இன்று சென்னை-பஞ்சாப் பலப்பரீட்சை

சாந்தன் · சாந்தன் Sun Mar 21, 2010 10:21 am

சென்னை:
சென்னையில் இன்று நடக்கும் ஐ.பி.எல்., லீக் போட்டியில் சென்னை சூப்பர்
கிங்ஸ், கிங்ஸ் லெவன் பஞ்சாப் அணிகள் மோதுகின்றன. இதில் சென்னை கேப்டன்
சுரேஷ் ரெய்னா மீண்டும் சாதிக்க காத்திருக்கிறார். தொடர்ந்து மூன்று
தோல்வியை சந்தித்துள்ள பஞ்சாப் அணி எழுச்சி காண வேண்டிய கட்டாயத்தில்
<உள்ளது.
இந்தியாவில் மூன்றாவது கட்ட ஐ.பி.எல்., "டுவென்டி-20' தொடர்
நடக்கிறது. இன்று சென்னையில் நடக்கும் 16வது லீக் போட்டியில் சென்னை
சூப்பர் கிங்ஸ் அணி, சங்ககராவின் கிங்ஸ் லெவன் பஞ்சாப் அணியை
எதிர்கொள்கிறது. இப்போட்டியில் சிறப்பாக செயல்பட்டு "ஹாட்ரிக்' வெற்றி பெற
சென்னை அணி காத்திருக்கிறது.
ஹைடன் எழுச்சி:
டில்லிக்கு
எதிராக "மங்கூஸ்' பேட் மூலம் அசத்திய சென்னை வீரர் ஹைடன், தனது அதிரடியை
இன்றும் தொடரலாம். தோனி இல்லாத நிலையில் கேப்டன் ரெய்னா, பத்ரிநாத், முரளி
விஜய், பார்த்திவ் படேல் ஆகியோர் இணைந்து சென்னையில் முதல் வெற்றியை பதிவு
செய்தால் நல்லது.
கைகொடுக்குமா பவுலிங்:
மார்கல்,
பாலாஜி, கெம்ப் போன்றவர்கள் கடைசி நேர பவுலிங்கில் கவனம் செலுத்த வேண்டும்.
முரளிதரன், அஸ்வின் போன்ற சுழற்பந்து வீச்சாளர்களும் தங்கள் பணியை
சிறப்பாக செய்வார்கள் என எதிர்பார்க்கலாம்.
பேட்டிங் சறுக்கல்:
பஞ்சாப்
அணியின் "ஹாட்ரிக்' தோல்விக்கு, பேட்டிங் நிலையில்லாதது தான் முக்கிய
காரணம். துவக்கத்தில் போபரா, பிஸ்லா தவிர, மற்ற எல்லோரும்
சொதப்புகிறார்கள். கேப்டன் சங்ககரா (17, 0), யுவராஜ் (4, 9, 4), ஜெயவர்தனா
(0, 26*, 14) ஆகிய முக்கிய வீரர்கள் சொதப்புகின்றனர். இவர்கள், இன்று
பொறுப்பாக ஆட வேண்டும்.
ஸ்ரீசாந்த் ஏமாற்றம்:
வேகப்பந்து
வீச்சில் இர்பான், ஸ்ரீசாந்த், அப்துல்லா, ஸ்ரீவஸ்தவா ஆகியோர் ரன்களை வாரி
வழங்குகின்றனர். பிபுல் சர்மா சற்று சிறப்பாக செயல்படுகிறார். சுழலில்
பியுஸ் சாவ்லா, ரன்களை கட்டுப்படுத்துவதை விட, விக்கெட்டுக்களை
வீழ்த்தினால் அணிக்கு நல்லது.

பாக்ஸ் செய்தி:
டெக்கானை
சமாளிக்குமா டில்லி
கட்டாக்: ஐ.பி.எல்., தொடரில் இன்று
ஒரிசாவின் கட்டாக்கில் நடக்கும் 15வது லீக் போட்டியில் டெக்கான் சார்ஜர்ஸ்,
டில்லி டேர் டெவில்ஸ் அணிகள் மோதுகின்றன.
முதல் இரண்டு போட்டிகளை
வெற்றியுடன் துவக்கிய டில்லி அணி, காம்பிர் காயத்துக்கு பின், தொடர்ந்து
இரண்டு தோல்வியை சந்தித்தது. துவக்கத்தில் சேவக் வீழ்ந்து விட்டால், பின்
கேப்டன் தினேஷ் கார்த்திக், டிவிலியர்ஸ், தில்ஷன் போன்றவர்கள் ரன்குவிக்க
திணறுகின்றனர். பவுலிங்கில் நானஸ், மகரூப், பிரதீப் சங்வான் சாதிக்க
வேண்டும். அமித் மிஸ்ராவும் தன்பங்குக்கு சுழலில் அசத்தினால் நல்லது.
டெக்கான்
அணியை பொறுத்தவரை கேப்டன் கில்கிறிஸ்ட், கிப்ஸ், சைமண்ட்ஸ் என வரிசையாக
சிறப்பான பார்மில் இருப்பது பலம். தவிர, வேகப்பந்து வீச்சில் வாஸ்,
துவக்கத்திலேயே விக்கெட்டுகளை வீழ்த்த, பின் வரும் பிரக்யான் ஓஜா, ரோகித்
சர்மா என கட்டுக்கோப்பாக பந்து வீசுவதால், டெக்கான் அணியை வீழ்த்துவது
சிரமமே.

நன்றி : தினமலர்

**Manik** · **Manik** Mon Mar 22, 2010 10:08 am

தோத்துட்டானுங்கப்பா சென்னை முட்டாப்பயலுக 3 சிக்ஸ் அடிக்க தெரியல இவனையெல்லாம் கேப்டனா போட்டுருக்காங்க

என்ன கொடுமை சார் இது

இன்று சென்னை-பஞ்சாப் பலப்பரீட்சை

இன்று சென்னை-பஞ்சாப் பலப்பரீட்சை

Re: இன்று சென்னை-பஞ்சாப் பலப்பரீட்சை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக