குப்பையில் வீசப்படும் மருந்து- மாத்திரைகளை புதிய பேக்கிங்

**இளமாறன்** · **இளமாறன்** Mon Mar 22, 2010 12:26 am

குப்பையில் வீசப்படும்
மருந்து- மாத்திரைகளை புதிய பேக்கிங் செய்து தமிழகமெங்கும் விற்கும்
கும்பல்!

சென்னை கொடுங்கையூரில் உள்ள குப்பை மேட்டில் வடசென்னை
பகுதியில் சேரும் குப்பைகள் கொட்டப்படுகின்றன. இந்த குப்பைக் கிடங்குக்கு லாரி
மற்றும் வேன்களில் கொண்டு வரப்படும் காலாவதியான மருந்து மாத்திரைகளை ஒரு கும்பல்
விலைக்கு வாங்கி அதனை மீண்டும் புதிதாக்கி விற்பனை செய்வதாக பெரம்பூர் மருந்து
கட்டுப்பாடு இயக்குனர் இளங்கோவுக்கு தகவல் கிடைத்தது.

இதுகுறித்து அவர் கொடுங்கையூர்
போலீசில் புகார் செய்தார்.

இது தொடர்பாக விரிவாக விசாரணை நடத்த போலீஸ்
கமிஷனர் ராஜேந்திரன் உத்தரவிட்டார். வடசென்ன இணை கமிஷனர் சேஷசாயி, புளியந்தோப்பு
துணை கமிஷனர் பாஸ்கர் ஆகியோர் மேற்பார்வையில் கொடுங்கையூர் போலீசார் விசாரணையை
முடுக்கி விட்டனர்.

குப்பை மேட்டுக்கு கொண்டு வரப்படும் காலாவதியான
மருந்துகள் யார் மூலமாக வாங்கப்படுகிறது என்பதை கண்டுபிடிக்கும் முயற்சியில்
போலீசார் முதலில் இறங்கினர்.

அப்போது கொடுங்கையூர் முத்தமிழ்நகரை சேர்ந்த
ரவி, அவரது மனைவி சுனிதா ராணி ஆகியோர்தான் காலாவதியான மருந்துகளை விலைக்கு
வாங்கியது தெரியவந்தது. இவர்களில் சுனிதாராணியை பிடித்து போலீசார் விசாரணை
நடத்தினர்.

அப்போது அவர் காலாவதியான மருந்து மாத்திரைகளை நாங்கள் விலைக்கு
வாங்கி, கோயம்பேட்டில் உள்ள மீனா ஹெல்த்கேர் நிறுவனத்துக்கு சொந்தமான மருந்து
கடைகளில் கொடுத்து விடுவோம். அங்கு வைத்து தான் காலாவதியான மருந்து மாத்திரைகள்,
புதிய மாத்திரைகளாக உருவாக்கப்படுகின்றன என்ற அதிர்ச்சியூட்டும் தகவலை
தெரிவித்தார்.

இதையடுத்து தனிப்படை போலீசார் கோயம்பேட்டில் உள்ள மருந்து
குடோனுக்கு சென்று அதிரடி சோதனை நடத்தினர். அப்போது அங்கு பதுக்கி
வைக்கப்பட்டிருந்த காலாவதியான மருந்துகள் பெட்டி-பெட்டியாக பறிமுதல் செய்யப்பட்டன.
இதன் மதிப்பு ரூ.4 லட்சம்.

இதுதொடர்பாக சுனிதா ராணி (வயது 29), கிருபாகரன்
(30), ராமகிருஷ்ணன் (35), விஜயகுமார் (34), கோவிந்தன் (29), ஜெகதம்மா (30),
தர்மராஜன் (50) ஆகிய 7 பேர் கைது செய்யப்பட்டனர். இவர்களில் சுனிதாராணி தவிர மற்ற
அனைவரும் மருந்து குடோனில் பணி புரிந்தவர்கள்.

மீனா ஹெல்த்கேர் மருந்து
குடோனின் உரிமையாளர் மீனாட்சிசுந்தரம் தலை மறைவாக உள்ளார்.

காலாவதியான
மருந்து களை விற்ற வழக்கில், மேலும் 5 பேர் தப்பி ஓடி விட்டனர். இவர்களை
பிடிப்பதற்கு போலீசார் வலைவிரித்துள்ளனர்.

கோயம்பேட்டில் இருந்து அனுப்பி
வைக்கப்பட்ட இந்த காலாவதியான மருந்துகள் சென்னை மட்டுமின்றி, தமிழகம் முழுவதும்
உள்ள மருந்து கடைகளுக்கு சப்ளை செய்யப்பட்டது தெரிய வந்துள்ளது.

காலாவதியான மருந்துகளை விற்று மோசடியில் ஈடுபட்ட அனைவரையும் கூண்டோடு
கைது செய்ய போலீசார் திட்டமிட்டுள்ளனர்.

குப்பையில் வீசப்படும் மருந்து- மாத்திரைகளை புதிய பேக்கிங்

குப்பையில் வீசப்படும் மருந்து- மாத்திரைகளை புதிய பேக்கிங்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக