: சந்தேகம் : பெண்களுக்கான ஃபர்தா வரைமுறை.

சம்சுதீன் · சம்சுதீன் Thu 7 Jan 2010 - 0:04

முகம் கை தவிர மற்றப் பாகங்கள் முழுதும் மறைந்துள்ள நிலையில் பெண்கள் இருந்தால் அவர்களை தேவைக்காக பார்க்கலாம் என்ற அனுமதி அடங்கியுள்ள வசனம் கீழே!

முஃமினான பெண்களுக்கும் நீர் கூறுவீராக அவர்கள் தங்கள் பார்வைகளைத் தாழ்த்திக் கொள்ள வேண்டும்; தங்கள் வெட்கத் தலங்களைப் பேணிக்காத்துக் கொள்ள வேண்டும்; தங்கள் அழகை அதினின்று (சாதாரணமாக வெளியில்) தெரியக் கூடியதைத் தவிர (வேறு எதையும்) வெளிக் காட்டலாகாது இன்னும் தங்கள் முன்தானைகளால் தங்கள் மார்புகளை மறைத்துக் கொள்ள வேண்டும். (அல்குர்ஆன் 24:31)

வீடுகளில் இருக்கும் போது பெண்கள் சாதாரண உடைகளுடன் இருப்பார்கள். அது அவர்களின் உடலில் முகம் முன் கைகளைத் தவிர மற்றப்பாகங்களை மறைக்காத நிலையில இருந்தால் அவர்கள் மற்ற ஆண்களுக்கு மத்தியில் வெளிவரக் கூடாது. வெளிவரும் சூழ்நிலை ஏற்பட்டால் மறைத்த நிலையிலேயே வர வேண்டும். முகம், கைகளில் முற்பகுதி தெரியும் நிலையில் வெளிப்படலாம் என்பதிலிருந்தே ஆண்கள் அவசியத் தேவைக்காக பெண்களைப் பார்க்கலாம் என்பது விளங்குகின்றது.

வீட்டில் சாதாரணமாக வீட்டு உடைகளுடன் இருக்கும் போது யார் யார் முன்னிலையில் அந்த உடையுடன் வரலாம் என்பதையும் வசனம் தொடர்ந்து விளக்குகின்றது.

(முஃமினான பெண்கள்) தம் கணவர்கள்,
தம் தந்தையர்கள், (பெற்றத் தந்தை - வாப்பா, அத்தா, பெரியத்தா, சின்னத்தா)
தம் கணவர்களின் தந்தையர்கள் (மாமனார்கள், சின்ன பெரிய மாமனார்கள்)
தம் புதல்வர்கள் (மகன்கள்)
தம் கணவர்களின் புதல்வர்கள், (கணவருக்கு ஏற்கனவே திருமணமாகி ஆண் குந்தைகள் இருந்தால் அவர்கள்)
தம் சகோதரர்கள் (அண்ணன் தம்பிகள்)
தம் சகோதரர்களின் புதல்வர்கள், (அண்ணன் தம்பிகளின் மகன்கள்)
தம் சகோதரிகளின் புதல்வர்கள், (அக்காள் தங்கைகளின் மகன்கள்)
ஆடவர்களில் தம்மை அண்டி வாழும் (பெண்களை விரும்ப முடியாத அளவு வயதானவர்கள்) தளர்ந்து போன முதியவர்கள்.
பெண்களின் மறைவான அங்கங்களைப் பற்றி அறிந்து கொள்ளாத சிறுவர்கள் ஆகிய இவர்களைத் தவிர, (வேறு ஆண்களுக்குத்) தங்களுடைய அழகலங்காரத்தை வெளிப்படுத்தக் கூடாது. (அல்குர்ஆன் 24:31)

திருமணம் செய்ய தடுக்கப்பட்ட பெண்கள் ஆண்களுக்கு முன் சாதாரண உடையில் காட்சியளிக்கலாம். அதாவது மாமி, சின்னம்மா போன்றவர்கள் (திருமணம் செய்ய விலக்கப்பட்ட பெண்கள் யார் யார் என்பதை அல்குர்ஆன் 4:23 வசனத்தில் அறியலாம்.

சாதாரண உடையுடன் பார்வையில் படலாம் என்ற பட்டியலில் அண்ணிகள் (அண்ணன் - தம்பி மனைவிகள்) அடங்கவில்லை என்பதால் அவர்கள் முகம் முன்கைகள் தெரியும் நிலையில் மட்டுமே மச்சான்களிடம் (கணவரின் உடன் பிறந்த சகோதரர்களிடம்) இருக்க வேண்டும்.

பெண்களை சாதாரணமாக பார்க்க அனுமதியுள்ளது என்றால் முஃமினான ஆண்கள் தங்கள் பார்வையை தாழ்த்திக் கொள்ள வேண்டும் என்ற பொருள் அல்குர்ஆன் 24:30 வசனத்தின் பொருள் என்ன?

இங்கு பார்வையைத் தாழ்த்திக் கொள்ள வேண்டும் என்பது பெண்களை விட்டு பார்வையைத் தாழ்த்திக் கொள்ள வேண்டும் என்றக் கருத்தில் மட்டும் வரவில்லை. பொதுவாகவே தவறான - பாவமான அனைத்தையும் விட்டு பார்வையைத் தாழ்த்திக் கொள்ள வேண்டும் என்ற பொருளில் தான் வந்துள்ளது.

பார்வையில் பாவம் உருவாகும் நிலை இருந்தால் பெண்களை விட்டு பார்வையைத் திருப்பிக் கொள்ள வேண்டும்.

2009/12/31

அஸ்ஸலாமு அலைக்கும்.சகோதரர்களுக்கு.

ஃபர்தா (ஹிஜாப்) பற்றிய எனக்கு,சில விளக்கங்கள் தேவைப்படுகிறது.

அல்லாஹ்வின் கருணை கொண்டு,இன்ஷா அல்லாஹ் எனக்கு திருமணம் செய்ய நிச்சயிக்கப் பட்டுள்ளது.இன்ஷா அல்லாஹ்,திருமணம் நடந்து,தீன் நெறி பிறழாத நேரிய வாழ்வு வாழ்ந்து,சாலிஹான சந்ததிகளை பெற, சகோதரர்கள் வல்ல அல்லாஹ்விடம் எனக்காக துஆ செய்யுமாறு கேட்டுக்கொண்டு,எனது சந்தேகத்தை தங்கள் முன்வைக்கிறேன்.

நான் திருமணம் செய்துகொள்ள பார்க்கப்பட்ட பெண்ணின் வீட்டார்,ஹிஜாப் விஷயத்தில்,கடுமையாக நடந்து கொள்வதாக தெரிகிறது.அல்லாஹ் உதவிகொண்டு திருமணம் நிச்சயிக்கப் பட்டுவிட்டது.ஆனால் பெண்வீட்டார்,பெண்ணை எனது உடன் பிறந்த சகோதரர்கள் பார்ப்பதை கூட அனுமதிப்பதில்லை.தனது அண்ணனுக்கு பார்க்கப் பட்ட பெண்,தனது அண்ணியை கூட எனது தம்பி பார்க்க கூடாதா?அவர்களுக்கு,அல்லாஹ்வின் சட்டப்படி வெரும் முகத்தை காட்டுவதும் தவறா?

பேணுதல் எனும் பெயரில் அவர்கள் அதிகமாக செய்கிறார்களோ என தோன்றுகிறது.
மேலும் குடும்ப உறுப்பினர்களில் மஹரம் இல்லாத எந்த ஆணூக்கும்,தங்களது முகத்தை கூட அவர்கள் காட்டுவதில்லை.கேட்டால்,மனதில் தவறான எண்ணம் தோன்றிவிடும்,ஷரீஅத்,என்ன சொல்கிறது,என சட்டம் பேசுகிறார்கள்.

நானறிந்த சட்ட்ப்படி,மஹரமான,மஹரம் இல்லாத ஆண்கள்.இவர்களில் மஹரம் இல்லாதவர்கள் முன்னிலையில்,முகம் மற்றும் கைகலில்,மணிக்கட்டுவரை மட்டுமே வெளிப்படுத்த அனுமதியுள்ளது.நானும் அதையே கோருகிறேன்.எனது உறவுகள் மத்தியில்,முகத்தை மட்டுமே காட்ட சொல்கிறேன்.அவர்கள் இல்லை இல்லை.அவர்களை பார்க்கவே கூடாது என்கிறார்கள்.

இப்படி ஒரு கடுமையான சட்டமுறை உள்ளதா?அப்படி இருப்பின்,பெண்கள்,எல்லா துறைகளிலும் சிறக்க மார்க்கம் அனுமதிதுள்ளதே.அது,நானறிந்த முகம் வெளிப்படுத்தி,உடல் மறைத்த ஃபர்தா முறை கொண்டே சாத்தியமாகும்.முழுவதும் மறைத்த நிலையில் தொழில்,போன்ற மற்ற துறைகளில் ஈடுபடுவது சாத்தியமற்ற தாகவே தோன்றுகிறது.

இப்படியொரு சட்டம் இருந்தால்,இவர்கள் எப்படிகுடும்பத்தில் சகஜமாக இருக்கமுடியும்.எனது சகோதரர்கள் முன்னிலையில் முகம்,கை வெளிப்படுத்தி இருக்கலாம் என நான் வாதிட....இல்லை இல்லை..அவர்கள் முன் நிற்ப்பதே ஹராம் என அவர்கள் சொல்கிறார்கள்.எப்படியாவது தவறான ஊசலாட்டம் வந்துவிடும்..அதனால் அவர்கள் என்னை பார்ப்பதோ,அல்லது அவர்களுக்கு எனது முகத்தை வெளிப்படுத்துவதோ "ஹராம்"என்கிறார்கள்.

எனது வாதம்,குடும்ப உறுப்பினர்களான,உறவுகளான அன்னிய ஆண்களுக்கு,இஸ்லாமிய ஆடை அணிந்து,முகத்தை மட்டும் காட்டலாம் எனபதே...இது சரியா?

இன்ஷாஅல்லாஹ்,விஷயம் அறிந்த சகோதரர்கள்.குர் ஆன் ஹதீஸ் ஒளியில் விளக்குமாறு கேட்டுக்கொள்கிறேன்.

அன்புடன்
ரஜின் அப்துல் ரஹ்மான்.

--
"நமக்குள் இஸ்லாம்" குழுமத்திலிருந்து வெளியேற நாடுபவர்கள் கீழுள்ள லிங்கை கிளிக் செய்து மெயில் ஐடியை நீக்கிக் கொள்ளலாம்.