வாலிபர் முத்தமிட்டதால் மாணவி தீக்குளித்து மரணம்.

mohan-தாஸ் · mohan-தாஸ் Tue 23 Mar 2010 - 21:11

திருவண்ணாமலை அடுத்த சீநம்மியேந்தல் பகுதியை சேர்ந்தவர் அந்தோணி, இவரது மகள் சகுந்தலா. இவர் காஞ்சியில் உள்ள பள்ளியில் 10-ம் வகுப்பு படித்து வந்தார்.

சகுந்தலாவின் பக்கத்து வீட்டில் ரகு என்ற வாலிபர் குடியிருந்து வந்தார். அவர் சகுந்தலாவை ஒரு தலையாக காதலித்து வந்ததாக கூறப்படுகிறது.

இந்நிலையில் சகுந்தலாவுக்கும் அதே பகுதியை சேர்ந்த சகாயராஜ் என்பவருக்கும் திருமண பேச்சு வார்த்தை நடந்தது. இத்தகவல் ரகுவுக்கு எட்டியது. தனக்கு கிடைக்காத சகுந்தலாவை அவமானப்படுத்தி திருமணத்தை தடுக்க அவர் நினைத்தார்.

நேற்று பள்ளி விடுமுறை என்பதால் சகுந்தலா வீட்டில் இருந்தார். பெற்றோர் வெளியே சென்று இருந்தனர்.

இந்த சந்தர்ப்பத்தை பயன்படுத்த நினைத்த ரகு, சகுந்தலாவின் வீட்டுக்குள் நுழைந்தார். திடீரென சகுந்தலாவை கட்டி பிடித்து முத்தமிட்டார். இதனால் அதிர்ச்சி அடைந்த சகுந்தலா கூச்சல் போட்டர். அவரது அலறல் சத்தம் கேட்டு அக்கம்பக்கத்தினர் திரண்டு வந்தனர். இதனால் ரகு அங்கிருந்து ஓட்டம் பிடித்தார்.

தன்னை வேறொரு வாலிபர் முத்தமிட்டு விட்டாரே, இதனால் திருமணம் தடைபடுமோ என்று வருந்திய சகுந்தலா வீட்டில் இருந்த மண்எண்ணெய்யை எடுத்து உடலில் ஊற்றி தீக்குளித்தார்.

அக்கம்பக்கத்தினர் அவரை மீட்டு திருவண்ணாமலை அரசு ஆஸ்பத்திரியில் சேர்த்தனர். பின்னர் மேல் சிகிச்சைக்காக புதுவை ஜிப்மர் ஆஸ்பத்திரிக்கு கொண்டு செல்லப்பட்ட சகுந்தலா வழியிலேயே பரிதாபமாக பலியானார்.