மதுரை

மதுரைக்கு வேறு பெயர்கள்

ஆலவாய், கடம்பவனம், கூடல், நான் மாடக் கூடல், கன்னிபுரிசம், சிவராஜதானி, சிவநகரம்., சமஷ்டி விச்சாபுரம், சீவன் முத்திபுரம், சிவலோகம்., துவாத சாந்தபுரம்.

மதுரை பெருமானுக்கு (சிவனுக்கு)

ஆதியில் சொக்கநாதா, சொக்கலிங்கப் பெருமாள் என்று பெயர்கள் வழங்கின. தற்பொழுது பெருமானுக்கு சுந்தரேசுவரர், மீனாட்சி சுந்தரா, சோமசுந்தரர், கல்யாண சுந்தரா, சண்பக சுந்தரர், ஆட்டாலைச் சேவகன், அடியார்க்கு நல்லான், கடம்பவனேசர், கற்பூரச் சொக்கா, என்னும் அழைக்கப்படுகிறார்.

அன்னை மீனாட்சி

பச்சைத் தேவி, மரகதவல்லி, தடாதகைப் பிராட்டி, அபிடேகவல்லி, அபிராமபவல்லி, கயற்கண்குமாரி, கர்ப்பூரவல்லி, குமரித்துறையவள், கோமகள், சுந்தரவல்லி, பாண்டிப் பிராட்டி, மதுராப்புரித்தலைவி, மாணிக்கவல்லி, மும்முல்லைத் திருவழுதிமகள், திருகாமக் கோட்டத்து ஆளுடைய நாச்சியார் என பெயர்களிலும் வழங்கப்படுகிறார்.

சொக்கரைப் பற்றிக் கூறும் திருவிளையாடற் புராணத்தை இயற்றியவர் பரஞ்சோதி முனிவர்.

64 திருவிளையாடல்களும், 3 காண்டங்களாக பிரிக்கப்பட்டுள்ளன, 1 முதல் 18 வரை உள்ள திருவிளையாடல்களும் மதுரைக் காண்டமாகவும், 19 முதல் 48 வரை உள்ள திருவிளையாடல்களும் கூடற் காண்டத்திலும் மீதி உள்ள திருவிளையாடல்கள் திருவாலவாய்க் காண்டத்திலும் கூறப்பட்டுள்ளன.

மதுரையம்பதியோடு சம்பந்தப்பட்ட 63 நாயன் மார்களில் முக்கியமானவர்கள் மூர்த்தி நாயனார், திருநாவுக்கரசரால் வெப்பு நோய் நீங்கப் பெற்ற பாண்டியமன்னர் நின்ற சீர் நெடுமாறன் எனும் கூன் பாண்டியன, பாண்டிய அரசி மங்கையர்கரசி அமைச்சர் குலச்சிறையார் ஆகியோர்கள்.

திருமலைநாயக்க மன்னர் காலத்தில் குமர குருபரர் அன்னை மீனாட்சி மீது மீனாட்சியம்மை பிள்ளைத்தமிழ் எனும் பாடலை பாடியுள்ளார். இவர் மேலும் மதுரைக் கலம்பகம, நீதிநெறி விளக்கம் ஆகிய நூல்களையும் இயற்றியுள்ளார்.

திருஞானசம்பந்தர் அருளிய திருநீற்றுப் பதிகத்தின் ஒரு சிறு பகுதி

மந்திரமாவது நீறு வானவர் மேலது நீறு
சுந்தர மாவது நீறு துதிக்கப் படுவது நீறு
தந்திரமாவது நீறு சமயத்தி லுள்ளது நீறு
செந்துவர் வாயுமை பங்கன் திருஆல வாயான் திருநீறே

(செய்திகள் 8 - 14)

அருள் மிகு மீனாட்சி சுந்தரேசுவரர் திருக்கோயில் வரலாறு (சு- பஞ்சநாதம் பிள்ளை)

ஐம்பெரும் காப்பியங்களில் முதன்மையானது சிலப்பதிகாரம் இதை இயற்றியவர் கி.பி. இரண்டாம் நூற்றாண்டை சேர்ந்த இளங்கோவடிகள் இவர் சேரமன்னரான சேரன் செங்குட்டுவனின் தம்பி. சிலப்பதிகாரம் 3 காண்டங்களையும், 30 காதைகளையும் கொண்டது. புகார்க்காண்டம் 1 முதல் 10 காதைகளையும, மதுரைக் காண்டம் 11 முதல் 23 காதைகளையும், வஞ்சிக் காண்டம் மீதிக்காதைகளையும் கொண்டது.

மதுரைக்கு வேறு பெயர்கள்

ஆலவாய்,
கடம்பவனம், கூடல், நான் மாடக் கூடல், கன்னிபுரிசம், சிவராஜதானி,
சிவநகரம்., சமஷ்டி விச்சாபுரம், சீவன் முத்திபுரம், சிவலோகம்., துவாத
சாந்தபுரம்.



அட நம்ம ஊருக்கு இவ்வளவு பெயரா!

எங்க ஊர் பெருமையை எடுத்துக்கூரிய "தல" க்கு நன்றிகள்