நபி மொழி தொகுப்பு நற்சிந்தனை -5

by சபீர் Sat Mar 20, 2010 9:14 pm

நான் அண்ணல் நபி (ஸல்) அவர்களிடம் கூறினேன்: “என் மனைவி தகாத சொல் பேசுபவளாய் இருக்கின்றாள்”. அதற்கு நபி (ஸல்) அவர்கள், “அவளுக்கு தலாக் கொடுத்து விடு! ” (அவளை விவாகரத்து செய்து விடு) என்றார்கள். நான், “அவள் மூலமாக எனக்கு குழந்தைகள் இருக்கின்றன. பல காலமாக நாங்கள் சேர்ந்து வாழ்ந்து வருகின்றோம் ” என்றேன். அதற்கு அண்ணலார் “அவளுக்கு நீர் அறிவுரை கூறும்! அவளுக்குள் அறிவுரையை ஏற்றுக் கொள்ளும் ஆற்றலும் பக்குவமும் இருந்தால் அவள் உம் சொல்லை ஏற்றுக் கொள்வாள். எச்சரிக்கை! நீர் உம் அடிமைப் பெண்ணை அடிப்பதைப் போல உம் மனைவியை அடிக்கக் கூடாது ” என்று பகர்ந்தார்கள். (அப+தாவ+த்)

விளக்கம் :

இந்த நபிமொழியின் கடைசி வாக்கியத்தின் பொருள் “அடிமைப்பெண்களை நன்கு அடியுங்கள், மனைவிமார்களை அடிக்காதீர்கள் ”என்பதன்று. மாறாக, மக்கள் தம் அடிமைகளுடன் எப்படி நடந்து கொள்கிறார்களோ அப்படி நீர் உம் மனைவியுடன் நடந்து கொள்ளக் கூடாது என்பதே அதன் கருத்தாகும்.

அறிவிப்பாளர் : அயாஸ் வின் அப்துல்லாஹ் (ரலி)

நபிகள் நாயகம் (ஸல்) அவர்கள் நவின்றார்கள்: “மக்களே! அல்லாஹ்வின் பெண் அடியார்களை (உங்கள் மனைவிமார்களை) அடிக்காதீர்கள்! ” இதற்கு பின் உமர் (ரலி) அவர்கள் அண்ணலாரிடம் வந்தார்கள். மேலும், முறையிட்டார்கள்: “தங்களுடைய இந்தக் கட்டளையின் காரணமாக கணவர்கள் தம் மனைவியரை அடிப்பதில்லை. இதனால் மனைவிகள் துணிச்சல் பெற்று எல்லை கடந்து நிற்கிறார்கள். ” இதை கேட்ட நபி (ஸல்) அவர்கள், அத்தகைய பெண்களை அடிக்கலாம் என அனுமதி அளித்துவிட்டார்கள். பிறகு அண்ணலாரின் துணைவியரிடம் பல பெண்கள் வந்தனர். தம் கணவன்மார்கள் தம்மை அடிப்பதாக முறையீடு செய்தனர். இதற்குப் பிறகு, அண்ணலார் இவ்வாறு உரை நிதழ்த்தினார்கள்: “என் துணைவியரிடம் பெண்கள் பலர் தம் கணவன்மார்களைக் குறித்து முறையிட்டுள்ளனர். இவ்வாறு நடந்து கொள்பவர்கள் உங்களில் சிறந்தவர்கள் அல்லர். ” (அப+தாவ+த்)அறிவிப்பாளர் : அப+ஹ{ரைரா (ரலி)