முட்டாள் தினம்! (கட்டுரை)

**இளமாறன்** · **இளமாறன்** Fri Mar 26, 2010 11:55 pm

முட்டாள் தினம்! (கட்டுரை)

முட்டாள்தினம்!
ஏப்ரல் முதல் தேதி,
உலகமெங்கும் முட்டாள் தினமாக கொண்டாடப்படுகிறது. அன்று யாரை ஏமாற்றி 'முட்டாள்' ஆக்கினாலும் அவர்கள் கோபித்துக் கொள்ள மாட்டார்கள். முட்டாள்களுக்காக ஒரு தினம் கொண்டாட வேண்டும் என்ற யோசனையை வெளியிட்டவர், பாஸ்வெல் என்பவர்தான்! சூரிய வழிபாட்டிற்கும் இந்த விழா கொண்டாட்டத்திற்கும் கூட சம்பந்தம் இருப்பதாக பழைய நூல்களிலிருந்து தெரிய வந்தது. ஆதி குடிகளான ஸெல்ட் சாதியினர், லியூ என்ற சூரிய
கடவுளை குறித்து இந்த வசந்த விழாவை கொண்டாடினர். இதில் முக்கிய அம்சம், ஒருவர் மற்றொருவரை ஏமாற்றி கிண்டல் செய்வதாகும்.
இப்படி முட்டாளாக்கப்படுபவர்களை
பிரான்சில் 'ஏப்ரல் பிஷ் (மீன்)' என்றழைக்கின்றனர். அக்காலத்தில் ஏப்ரலுக்கு ஏப்ரல் ஆங்கில வருடப்பிறப்பு கொண்டாடப்பட்டு வந்தது.
அந்த வருடப்பிறப்பன்று பிறரை முட்டாள்களாக்கி குதூகலமாக கொண்டாடி வந்தனர். ஏப்ரல் முட்டாள் விளையாட்டுக்களெல்லாம் அன்று காலை வேளையில் மட்டும்தான் செய்யப்பட வேண்டும். மாலையில் கிண்டல் செய்தால், கிண்டல் செய்பவரேதான் முட்டாள்!
உங்க பிள்ளை எப்படி ஆகணும்!
பஞ்சாபில் இருக்கிற சீக்கியர்களுக்கு இன்னைக்கு உலகத்துலயே 'பயமற்ற வீரர்கள்'னு பேரு. அவர்களில் பெரும்பாலோர் குடும்பங்களில் ஒருவராவது ராணுவத்தில் கண்டிப்பாக இருப்பர். ஆனால், குருநானக் அவர்கள் இவர்களுக்கு தனித்தன்மையா தாடி, மீசை, தலைப்பாகை, இப்படி கொடுத்து, 'நீங்கள் யாராலும் வெல்ல முடியாத வீரர்கள், தனித்தன்மையானவர்கள்'ன்னு
நம்பச் செய்தார். அவங்களுக்கு இந்த உணர்வு அழுத்தமாகி, அதன் பலனாக 500
வருடங்களில் உலகிலேயே துணிச்சல் மிக்க இனம்னு உருவாகிட்டாங்க.
கடந்த, சுதந்திரத்திற்கு முந்தைய மற்றும் பிந்தைய போர்களில் அவர்களின் வீரம் நிரூபிக்கப்பட்டு இருக்கிறது. இதே மாதிரி குழந்தையை 'நீ புத்திசாலி'ன்னு சொல்லி வளர்த்தா, அது புத்திசாலியாகுது! 'நீ முட்டாள்'னு குட்டி வளர்த்தா, அது வக்கிரம் உள்ள பிள்ளையா வளருதுன்னு மனோதத்துவ அறிஞர்கள் சொல்கின்றனர். செடியை பார்த்து, தினமும் இது நல்லா வளரும், நிறைய பூ, நிறைய கனி தரும்னு சந்தோஷமா நினைச்சுக்கிட்டே தண்ணி ஊற்றினால் அப்படியே வளரும். அதேபோலதான் மனித செடியான குழந்தையும்!

ஏமாத்தினாரா? இல்லையா?
விளம்பரங்கள் ஏமாத்தறதில்லை. நாம்தான் ஏமாறுகிறோம்.
அமெரிக்காவில் ராபர்ட் என்பவர் பத்திரிகையில் ஒரு விளம்பரம் கொடுத்தார்.
''இருபதாம் நூற்றாண்டின் இணையற்ற கண்டுபிடிப்பு. பேனாவும், மையும் இல்லாமல் நீங்கள் அற்புதமா எழுதலாம். விவரம் அறிய ஒரு டாலர் அனுப்புங்கள்!'' ராபர்ட்டுக்கு மணியார்டர்கள் வந்து குவிந்தது. அவர்
சொன்ன பதில் இதுதான். ''புத்திசாலிகளே! பென்சிலை வைத்து
எழுதுங்கள்!'' ராபர்ட் ஏமாற்றவில்லை. கொஞ்சம் நிதானமா யோசிக்காம விட்டவங்கதான் ஏமாந்திட்டாங்க!
ஏமாறக் கூடாதா? உஷாரா இருங்க!
ஏமாறக் கூடாது - தோற்கக் கூடாது - மகிழ்ச்சியை இழக்கக்கூடாது - இதுக்கெல்லாம் நீங்க உஷாரா
இருக்கணும். எதில்... இதோ லிஸ்ட்!
எண்ணங்களை பற்றி உஷாராக இருங்கள். அவைகள்
வார்த்தைகளாக மாறுகின்றன.
வார்த்தைகளில் உஷாராக இருங்கள். ஏனெனில் அவைதான்
செயலாக மாறுகின்றன. செயல்களில் உஷாராக இருங்கள். அவை தான் பழக்கமாக மாறுகின்றன. பழக்கங்களில் உஷாராக இருங்கள். அவைகள்தான் ஒழுக்கமாக மாறுகின்றன. ஒழுக்கத்தில் உஷாராக இருங்கள். அது தான் உங்கள் வாழ்க்கையை உருவாக்குகிறது. என்ன புரிஞ்சுதா, இந்த வெற்றி, புத்திசாலி, மகிழ்ச்சி வழியின் அடித்தளங்கள் நன்றாக தெரிந்ததா. குறுக்கு வழிகள் இல்லை.
புத்திசாலியை கண்டுபிடிப்பது எப்படி?
புத்திசாலி வாழ்வில் ஜெயிப்பான். முட்டாளோ தோற்று போவான். சின்ன விஷயத்துக்காக ஒருவனுக்கு கோபம் வருகிறதா? லாபம் தராத
விஷயத்தைப் பற்றி ஒருவன் சதா பேசி கொண்டிருக்கிறானா?
அர்த்தமில்லாமல் ஏதாவது கேள்வி அடிக்கடி கேட்டு கொண்டிருப்பானா?
சந்திப்பவர்கள் அனைவரையும் ஒருவன் எந்த சந்தேகமுமில்லாமல் நம்பிவிடுகிறானா? விரோதிகள் யாரென்று கண்டுபிடிக்க முடியாமல்
ஒருவன் முழிக்கிறானா? அவன் ஒரு 'முட்டாள்!'
— இது ஒரு அரேபிய நாட்டு
பொன்மொழி.