நாயைக் கண்டால் கல்லைக் காணோமா?

by அப்புகுட்டி Fri Mar 19, 2010 2:44 am

நாயைக் கண்டால் கல்லைக் காணோமா?

'நாயைக் கண்டால் கல்லைக் காணோம்; கல்லைக் கண்டால் நாயைக் காணோம்' என்று மக்கள் கூறுவதைக் கேட்டிருக்கின்றோம்.

நாய் வரும் போது அதை அடித்து விரட்டுவதற்குக் கல்லைக் காணவில்லை; கல் இருக்கும் போது நாய் வரவில்லை என்று இதற்கு விளக்கம் அளிப்பாரும் உளர்.

இது தவறான விளக்கம். கல்லில் செதுக்கப்பட்டுள்ள நாயின் உருவம் பற்றியது இது. அந்த உருவத்தை நாய் என்று நினைத்துக் கொண்டு பார்த்தால் கல் தோன்றாது. கல் என்று நினைத்துக் கொண்டு பார்த்தால் நாய் தோன்றாது. இதுதான் சரியான விளக்கம்

by சபீர் Fri Mar 19, 2010 3:11 am

இப்பதானே விசயம் விளங்கிது

நன்றி அப்பு

by அப்புகுட்டி Fri Mar 19, 2010 3:13 am

சபீர் wrote:இப்பதானே விசயம் விளங்கிது

நன்றி அப்பு

by வழிப்போக்கன் Fri Mar 19, 2010 3:16 am

நீங்கள் முதல் சொன்னதையே இத்தனை நாளும் நினைத்திருந்தேன், தகவலிற்கு நன்றி அப்புக்குட்டி நாயைக் கண்டால் கல்லைக் காணோமா? 154550

by அப்புகுட்டி Fri Mar 19, 2010 5:54 pm

valippokkan wrote:நீங்கள் முதல் சொன்னதையே இத்தனை நாளும் நினைத்திருந்தேன், தகவலிற்கு நன்றி அப்புக்குட்டி

by nandhtiha Fri Mar 19, 2010 5:57 pm

வணக்கம்
திருமூலரும் இதையே தான்சொல்கிறார்.
மரத்தில் மறைந்தது மாமத யானை
மரத்தை மறைத்தது மாமத யானை
பரத்தில் மறைந்தது பார்முதல் பூதம்
பரத்தை மறைத்தது பார்முதல் பூதம்
அன்புடன்
நந்திதா

by அப்புகுட்டி Fri Mar 19, 2010 6:01 pm

nandhtiha wrote:வணக்கம்
திருமூலரும் இதையே தான்சொல்கிறார்.
மரத்தில் மறைந்தது மாமத யானை
மரத்தை மறைத்தது மாமத யானை
பரத்தில் மறைந்தது பார்முதல் பூதம்
பரத்தை மறைத்தது பார்முதல் பூதம்
அன்புடன்
நந்திதா

இன்னும் தெரிந்து கொள்ள எவ்வளவோ உள்ளது.
கற்றது கையளவு கல்லாதது உலகளவு அக்கா
அன்புடன் அப்புகுட்டி

by hajasharif Fri Mar 19, 2010 6:02 pm

by **சிவா** Fri Mar 19, 2010 6:17 pm

அறிந்ததும் அறியாததும் : -

கல்லைக் கண்டால் நாயைக் காணோம்! நாயைக் கண்டால் கல்லைக் காணோம்!!

நேர் விளக்கம்

நாய் துரத்தும் போது அதை துரத்த கல்லைத் தேடும் போது கல்லைக் காணவில்லை. பிறகு
கல் கிடைக்கும் போது பார்த்தால் நாயைக் காணவில்லை.

அறிந்த விளக்கம் :

உங்களுக்கு தேவைப்படும் போது, தேவையான பொருள் கிடைக்காமல், தேவையற்ற போது அது
கிடைக்கும்.

அறியாத விளக்கம் :

இதில் நாயகன் என்ற வார்த்தை மறுவியே நாய் என்றாகிவிட்டது என்று சொல்கிறார்கள்.

இதன் விளக்கம்,

நாயகன் = கடவுள்

"கல்லைக் கண்டால் நாயகனைக் காணோம்,
நாயகனைக் கண்டால் கல்லைக் காணோம்".

கல்லால் செதுக்கப் பட்ட ஒரு கடவுள் சிலையை நீங்கள் பார்க்கிறீர்கள். அதை கல்லாகப் பார்க்கும் போது அங்கே கடவுளை பார்க்க மாட்டீர்கள். அதையே நீங்கள் கடவுளாக பார்க்கும் போது கல்லை பார்க்க மாட்டீர்கள்.

திருமூலர் சொன்னதைப் பாருங்கள்

மரத்தை மறைத்தது மாமத யானை
மரத்தில் மறைந்தது மாமத யானை

---------------

தேக்கு மரத்தில் கலை வல்லான் ஒருவன் மிக நேர்த்தியாக யானை உருவத்தைச் செதுக்கி வைத்துள்ளான். இரு நண்பர்கள் அதனைப் பார்க்கிறார்கள்

ஒருவன் 'அடேயப்பா! எவ்வளவு அழகான யானை?' என்கிறான். அடுத்தவன் 'இது தேக்குமரம்' என்கிறான்.

யானையாகப் பார்த்தவனுக்கு மரம் தெரியவில்லை. மரமாகப் பார்த்தவனுக்கு யானை தெரியவில்லை.

நன்றி : http://www.riyadhtamilsangam.com/