சமைக்கும் நேரத்தையும், எரி பொருளையும் மிச்சப் படுத்துவது எப்படி?

**சிவா** · **சிவா** Sat Jun 06, 2009 12:14 pm

அரிசி, பருப்பு வகைகளை அரை மணி நேரம் ஊற வைத்து சமைத்தால் நேரமும், கேஸ் செலவும் மிச்சம்.

காய்கறிகளை குக்கரில் வைத்துக் குறைவாகத் தண்ணீர் விட்டு, ஒரு விசில் வைத்தெடுத்து சமைத்தால் காய்களின் நிறமும் மாறாது. நேரமும், கேஸும் மிச்சம்.

இட்லி செய்கிற போது குறைவான தீயிலேயே வேக விட்டால் தண்ணீர் சீக்கிரம் வற்றாமல், இட்லியும் சீராக வேகும்.

சிறிய தவலையில் அரிசியும், தண்ணீரும் வைத்து, ஐந்து நிமிடங்கள் கொதிக்க விடவும். அரை பாகம் தண்ணீர் வற்றியதும் அடுப்பை அணைத்து விட்டு, மூடி வைத்து, அதை அப்படியே ஹாட் கேஸ் அல்லது இக்லு பாக்ஸில் வைத்து விடவும். சாப்பிடுவதற்கு முன்பாக வடித்துவிட்டுப் பரிமாறலாம். நன்றாக வெந்திருக்கும். கேஸ் செலவில் பாதி மிச்சம்.

புழுங்கலரிசியாக இருந்தால், அரை வேக்காடு வெந்ததும், இரும்பு பக்கெட்டில் வைக்கோல் வெட்டிப் போட்டுப் பரப்பி, அதனுள் சோற்றுப் பானையைத் தூக்கி வைத்து மூடிவிடவும். சாப்பிடுவதற்கு முன்பாக வடித்துவிட்டுப் பரிமாறலாம்.

அடுப்பின் தீ சுவாலை எப் போதும் நீல நிறத்தில் தான் இருக்க வேண்டும். மஞ்சள் நிறத்தில் எரிகிறது என்றால் கேஸ் வீணாகிறது என்றோ, அடைப்பு இருக்கிறது என்றோ அர்த்தம்.

சமையலுக்குத் தேவையான எல்லா வற்றையும் தயார் நிலையில் வைத்துக் கொண்டு சமைப்பது மிக முக்கியம்.