் புகார் கொடுத்தார். அதில், நித்யானந்தா பற்றி ஏராளமான குற்றச்சாட்டுக்களைத் தெரிவித்திருந்தார். ஆன்மிகத்தின் பெயரில் பல்லாயிரக்கணக்கான மக்களை அவர் ஏமாற்றி
இருப்பதாகவும், கோவையில் 'பகவத்கீதை சத்சங்கம்' என்ற பெயரில், பல லட்ச ரூபாய் வசூலித்ததாகவும் அதில் அவர் குறிப்பிட்டிருந்தார். நித்யானந்தா மற்றும் நடிகையை கைது செய்ய வேண்டுமென்று அவர் கோரியிருந்தார்.

இந்த புகாரின்படி, நித்யானந்தா மீது, நம்பிக்கை மோசடி
(இ.த.ச.,420), தகாத செயலில் ஈடுபடுதல் (இ.த.ச.,295 ஏ) ஆகிய பிரிவுகளில்
வழக்குப்பதிவு செய்யப்பட்டது. இவ்விரு வழக்குகளும் கர்நாடக சி.ஐ.டி., போலீசுக்கு மாற்றப்பட்டன. இந்த வழக்குகளுக்கான விசாரணை அதிகாரியாக, சி.ஐ.டி., பிரிவு எஸ்.பி. யோகப்பா நியமிக்கப்பட்டுள்ளார். இவர் தலைமையில் விசாரணை துவங்கியுள்ளது. புகார்தாரர்களில் ஒருவரான லெனின் கருப்பன், தனக்கு கொலை மிரட்டல் இருப்பதாகக் கூறி கர்நாடகா வர மறுத்துள்ளார். இதனால், அவரது இடத்துக்கு நேரில் சென்று, வாக்குமூலம் வாங்க கர்நாடக சி.ஐ.டி. போலீசார் திட்டமிட்டுள்ளனர். மற்றொரு புகார்தாரரான விஸ்வநாத், கடந்த இரு நாட்களுக்கு முன் பெங்களூரு சென்று, எஸ்.பி.யோகப்பா முன்
ஆஜராகி, தனது புகார் பற்றி விளக்கம் அளித்துள்ளார்.

இதற்கிடையில், கர்நாடக சி.ஐ.டி., போலீசார், இரு பிரிவாகப் பிரிந்து தமிழகத்தில் விசாரணையை துவக்கியுள்ளனர். நித்யானந்தாவால்
ஏமாற்றப்பட்டவர்கள் இருந்தால், தங்களுக்குத் தகவல் தெரிவிக்கலாம் என்றும், அவர்கள் குறித்த தகவல் ரகசியமாக வைக்கப்படும் என்று அவர்கள் கூறியுள்ளனர். 'கே.என்.யோகப்பா, எஸ்.பி., (ஸ்பெஷல் என்கொயரி), சி.ஐ.டி., செக்ஷன், கார்ல்டன் ஹவுஸ், பேலஸ் ரோடு, பெங்களூரு-1' என்ற முகவரிக்கு புகார் அனுப்பலாம் என்றும், 080-22381894, 094808 00123 என்ற எண்களில் தொடர்பு கொள்ளலாம் என்றும் கர்நாடகா சி.ஐ.டி., பிரிவு அதிகாரிகள் கூறினர். பெங்களூருக்கு நேரில் வந்து தகவல் தெரிவித்தால், போக்குவரத்துச்செலவு மற்றும் படித்தொகை வழங்கப்படுமென்றும் சி.ஐ.டி., பிரிவினர் தெரிவித்தனர்.

நித்யானந்தா பற்றிய தகவல் தெரியுமா? விவரம்

நித்யானந்தா பற்றிய தகவல் தெரியுமா? விவரம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக