நடுத்தர வயது ஆரம்பம் எப்போது தெரியுமா?

சாந்தன் · சாந்தன் Sun Mar 21, 2010 10:27 am

லண்டன் : சராசரியாக ஒரு மனிதனின் நடுத்தர வயது,
35ல் துவங்கி 58ல் முடிவடைவதாக லண்டனில் மேற்கொள்ளப்பட்ட ஆய்வு
தெரிவிக்கிறது. மனிதர்களின் வாழ்க்கை இளம் வயது, நடுத்தர வயது, முதுமை என
மூன்றாக பிரிக்கப்படுகிறது. இந்த மூன்று பருவங்களின் வயது கணக்கீடு
நாட்டுக்கு நாடு வித்தியாசப்படுகிறது. போர்ச்சுகீசியர்கள் 29 வயது வரை இளம்
பருவமாகவும், 51 வயதானதும் கிழவராகவும் கருதுகின்றனர். சைப்ரஸ் நாட்டினர்
45 வயது வரை இளைஞராக நினைக்கின்றனர். பெல்ஜியம் நாட்டவர் 64 வயதில் தான்
முதுமை பருவம் துவங்குகிறது என கணக்கிடுகின்றனர்.

பிரிட்டனை பொறுத்தவரை இளம் பருவம் 35
வயதில் முடிகிறது. வயோதிகம் 58ல் ஆரம்பிக்கிறது. 15 வயது முதல் 24 வயது வரை
இளம் பருவமாக கருதப்படுகிறது. ஐரோப்பா முழுவதும் 40 ஆயிரத்துக்கும்
மேற்பட்ட மக்களிடம் எடுக்கப்பட்ட ஆய்வில் பிரிட்டனில் மேற்கொள் ளப்படும்
கணக்கு தான் சரி என்கின்றனர். இன்னும் சிலர் 28 வயது வரை இளம் பருவம்
என்றும் 54 வயது வரை நடுத்தர பருவம் என்றும் 67 வயதில் முதுமை தோன்றுகிறது
என்கின்றனர். பிரிட்டன் பிரதமர் கார்டன் பிரவுனுக்கு 59 வயதாகிறது.
சமீபத்தில் 'தி ஹர்ட் லாக்கர்'படத்துக்காக ஆஸ்கார் விருது பெற்ற இயக்குனர்
காத்ரீன் பிக்கிலோவுக்கு 58 வயதாகிறது. இவர்கள் இன்னும் இளமையாக தான்
உள்ளனர். இவர்களின் உருவத்தை வைத்து வயதை எடை போடமுடியாது என சிலர்
கூறுகின்றனர்.

நன்றி தினமலர்