நபி மொழி தொகுப்பு நற்சிந்தனை -அநாதைகளின் உரிமைகள்.21

by சபீர் Sat Mar 27, 2010 7:26 pm

அறிவிப்பாளர் : குவைலித் பின் உமர் (ரலி)
அண்ணல் நபியவர்கள் நவின்றார்கள்: “என் இறைவா! நான் இரு பலவீனர்களின் உரிமையை கண்ணியத்திற்குரியதாய்க் கருதுகின்றேன்: 1. அநாதையின் உரிமை 2. மனைவியின் உரிமை. ;” (நஸாஈ)
விளக்கம் :
அநாதைகளின் உரிமையையும் மனைவியரின் உரிமையையும் கண்ணியப்படுத்துங்கள் என்று அண்ணலார் (ஸல்) மக்களுக்குக் கட்டளையிட்ட இந்தப் பாணி ஈர்ப்பு மிக்கதாகும். இஸ்லாத்திற்கு முந்தைய காலகட்டத்தில் அரபுலகில் இந்த இருவரும் ( அநாதைகளும் மனைவியரும்) அனைவரையும் விட மிக அநீதிக்குள்ளாக்கப்பட்டிருந்தனர். பொதுவாக மக்கள் அநாதைகளுடன் தவறாக நடந்து வந்தனர். அவர்களின் உரிமைகள் பறிக்கப்பட்டு வந்தன. இவ்வாறே பெண்களுக்கும் எந்தவித மதிப்பும் இல்லாதிருந்தது.