தனியாரிடம் பாஸ்போர்ட் பணிகள்

சாந்தன் · சாந்தன் Sun Mar 21, 2010 10:49 am

பாஸ்போர்ட் பெறுவதற்கான பணிகளில்
பெரும்பகுதி, டி.சி.எஸ்., நிறுவனத்திடம் ஒப்படைக்கப்பட உள்ளது. மத்திய
அரசின் இந்த திடீர் முடிவுக்கு, பாஸ்போர்ட் அலுவலகப் பணியாளர்கள் கடும்
எதிர்ப்பு தெரிவித்துள்ளனர். பாஸ்போர்ட் அலுவலகத்தில் எதுக்கெடுத்தாலும்
லஞ்சம் தலை விரித்தாடுவதால் தான், இந்த அதிரடி நடவடிக்கை
எடுக்கப்பட்டுள்ளதாக, துறை வட்டாரங்கள் தெரிவிக்கின்றன.

பாஸ்போர்ட் விண்ணப்பங் களை பெறுவது, அதற்கான
ஆவணங்களை சரிபார்ப்பது, பாஸ் போர்ட்டுக்கான கட்டணத்தை பெறுவது ஆகிய பணிகள்,
டாடா கன்சல்டன்சி சர்வீசஸ் (டி.சி.எஸ்.,) நிறுவனத்திடம் தரப்பட உள்ளது.
இதனால், பாஸ்போர்ட் அலுவலகங்களில் இயங்கிவரும் விண் ணப்பங்களை பெறும்,
'கவுன்டர்'கள் மூடப்பட உள்ளன. பாஸ்போர்ட் வழங்கும் அதிகாரிகளின் கையொப்பம்,
'டிஜிட் டல்' மயமாக்கப்பட உள்ளது. முற்றிலும், கம்ப்யூட்டர்
மயமாக்கப்படவுள்ள பாஸ்போர்ட் பணியில், டி.சி.எஸ்., நிறுவனத்தின்,
'சாப்ட்வேர்' பயன்படுத்தப்பட உள்ளது. இதுபோன்ற மாற்றங்களால், பாஸ்போர்ட்
வழங்கும் பணியில், தனியார் ஆதிக்கம் செலுத்தும் அபாயம் உள்ளதாக ஊழியர்கள்
அச்சம் தெரிவித்துள்ளனர்.

இது குறித்து, சென்னை பாஸ்போர்ட் அலுவலக ஊழியர்
சங்க பிரதிநிதிகள் கூறியதாவது: அனைத்து மாவட்ட கலெக்டர் அலுவலகங்களிலும்,
தலைமை தபால் நிலையங்களிலும் தற்போது, பாஸ்போர்ட் விண்ணப்பங்கள்
பெறப்பட்டாலும், எங்கள் அலுவலகத்தில் தினமும் 800 முதல் 1000 வரை
விண்ணப்பங்கள் பெறப்படுகின்றன. இப்பணியில் தனியாரை அனுமதிப்பதை நாங்கள்
முற்றிலுமாக எதிர்க்கவில்லை. அவர்களோடு போட்டி போட தயாராக உள்ளோம். அதற்காக
எங்கள் அலுவலகங்களில் உள்ள பாஸ்போர்ட் விண்ணப்பங்களை பெறும்,
'கவுன்டர்'களை மூடுவது முறையல்ல. பாஸ்போர்ட் வழங்கும் அதிகாரிகளின்
கையொப்பத்தை, 'டிஜிட்டல்' மயமாக்குவதாலும், பாஸ்போர்ட் பணிகளில்,
டி.சி.எஸ்., நிறுவனத்தின், 'சாப்ட்வேர்' பயன்படுத்தப்பட உள்ளதாலும்
பாதுகாப்பு பிரச்னைகள் ஏற்பட வாய்ப்புள்ளது. எனவே, இப்பணியில் டி.சி.எஸ்.,
நிறுவனத்தின் செயல்பாட்டை, தேசிய தகவல் மையம் (என்.ஐ.சி.,) மூலம்
கண்காணிக்க வழிவகை செய்ய வேண்டும். இவ்வாறு அவர்கள் தெரிவித்தனர்.

பாஸ்போர்ட் அலுவலகத்தில், எதற்கெடுத்தாலும்
லஞ்சம் தலை விரித்தாடுவதன் எதிரொலியாகத் தான், இந்த அதிரடி நடவடிக்கை
எடுக்கப்பட்டிருப்பதாக, துறை வட்டாரங்கள் தெரிவிக்கின்றன. தனியாரிடம்
வேலையை ஒப்படைப்பதால், மாமூல் பறிபோய் விடும் என்பது தான், ஊழியர்களின்
எதிர்ப்புகளுக்கு காரணம் என்றும் கூறப்படுகிறது. ஆனால், அரசின் முடிவை பொது
மக்கள் வரவேற்றுள்ளனர். 'தனியாரிடம் வேலையை ஒப்படைத்தால், லஞ்சம்
ஒழிவதோடு, வேலையும் குறிப்பிட்ட நேரத்தில் முடியும்' என்று அவர்கள்
தெரிவிக்கின்றனர்.

- நமது சிறப்பு நிருபர் -
நன்றி தினமலர்

தனியாரிடம் பாஸ்போர்ட் பணிகள்

தனியாரிடம் பாஸ்போர்ட் பணிகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக