உயிர் வாழும் காலத்தை பயன்படுத்திக் கொள்வீராக

சபீர் · சபீர் Thu Mar 25, 2010 9:33 pm

இப்னு உமர்(ரலி) அறிவிக்கின்றார்கள்:
'என் தோள்பட்டைகளைப் பிடித்துக் கொண்டு, ''ஒரு பயணியாகவோ அல்லது பாதையைக் கடந்து செல்பவராகவோ நீ இந்த உலகில் இருந்து கொள்'' என்று நபி(ஸல்) கூறினார்கள். எனவே, நீ மாலை நேரத்தில் இருந்தால் காலை நேரத்தை எதிர் பார்க்காதே! நீ காலை நேரத்தில் இருந்தால் மாலை நேரத்தை எதிர் பார்க்காதே! உன் நோய் (நிலையை கருத்தில்) கொண்டு, உன் உடல்நிலையையும், நீ இறப்பதை (கருத்தில்) கொண்டு உன் உயிர் வாழும் காலத்தையும் பயன்படுத்திக் கொள்வீராக! (புகாரி) (ரியாளுஸ்ஸாலிஹீன்: 574)

இப்னு உமர் (ரலி) அறிவிக்கின்றார்கள்:
''ஒரு பொருளில் வஸிய்யத் (மரண சாசனம்) செய்ய வேண்டிய ஒரு முஸ்லிமான மனிதனுக்கு, தன் வஸியத்தை தன்னிடம் எழுதி வைத்துக் கொள்ளாமல் இரண்டு இரவுகள் வரை கழிக்க உரிமை இல்லை'' என்று நபி(ஸல்) கூறினார்கள்.(புகாரி)

முஸ்லிமின் மற்றொரு அறிவிப்பில் மூன்று இரவு வரை என உள்ளது.
நபி (ஸல்) அவர்கள் இவ்வாறு கூற நான் கேட்டதிலிருந்து எந்த இரவும் என்னிடம் வஸியத்தை பதிவு செய்தே தவிர கழிந்ததில்லை என்றும் இப்னு உமர்(ரலி) அறிவிக்கின்றார்கள். (ரியாளுஸ்ஸாலிஹீன்: 575)

இப்னு மஸ்ஊத்(ரலி) அறிவிக்கின்றார்கள்:

'நபி(ஸல்) அவர்கள் ஒரு முறை ஒரு சதுரமான கட்டம் போட்டார்கள். அதன் நடுவில் அதைத் தாண்டிச் செல்லும் ஒரு கோட்டைப் போட்டார்கள். நடுவில் உள்ள கோட்டின் ஓரத்திலிருந்து நடுக்கோட்டை நோக்கி சிறுசிறு கோடுகளைப் போட்டார்கள். உடனே ''இதுதான் மனிதன். சுற்றி உள்ள கோடு அவனது தவணையாகும். கட்டத்தினை விட்டும் வெளியேறி உள்ள இந்தக் கோடு தான், அவனது மேலெண்ண ஆசைகளாகும். இந்த சிறிய கோடுகள் அவனுக்கு ஏற்படும் சோதனைகளாகும். இது (ஒரு சோதனை) அவனை விட்டுவிட்டாலும் இது(அடுத்தது) அவனைப் பிடித்துக் கொள்ளும். இது(மற்றொரு சோதனை) அவனை விட்டு விட்டாலும், இது (அதற்கடுத்த சோதனை) அவனைப் பிடித்துக் கொள்ளும் என்று நபி(ஸல்) கூறினார்கள். (புகாரி) (ரியாளுஸ்ஸாலிஹீன்: 577)

இது தான் அந்த கட்டத்தின் தோற்றமாகும் : தவணை

ஆசைகள்

சோதனைகள்

''ஒவ்வொரு தூதரும்; அற்புதங்களுடன் அனுப்பப்பட்டனர். எனக்கு வழங்கப்பட்ட அற்புதம் திருக்குர்ஆன் - நபிகள் நாயகம் (ஸல்)''. நூல்: ( புகாரி,முஸ்லிம் )
'' திருக்குர்ஆனைப் பொருளுணர்ந்து படியுங்கள் ''