ராஜசேகர ரெட்டி மரண அதிர்ச்சியில் 80 பேர் பலி

மீனு · மீனு Sun Sep 06, 2009 1:53 am

ராஜசேகர ரெட்டி மரண அதிர்ச்சியில் 80 பேர் பலி
ஹெலிகாப்டர் விபத்தில் ஆந்திர முதல்வர் ராஜசேகர ரெட்டி பலியான செய்தி கேட்டு மாநிலம் முழுவதும் அதிர்ச்சியில் பெண்கள் உட்பட 70 பேர் மரணமடைந்தனர். 10 பேர் தற்கொலை செய்துகொண்டனர்.
ஆந்திர முதல்வர் ஒய்.எஸ்.ராஜசேகர ரெட்டி சென்ற ஹெலிகாப்டர் நேற்று முன்தினம் மோசமான வானிலை காரணமாக மலையில் மோதி விபத்துக்குள்ளானது. இதில் முதல்வர் உள்பட ஹெலிகாப்டரில் சென்ற 5 பேரும் உயிரிழந்தனர். ஏழை எளிய மக்களின் நல்வாழ்வுக்காக பல திட்டங்களை தீட்டி அமல்படுத்திய ராஜசேகர ரெட்டியின் மறைவு ஆந்திர மாநில மக்களிடம் பெரும் சோகத்தை ஏற்படுத்திவிட்டது. விபத்தில் முதல்வர் மரணம் அடைந்த செய்தியை டிவியில் பார்த்த பெண்கள் கதறி அழுதனர். அதிர்ச்சியில் பலருக்கு மாரடைப்பு ஏற்பட்டது. கிழக்கு கோதாவரி மாவட்டத்தை சேர்ந்த துளசிவேணி (55), ராம்பாபு (35), சத்தியநாராயணா (41), ராதாகிருஷ்ணா (62), ஸ்ரீசத்யநாராயணா (47), ஸ்ரீராமுலு (50), வெங்கண்ண துரை (50), திருப்பதி ரெட்டி (62), சையது ஷா (45), ராஜா நாகரத்தினம் (51), ஆசீர்வாதம் (55), லட்சுமி (55) ஆகியோர் முதல்வர் இறந்த செய்தியை கேட்டு துடித்தனர். திடீரென மாரடைப்பு ஏற்பட்டு மரணமடைந்தனர். இதேபோல சித்தூர் மாவட்டத்தில் பத்மாவதி (45), சங்கரய்யா (47), கடப்பா மாவட்டம் நரசராஜு(47), சாவித்திரி (55), பாஸ்கர் (70) ஆகியோரும் அதிர்ச்சியில் இறந்தனர். வாரங்கல் மாவட்டத்தில் 10 பேரும், கம்மம் மாவட்டத்தில் 2, கரீம் நகர் மாவட்டத்தில் 4, மகபூப் நகர் மாவட்டத்தில் 2, குண்டூர் மாவட்டத்தில் 4, மேடக் மாவட்டத்தில் ஒருவர் பலியாயினர். தலைநகர் ஐதராபாத்தில் யாதகிரி (42), சீனிவாஸ்(34), கர்னூலை சேர்ந்த நரசப்பா (50), விசாகப்பட்டினம் ராஜேஸ்வரி (25), ரங்காரெட்டி மாவட்டத்தை சேர்ந்த வெங்கடேஷ் (30), விஜயநகரம் மாவட்டத்தை சேர்ந்த சீதாராமராஜு (65), ஸ்ரீகாகுளம் மாவட்டம் சந்திரய்யா (68) உள்பட மாநிலம் முழுவதும் 70 பேர் அதிர்ச்சியில் மாரடைப்பு ஏற்பட்டு உயிரிழந்தனர். இதுதவிர கிழக்கு கோதாவரியைச் சேர்ந்த ஏசுபாபு (22), ராமகிருஷ்ணா (45), பிரகாசம் மாவட்டத்தை சேர்ந்த கொண்டாராவ் (30), வாரங்கல் ராம் புல்லா ரெட்டி (32), குண்டூர் யோகிரெட்டி(60) காரம்செட்டி பெத்த பிட்சுலு (35), ஐதராபாத்தை சேர்ந்த சுரேஷ்குமர் (47), ரங்கா ரெட்டி மாவட்டம் நாராயணா (28) உள்பட 10 பேர் முதல்வரின் மறைவை தாங்கிக் கொள்ள முடியாமல் தற்கொலை செய்து கொண்டனர்.

ராஜசேகர ரெட்டி மரண அதிர்ச்சியில் 80 பேர் பலி 1+(2)

ராஜசேகர ரெட்டி மரண அதிர்ச்சியில் 80 பேர் பலி 1+(3)

ராஜசேகர ரெட்டி மரண அதிர்ச்சியில் 80 பேர் பலி 1+(4)

ராஜசேகர ரெட்டி மரண அதிர்ச்சியில் 80 பேர் பலி 1+(1)

[td class=latest vAlign="top"]

[/td]

ராஜசேகர ரெட்டி மரண அதிர்ச்சியில் 80 பேர் பலி

ராஜசேகர ரெட்டி மரண அதிர்ச்சியில் 80 பேர் பலி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக