டூவீலர் ஆபத்து

இரண்டு சக்கர வாகனங்களின் பயன்பாடு தற்போது நாளுக்கு நாள் அதிகரித்து வருகிறது. அதற்கு சற்றும் குறைவில்லாத வகையில் விபத்துக்களும் அதிகரித்து வருகிறது. வருடம் வருடம் விபத்துக்களில் பலியாகு பவர்களின் எண்ணிக்கை உயர்ந்து வருகிறதே ஒழிய குறையவில்லை. அதுபோல விபத்துக்களில் சிக்கி உடல் ஊனமானவர்கள், படுகாயம் அடைந்தவர்களின் எண்ணக்கையும் படுபயங்கரமாக உயர்ந்து வருகிறது.

போக்குவரத்து நெருக்கடியை சமாளிப்பதற்காக இன்று ஏராளமான பள்ளி மாணவர்கள் 2 சக்கர வாகனங்களை பயன்படுத்துகிறார்கள். பிள்ளைகள் கேட்டவுடன் பெற்றோருடன் 2 சக்கர வாகனங்களை வாங்கி கொடுத்துவிடுகிறார்கள். ஆனால் இளமைக்கே உண்டான துடிப்புடன் திகழும் மாணவர்கள் எதைப் பற்றியும் கவலைப்படாமல் உற்சாக வெள்ளத்தில் வாகனங்களை சீறி பறக்க விடுகிறார்கள். இவர்கள் ஆளரவமற்ற பூங்காக்களில், சாலைகளில் வாகனம் ஓட்டினால் பரவாயில்லை. ஆனால் நெருக்கடியான முக்கிய சாலைகளில் ஓட்டினால் தான் சிக்கல் பெரும்பாலானோர் ஹெல்மட் அணியாமல் செல்வதால் விபத்துக்கள் நேரும்போது பலமான தலைக்காயங்கள் முதல் சிராய்ப்பு வரை ஏற்படுகிறது. பெரும்பாலும் ஊமைக் காயங்கள், சுளுக்கு, கைகளில் எலும்பு முறிவு, சில நேரங்களில் உயிருக்கு ஆபத்தும் உண்டாகிறது. சில சமயங்களில் நிரந்தர ஊனமும் ஏற்பட வாய்ப்பு இருக்கிறது. சாலைகளில் மணல், கல், தண்ணீர் கிடக்கும்போது இன்னும் கூடுதல் கவனம் தேவைப்படுகிறது. ஆனால் இளம்தலைமுறையினர் எதைப்பற்றியும் கவலைப் படாமல் மனம்போன போக்கில் போகிறார்கள். விளைவு விபத்துக்களில் சிக்க நேரிடுகிறது.

குறிப்பிட்ட வயதை தாண்டியவர்களுக்கு மட்டுமே லைசென்சு கிடைக்கும் என்று விதி இருக்கிறது. ஆனால் என்ன பயன்? 12 வயது சிறுவர், சிறுமிகள் கூட இன்று லைசென்சு இல்லாமலே ஓட்டுகிறார்கள். அல்லது ஏதாவது தகிடுதத்தம் செய்து லைசென்சு வாங்கி விடுகிறார்கள். அல்லது இவர்களை போக்குவரத்து போலீசார் கண்டும் காணாதது போல விட்டு விடுகிறார்கள். இதை தடுக்க லைசென்சு விதிமுறை களையும், போக்குவரத்து விதிமுறைகளையும் கண்டிப்பாக அமுல்படுத்த வேண்டும். இதன் மூலம் உரிய வயதுக்கு முன்பே வண்டி எடுக்க முடியாது.

என்னதான் சட்டங்கள் போட்டு வெளியில் கட்டுப் பாடுகள் விதித்தாலும் குழந்தைகளை பாதுகாக்க வேண்டிய முழுப் பொறுப்பும் பெற்றோருக்கே என்பதை மறந்து விடக் கூடாது. ஆகையால் உரிய வயதுக்கு முன்பு குழந்தைகளை 2 சக்கர வாகனம் ஓட்டுவதற்கு பெற்றோர் அனுமதிக்கக் கூடாது. அதுபோல 2 சக்கர வாகனங்களில் செல்லும் தங்களுடைய மகன், மகள் ஹெல்மெட் அணிகிறார்களா? என்பதை ஒவ்வொரு பெற்றோரும் உறுதிப்படுத்த வேண்டும். அடுத்தபடியாக தங்களுடைய பிள்ளைகள் வண்டியை எந்த வேகத்தில் ஓட்டுகிறார்கள் என்பதை அடிக்கடி சோதனை செய்ய வேண்டும். வேகமாக ஓட்டினால் தகுந்த அறிவுரைகள் சொல்லி தடுக்க வேண்டும். தற்போது வாகன ஓட்டிகளுக்காகவே நிறைய பாதுகாப்பு உடைகள் விற்கிறார்கள். அவற்றை வாங்கி பயன் படுத்தலாம்.

அதுபோல சில நேரங்களில் 2 சக்கர வாகனங்களில் செல்லும் பெற்றோர்கள் கைக்குழந்தைகளையும், சின்னக் குழந்தைகளை ஜாக்கிரதையாக வைத்து கொள்ள வேண்டும். கொஞ்சம் அஜாக்கிரதை கூடாது. இத்தகைய குழந்தைகளை பத்திரமாக வைத்துக் கொள்வதற்காக இன்று ஏராளமான பாதுகாப்பு பட்டைகள் கடைகளில் விற்கப்படுகின்றன. பெற்றோர்கள் அவற்றை வாங்கிப் பயன்படுத்தினால் அவர்களுக்கும் நல்லது. குழந்தைகளுக்கும் நல்லது.