இளமை சொந்தம் கொண்டாடுதே

**T.N.Balasubramanian** · **T.N.Balasubramanian** Fri Sep 27, 2013 8:50 pm

இளமை சொந்தம் கொண்டாடுதே

நிலை ஆடி முன் நின்று
நிலை குலைந்த மனைவி
குறை பட்டுக்கொண்டாள் ,கணவனிடம் .
முடி வெளுத்தும்
அடர்த்தி குறைந்து
புருவ முடிகள் குறைந்து
முகச்சுருக்கங்கள் நிறைந்து
உருவமே மாறிவிட்டதே.
பருத்த வயிறும் கூன் முதுகும்
தொங்கும் சதைகளும்
பங்கு போடும் சொத்தை பற்களும்,
என் அழகு இருபதே ஆண்டில்
எங்கோ போய் விட்டதே .
குறைகளே உடல் முழுதும்
கண்ணில் படுகின்றன .

அன்பு கணவா!
நிறை ஒன்றாவது சொல்லி,
நிறைவாக எனை மகிழ்வாக்கேன்.

கணவன் கூறுவான் ,
உந்தன் கூரிய கண் பார்வை,
அன்று போல் இன்றும்
சொந்தம் கொண்டாடுதே இளமையை !!

ரமணியன்

நன்றி : டைம்ஸ் தினசரி, உரைநடை நகைச்சுவை.,
ஆங்கிலத்தில்

பூவன் · பூவன் Fri Sep 27, 2013 9:29 pm

கணவன் கூறுவான் ,
உந்தன் கூரிய கண் பார்வை,
அன்று போல் இன்றும்
சொந்தம் கொண்டாடுதே இளமையை !!

நல்ல வரிகள் , முதுமையிலும் இளமையை போற்றிய வரிகள் ...

இந்த பதிவைத் துவங்கியவர் நன்றி கூறியுள்ளார் பூவன்

**M.M.SENTHIL** · **M.M.SENTHIL** Fri Sep 27, 2013 10:26 pm

இளமையது நரையிலும் இல்லை
பிறர் சொல்லும் குறையிலும் இல்லை
மனமது மகிழ்ச்சி குன்றாது
எந்நாளும் இன்பமாய் இருந்தால்
வாழ்நாள் முழுவதும் இளமையே
மனதில் போராட்டமே உள்ளதென்றால்
இளமையது இருந்தும் முதுமையே.