பிரியாணி - விமர்சனம் -♥ப்ரியமுடன்......வசந்த்

by vasanth1717 Sun Mar 28, 2010 11:19 pm

பிரியாணி - விமர்சனம்

நிறைய பேர் சினிமா படத்துக்கு விமர்சனம் எழுதுறாங்க,ஒரு சேஞ்சுக்கு நாம சாப்பிடுற பிரியாணிக்கு விமர்சனம் எழுதலாம்முன்னு....

கதை: ஒரு கடையில இருந்து வாங்குன அரிசி,எப்பிடி இறைச்சிகடையில வாங்குன ஆட்டிறைச்சியோட சேர்ந்து பிரியாணி ஆகுதுன்றதுதான் கதை,

கதையோட ஹீரோ யாருன்னு பார்த்தா ஆட்டிறைச்சிதாங்க ஹீரோ,கதையோட கரு எல்லாமே ஆட்டிறச்சிய சுத்தி சுத்திதான் நடக்குது....

மூலக்கடை செட்டியார் கடையில பிரியாணி அரிசி வாங்குறதுல இருந்து ஆரம்பிக்குது கதை,அப்படியே ராஜி கடையில வாங்குன ஆட்டிறைச்சியும்,அரிசியோட தங்க மணி பையில வாங்கிட்டு வரும்போதே தொட்டு தொட்டு பேசி உறவாடிட்டு மெல்ல காதல் வளருது,

வீட்டுக்கு வந்ததும் பிரியாணி அரிசி குளிக்க ஆரம்பிக்குது,அப்பறம் ஆட்டிறைச்சியும் குளிக்க ஆரம்பிக்குது அப்போ ரெண்டுபேருக்கும் தனித்தனி சோலோ சாங்க் ஒண்ணு வருது, அரிசிதாங்க முதல்ல தன்னோட காதல்சொல்லணும்ன்னு நல்லா விளக்கி வச்ச பாத்திரத்துல தண்ணியோட சேர்ந்து கொதிக்க ஆரம்பிக்குது.
பிரியாணி - விமர்சனம் -♥ப்ரியமுடன்......வசந்த் 420561297_336d7c17e5

பிரியாணி - விமர்சனம் -♥ப்ரியமுடன்......வசந்த் 420561297_336d7c17e5

அப்பறம் அரிசியோட காதலை புரிஞ்சுகிட்ட ஆட்டிறைச்சியும் டொபுக்குன்னு பாத்திரத்துக்குள்ள விழுந்து அரிசியோட சேர்ந்து கடபுட கடபுடன்னு ஒரு டூயட் சாங்க்ல தன்னோட காதல சொல்லிடுது,

படத்துல தங்கமணி ஆட்டிறச்சிய துண்டு துண்டா வெட்டும்போது வர்ற ஃபைட் சீன் இதுவரைக்கும் தமிழ் சினிமா பாத்திராதது,கிராஃபிக்ஸ் காட்சியில படத்தோட டைரக்டர் தங்கமணி புகுந்து விளையாடியிருக்கார்,

அப்பறம் படத்தோட சைட் ஆர்ட்டிஸ்ட்களான தக்காளி,வெங்காயம்,பச்சைமிளகாய் வெட்டும்போது வர்ற ஃபைட் சீனும் எதார்த்தமா இருக்கு, என்ன வெங்காயத்தோட ஃபைட் சீன் வரும்போது மட்டும் நம் கண்ணுல தண்ணீர் வர்றது நிஜம்,

Then,தக்காளி,வெங்காயம் வதக்கும் சீன்ல நம்ம மனசு அப்பிடியே லயித்துவிடுகிறது,இவங்கதான் இந்த மட்டன் பிரியாணி கதை சிறப்பா வர்றதுக்கு காரணம் என்பதை மறுப்பதற்க்கில்லை,

அப்பறமா பிரியாணியோட வாசனைக்கு சேர்க்கப்பட்ட புதினாவும்,பிரியாணி மசாலாவும் தங்களோட கேரக்டரை சிறப்பா செஞ்சுருக்காங்க..படத்தோட ஹீரோ ஆட்டிறைச்சியும்,ஹீரோயின் பிரியாணி அரிசியும் போட்டி போட்டு தங்களோட திறமைய வெளிப்படுத்தியிருக்காங்க...

கடைசியா எல்லாரும் சேர்ந்து எப்படி பிரியாணி சுவையா வந்துச்சுன்றது தங்கமணி பரிமாறும்போது எல்லாரும் சாப்பிட்டு தெரிஞ்சுக்கோங்க..

படத்தோட ப்ளஸ்பாயிண்டே கதை நடக்கும்போதே பக்கத்து வீட்டுக்காரர்களை நம்ம வீட்டுக்கு வரவைக்குற அளவுக்கு வாசனையா நம்ம தங்கமணியோட டச்சிங் பெர்ஃபார்மன்ஸ் பட்டைய கிளப்புது,அதிலும் அந்த உப்பு கரெக்ட்டா சேர்த்த விதத்தில டைரக்டர் தங்கமணி தான் அனுபவசாலின்னு நிரூபிச்சுடுறார்.

மொத்தத்தில் இந்த மட்டன் பிரியாணி சாப்பிடுற எல்லாரோட மனசையும் வயித்தையும் நிறைய வைக்குதும அப்பிடின்றதில் எந்த வித சந்தேகமும் இல்லை.

மட்டன் பிரியாணி-சுவையாய்...

மீண்டும் அடுத்த வாரம் ஒரு சிறந்த உணவின் விமர்சனத்தில் சந்திப்போம்....

நன்றி

மேலும் http://priyamudanvasanth.blogspot.com/2009/09/blog-post_25.html

by **சிவா** Sun Mar 28, 2010 11:23 pm

கலக்கிட்டீங்க வசந்த்! உங்களின் எழுத்துக்களில் நகைச்சுவையுணர்வு மேலோங்கி நிற்கிறது!

மனதை மகிழ்விக்கும் தங்களுக்கு வாழ்த்துகள்!

by vasanth1717 Sun Mar 28, 2010 11:25 pm

நன்றி சிவா

by **Aathira** Sun Mar 28, 2010 11:28 pm

//படத்தோட ப்ளஸ்பாயிண்டே கதை நடக்கும்போதே பக்கத்து வீட்டுக்காரர்களை நம்ம
வீட்டுக்கு வரவைக்குற அளவுக்கு வாசனையா நம்ம தங்கமணியோட டச்சிங்
பெர்ஃபார்மன்ஸ் பட்டைய கிளப்புது,அதிலும் அந்த உப்பு கரெக்ட்டா சேர்த்த
விதத்தில டைரக்டர் தங்கமணி தான் அனுபவசாலின்னு நிரூபிச்சுடுறார்.

மொத்தத்தில்
இந்த மட்டன் பிரியாணி சாப்பிடுற எல்லாரோட மனசையும் வயித்தையும் நிறைய
வைக்குதும அப்பிடின்றதில் எந்த வித சந்தேகமும் இல்லை.//

இந்தப் படம் வெற்றிப்படம் தான் வசந்த். கலக்கறீங்க. உங்கள் வலைப் பதிவில் கால் வைததது போலவே இருக்கிறது.
பிரியாணி - விமர்சனம் -♥ப்ரியமுடன்......வசந்த் 678642

பிரியாணி - விமர்சனம் -♥ப்ரியமுடன்......வசந்த் 678642

பிரியாணி - விமர்சனம் -♥ப்ரியமுடன்......வசந்த் 154550

அன்புடன்
ஆதிரா

by vasanth1717 Sun Mar 28, 2010 11:31 pm

நன்றி ஆதிரா

by **Aathira** Sun Mar 28, 2010 11:34 pm

vasanth1717 wrote:நன்றி ஆதிரா

ஒரே ஒரு கேள்வியுடன் நான் விடை பெறுகிறேன் வசந்த்.
ஏன் எங்க கண்களையெல்லாம் கெடுத்தே தீர்வது என்ற கொள்கையில் இந்த ஃபோட்டோவைப் போட்டு இருக்கிறீர்களா? இனிய இரவு வணக்கம்.
பிரியாணி - விமர்சனம் -♥ப்ரியமுடன்......வசந்த் 154550

பிரியாணி - விமர்சனம் -♥ப்ரியமுடன்......வசந்த் 733974

by vasanth1717 Sun Mar 28, 2010 11:36 pm

by **Aathira** Sun Mar 28, 2010 11:41 pm

vasanth1717 wrote:

என்னாச்சு வசந்த்? ஏன் இப்படி? பிரியாணி - விமர்சனம் -♥ப்ரியமுடன்......வசந்த் 139731

வேண்டாம். தலை வலிக்கும். காரணத்தைச் சொல்லிட்டு பிரியாணி - விமர்சனம் -♥ப்ரியமுடன்......வசந்த் 56667

ம் சரியா?

பிரியாணி - விமர்சனம் -♥ப்ரியமுடன்......வசந்த் 755837

by **சிவா** Sun Mar 28, 2010 11:43 pm

Aathira wrote:
vasanth1717 wrote:நன்றி ஆதிரா

ஒரே ஒரு கேள்வியுடன் நான் விடை பெறுகிறேன் வசந்த்.
ஏன் எங்க கண்களையெல்லாம் கெடுத்தே தீர்வது என்ற கொள்கையில் இந்த ஃபோட்டோவைப் போட்டு இருக்கிறீர்களா? இனிய இரவு வணக்கம்.

போட்டோஷாப் வல்லுனராம், அதனாலதான் இப்படி...!