அழகு அணில்!

**சிவா** · **சிவா** Tue 23 Feb 2010 - 2:34

கூரை வீட்டில் கூடுகட்டி
கும்மாளம் போட்டு ஓடும்
குதித்துக் குதித்துத் தாவி ஆடி
கொய்யாப்பழம் கொறித்து தின்னும்!

முதுகில் மூன்று கோடிருக்கும்
இலவம் பஞ்சுபோல வாலிருக்கும்!

எலியைப்போல உணவு உண்ணும்
காய வைத்த நெல்லினையே
கணப்பொழுதில் தின்று ஓடும்-நாம்
கண்டிடாமல் இருந்து விட்டால்
களிப்புடனே நன்றாய் தின்னும்!

பஞ்சுபோல கூடு கட்டி
பாதுகாப்பாய் குட்டி போடும்
வாயினிலே அதனைக் கவ்வி
வாஞ்சையோடு தாவி ஓடும்!

மருத. வடுகநாதன், வேதாரண்யம்.