இரண்டு மணமகள்கள் ஓட்டம் மணமகன் விரக்தி

by arularjuna Mon Mar 22, 2010 10:29 am

First topic message reminder :

கோலார்: தாலி கட்டும் நேரத்தில் நிச்சயித்த பெண் காதலருடன் ஓடிவிட்டார். உடனடியாக முறைபெண்ணுக்கு தாலி கட்டினார் மணமகன். ஆனால், அந்த பெண்ணும் காதலனுடன் கம்பி நீட்டி விட்டார்.
கர்நாடக மாநிலம், கோலார் பகுதியை சேர்ந்தவர் மஞ்சுநாத். கடந்த எட்டு மாதங்களுக்கு முன் இவருக்கும், அனிதா என்ற பெண்ணுக்கும் திருமணம் நிச்சயிக்கப்பட்டு, கடந்த 7ம் தேதி திருமணம் நடைபெற இருந்தது. கல்யாண மண்டபத்தில் இரு வீட்டாரும் வந்திருந்தனர்.
மணமகள்களின் தோழியர் சினிமாவுக்கு செல்ல திட்டமிட்டனர். ஆனால், மணமகள் அனிதா, திருமண மண்டபத்தில் காத்திருந்த காதலர் நாகராஜுடன் ஓடி விட திட்டமிட்டார். அதிகாலையில் மணமகளை தேடிய போது அனிதாவை காணோம். மணமகளின் தோழியர் விஷயத்தை சொல்ல திருமண மண்டபம் ரகளையாகி விட்டது. இதற்குள்ளாக அனிதாவும், நாகராஜும் போலீஸ் நிலையத்தில் தஞ்சம் அடைந்து மாலை மாற்றி கொண்டனர்.வேறு வழியில்லாத மஞ்சுநாத் பெற்றோர், 16 வயது முறை பெண் மம்தாவை மணமேடையில் உட்கார வைத்தனர்.

பிளஸ் 2 படிக்கும் மம்தா, 'மஞ்சுநாத்தை மணக்க விருப்பமில்லை' என, கூறி அழுதார். மணமகளின் அண்ணன் சமாதானப்படுத்தியதால், மஞ்சுநாத், மம்தாவின் கழுத்தில் தாலி கட்டினார். திருமணம் முடிந்ததும் தனக்கு தேர்வு நடப்பதால் மஞ்சுநாத்துடன் செல்ல மறுத்த மம்தா, தன் அண்ணனுடன் தன் வீட்டுக்கு சென்றார். தங்கை பள்ளிக்கு தேர்வு எழுத சென்றதாக நினைத்து கொண்டிருந்த அண்ணனுக்கு ஏமாற்றம். மம்தா பரீட்சைக்கு செல்லவில்லை. தனது காதலன் அனில்குமாருடன் ஓடி விட்டார்.ஒரே நாளில் இரண்டு மணமகள்களை இழந்த மஞ்சுநாத், இனி தனக்கு திருமணமே வேண்டாம் என்ற விரக்தியில் உள்ளார்.