நபி மொழி தொகுப்பு நற்சிந்தனை -2

by சபீர் Sat Mar 20, 2010 11:23 am

நபிகள் நாயகம் (ஸல்) அவர்கள் நவின்றார்கள்:

“அவன் மூக்கு மண்ணாகட்டும்! (அதாவது அவன் இழிவடையட்டும்!)”இவ்வாறு மூன்று முறை கூறினார்கள். மக்கள் வினவினார்கள் - “அல்லாஹ்வின் தூதரே, யார்? (அதாவது, யார் இழிவடையட்டும், யாரை இப்படிக் கடிந்துகொள்கிறீர்கள்?”) “முதுமைப்பருவத்தில் தன் தாய் தந்தையரில் ஒருவரையோ - இருவரையுமோ பெற்றிருந்தும் (அவர்களுக்குப் பணிவிடை புரிந்து) சுவனம் புகாதவன்.”(முஸ்லிம்)

அறிவிப்பாளர் : அஸ்மா பின்த் அபீபக்ர் (ரலி)

நபிகள் நாயகம் (ஸல்) அவர்கள் நவின்றார்கள்:

“தாய் தந்தையருடன் கண்ணியக் குறைவாக நடந்து கொள்வதையும், பெண் குழந்தைகளை உயிரோடு புதைப்பதையும், பேராசையையும், கஞ்சத்தனத்தையும் இறைவன் உங்கள் மீது ஹராமாக்கியுள்ளான். நீங்கள் வீண் பேச்சு பேசுவதையும், அதிகமாகக் கேள்வி கேட்பதையும், செல்வத்தை வீணடிப்பதையும் அவன் வெறுக்கின்றான்.”

விளக்கம் :

அதிகமாகக் கேள்வி கேட்பது என்பது, தேவையின்றி ஒரு விஷயத்தில் துருவித் துருவிக் கேட்பதைக் குறிக்கும். மனிதன் தான் அறியாத விஷயம் குறித்து எதுவும் கேட்கக்கூடாது என்பதன்று இதன் கருத்து. மாறாக, இஸ்ராயீலின் வழித்தோன்றல்கள் பசுவை அறுத்து பலியிடும் விஷயத்தில் துருவித் துருவிக் கேள்வி கேட்டதைப் போல் கேட்கக்கூடாது என்பதே இதன் கருத்தாகும். இன்றும் மார்க்க்கத்தின்படிச் செயல்பட விரும்பாதவர்களே இப்படித் துருவி துருவிக் கேள்வி கேட்கிறார்கள்.

அறிவிப்பாளர் : அப+ உஸைத்தினில் ஸாஇதி (ரலி)

நாங்கள் அண்ணலாரின் அவையில் அமர்ந்து கொண்டிருந்த போது, பனூஸலமா குலத்தைச் சேர்ந்த ஒரு மனிதர் அண்ணலாரிடம் வந்து, “அல்லாஹ்வின் தூதரே! என் தாய் தந்தையர் இறந்துபோன பின்னாலும் நான் அவர்களுக்கு ஆற்றவேண்டிய கடமை ஏதும் எஞ்சியுள்ளதா?” எனக் கேட்டார். அதற்கு அண்ணலார் அவர்கள், “ஆம்! அவர்களுக்காக இறைவனிடம் இறைஞ்சி பாவமன்னிப்புக் கோருங்கள். அவர்கள் செய்துவிட்டுச் சென்ற ( அனுமதிக்கப்பட்ட) மரண சாஸனத்தை நிறைவேற்றுங்கள். உங்கள் தாய், தந்தையர்களின் உறவுகளைத் துண்டிக்காமல் வாழுங்கள். தாய், தந்தையின் உறவினர்களுக்கு கண்ணியம் அளியுங்கள், அவர்களை உபசரியுங்கள்.” (அப+தாவ+த்)

அறிவிப்பாளர் : அபுத்துஃபைல் (ரலி)

நான் நபிகள் நாயகம் (ஸல்) அவர்களை ஜிஈரானா என்னுமிடத்தில் இறைச்சி பங்கிட்டுக் கொண்டிருக்கக் கண்டேன். அப்போது அங்கே ஒரு பெண்மணி வந்தார். நபிகள் நாயகத்திற்கு அருகில் சென்றார். உடனே நாயகம் (ஸல்) அவர்கள் தம் போர்வையைத் தரையில் விரித்தார்கள். அதில் அந்தப் பெண்மணி அமர்ந்து கொண்டார். “இவர் யார்?” என்று நான் வினவினேன். “இவர் அண்ணலாருக்கு அமுதூட்டிய செவிலித்தாய்!” என்று மக்கள் என்னிடம் கூறினார்கள். (அப+தாவ+த்)

அறிவிப்பாளர் : அஸ்மா பின்த் அபீபக்ர் (ரலி)

குறைஷிகளுக்கும், முஸ்லிம்களுக்கும் இடையே சமாதான உடன் படிக்கை (ஹ{தைபிய்யா உடன்படிக்கை) ஏற்பட்டிருந்தபோது, என்னுடைய அன்னை (செவிலித்தாய்) என்னிடம் வந்தார். அவர் இன்னும் இஸ்லாத்;தை ஏற்றுக்கொண்டிருக்கவில்லை. இணை வைக்கும் நிலையிலேயே இருந்தார். நான் அண்ணலாரிடம், “என் அன்னை என்னிடம் வந்திருக்கிறார். அவருக்கு நான் ஏதாவது (பொருள்) தரவேண்டும் என்று விரும்புகிறார். நான் அவருக்கு ஏதேனும் தரலாமா?” என வினவினேன். அதற்கு நாயகம் (ஸல்) அவர்கள், “ஆம்! தரலாம், நீ அவரிடம் இரக்கத்தோடு நடந்துகொள்!” என்று பதிலளித்தார்கள். (புகாரி, முஸ்லிம்)

அறிவிப்பாளர் : இப்னு உமர் (ரலி)

by **சிவா** Sat Mar 20, 2010 2:29 pm

சபீர் wrote:29பேர் பாமத்திருகாங்க சந்தோசம்

பதிந்த மூன்று மணி நேரத்திற்குள் 29 பேர் பார்வையிட்டுள்ளார்கள்!

நபி மொழி தொகுப்பு நற்சிந்தனை -2 677196

by சபீர் Sat Mar 20, 2010 2:33 pm

சிவா wrote:
சபீர் wrote:29பேர் பாமத்திருகாங்க சந்தோசம்

பதிந்த மூன்று மணி நேரத்திற்குள் 29 பேர் பார்வையிட்டுள்ளார்கள்!

அப்போ உங்களையும் சேர்த்தால் 129 பேர் பார்த்திருக்காங்க என்று சொல்லுங்க

by **சிவா** Sat Mar 20, 2010 2:34 pm

சபீர் wrote:
சிவா wrote:
சபீர் wrote:29பேர் பாமத்திருகாங்க சந்தோசம்

பதிந்த மூன்று மணி நேரத்திற்குள் 29 பேர் பார்வையிட்டுள்ளார்கள்!

அப்போ உங்களையும் சேர்த்தால் 129 பேர் பார்த்திருக்காங்க என்று சொல்லுங்க

அதெப்படி 29 திடீரென 129 ஆகிவிட்டது!

by சபீர் Sat Mar 20, 2010 2:46 pm

சிவா wrote:
சபீர் wrote:
சிவா wrote:
சபீர் wrote:29பேர் பாமத்திருகாங்க சந்தோசம்

பதிந்த மூன்று மணி நேரத்திற்குள் 29 பேர் பார்வையிட்டுள்ளார்கள்!

அப்போ உங்களையும் சேர்த்தால் 129 பேர் பார்த்திருக்காங்க என்று சொல்லுங்க

அதெப்படி 29 திடீரென 129 ஆகிவிட்டது!

நீங்க ஒருதரம் பார்த்தால் நூறு தரம் பார்த்த மாதிரியமே வெளியிலே சொல்றாங்க
பார்த்தத நூறு பேருக்கு மேல எத்தியும் வைப்பீங்கலமே உண்மையதானே