மனைவி பரபரப்பு வாக்குமூலம் சந்தேக கணவனை எரித்து கொன்றேன்

arularjuna · arularjuna Mon 29 Mar 2010 - 19:46

சேலம், : நடத்தையில் சந்தேகப்பட்டதால் கணவனை மண்ணெண்ணெய் ஊற்றி எரித்து கொன்றதாக கைதான மனைவி போலீசில் தெரிவித்துள்ளார். சேலம் கிச்சிபாளையம் நெல்லுகுத்தி பாறை பகுதியை சேர்ந்தவர் பழனிசாமி (45). இவரது மனைவி சாந்தி (35). இவர்களுக்கு 5 குழந்தைகள் உள்ளனர். பழனிசாமி குடிபோதையில் சாந்தியிடம் நேற்று முன்தினம் தகராறு செய்தார். இதனால் ஆத்திரமடைந்த சாந்தி, பழனிசாமி மீது மண்ணெண்ணெய் ஊற்றி தீ வைத்தார். உடல் கருகிய நிலையில் பழனிச்சாமியை அக்கம்பக்கத்தினர் மீட்டு சேலம் அரசு மருத்துவமனையில் சிகிச்சைக்காக சேர்த்தனர். அங்கு சிகிச்சை பலனின்றி பழனிசாமி இறந்தார். இது குறித்து கிச்சிபாளையம் போலீசார் வழக்கு பதிவு செய்து சாந்தியை கைது செய்தார்.

போலீசாரிடம் சாந்தி அளித்த வாக்குமூலம்: பழனிச்சாமிக்கு நான் 3வது மனைவி. குடும்பத்தை காப்பற்ற கூலி வேலைக்குச் சென்று வருகிறேன். நான் வேலைக்கு செல்வதால் என்னுடைய நடத்தையில் சந்தேகப்பட்டு பழனிசாமி அடிக்கடி தகராறு செய்து வந்தார். நேற்று முன்தினமும் குடி போதையில் வந்த பழனிச்சாமி தகராறு செய்ததுடன் என்னை அடித்து உதைத்தார். இதனால் ஆத்திரம் அடைந்த நான் பழனிசாமி தூங்கும் போது அவர் மீது நைலான் துணிகளை சுற்றி மண்ணெண்ணெய் ஊற்றி தீ வைத்து எரித்தேன் என தெரிவித்துள்ளார். நீதிமன்றத்தில் ஆஜர்படுத்தப்பட்ட சாந்தி சிறையில் அடைக்கப்பட்டார்.