உங்களுக்கு என்ன நோய்?

சாந்தன் · சாந்தன் Thu Mar 18, 2010 9:01 pm

First topic message reminder :

கண்கள்

கண்கள்
உப்பியிருந்தால்...

என்ன வியாதி :
சிறுநீரகங்கள் மோசமாக இருப்பதைக் குறிக்கிறது. சிறுநீரகங்கள் உடலில்
இருக்கும் கழிவுப் பொருட்களை அகற்றும் வேலையைச் செய்பவை. அவை சரிவர வேலை
செய்யவில்லை என்றால், உடலில் சேரும் அசுத்த நீர் வெளியேற முடியாமல் போகும்.
இவை கண்களைச் சுற்றித் தேங்கி விடுவதால் கண்களைச் சுற்றி வீக்கம் போலத்
தோன்றும்.

டிப்ஸ் : உணவில் சேர்த்துக்
கொள்ளப்படும் உப்பின் அளவைக் குறைத்துக் கொள்ளவேண்டும். மேலும்
அதிகப்படியான நீர் அருந்துவது சிறுநீரகங்கள் சரியாக வேலை செய்ய உதவும்.

நன்றி : மருத்துவம் ப்ளாக்

சாந்தன் · சாந்தன் Thu Mar 18, 2010 9:04 pm

வெளுத்த நகங்கள்

என்ன வியாதி:
இரத்த சோகை இருக்கிறது. இரத்தத்திலுள்ள சிகப்பணுக்கள் அளவில் குறையும்போது
சின்னச் சின்ன வேலையைச் செய்வதற்கும் உடல் பலமின்றிப் போகும்!

ரத்தத்தின்
சிவப்பணுக்கள் குறைவதால், இயல்பாக நகம் இருக்க வேண்டிய பிங்க் நிறம் போய்,
வெளுத்து விடுகின்றன.

டிப்ஸ்: இரும்புச்சத்து
இரத்தத்திலுள்ள சிகப்பணுக்களின் எண்ணிக்கையை அதிகரிக்கச் செய்யும். ஈரல்,
கீரைவகைகள், மற்றும் இறைச்சியை உணவுடன் சேர்த்துக் கொள்ளவேண்டும். அல்லது
டாக்டரின் ஆலோசனையின்படி குறிப்பிட்ட நாட்களுக்கு இரும்புச்சத்து
மாத்திரைகளோடு பி_12 மாத்திரைகளையும் எடுத்துக் கொள்வது நல்லது.

பாலாஜி · பாலாஜி Thu Mar 18, 2010 9:04 pm

மிக சிறந்த பதிவு , வாழ்த்துக்கள்.

சாந்தன் · சாந்தன் Thu Mar 18, 2010 9:04 pm

விரல் முட்டிகளில் வலி

என்ன வியாதி: ஆர்த்தரடீஸ்
என்னும் மூட்டுவலி இருக்கிறது. இதனால் விரல் முட்டிகளில் வீக்கமும் வலியும்
ஏற்படும். இந்த வலி அதிகமாக விரல் முட்டிகளில்தான் காணப்படும். அவை
வடிவத்தில் சிறியதாக இருப்பதால், இந்த வலி உடனே வர வாய்ப்புண்டு.
வயதானவர்களுக்கு மட்டுமே இந்த மூட்டுவலி வருவதில்லை. எந்த
வயதுக்காரர்களுக்கும் வரலாம்.

டிப்ஸ்: உடலுக்குத்
தேவையான கால்சியம் மற்றும் வைட்டமின் ஙி சரியான அளவில் எடுத்துக் கொண்டால்
மூட்டு வலி வருவதைக் குறைக்கலாம். ஒழுங்கான உடற்பயிற்சிகள் மற்றும்
உடல்பருமனைக் குறைத்தல் இரண்டும் மூட்டு வலி வராமல் தடுக்கும்.

சாந்தன் · சாந்தன் Thu Mar 18, 2010 9:05 pm

நகங்களில் குழி விழுதல்

என்ன வியாதி: சோரியாஸிஸ்
இருக்கிறது. இது ஒரு மோசமான தோல் வியாதி. இதன் மூலம் தோலும் நகங்களும்
மிகவும் மென்மையாகி விடும். இந்த வியாதி வந்தால் மென்மையான நகங்களில்
குழிகள் வரக்கூடும்.

டிப்ஸ்: உடனடியாக சரும வியாதி
நிபுணரைக் கலந்தாலோசிக்கவும். ஸ்டிரெஸ்ஸைக் குறைத்துக் கொண்டாலே வியாதி
அதிகமாவதைத் தடுக்கலாம்.

சாந்தன் · சாந்தன் Thu Mar 18, 2010 9:05 pm

வாய்

ஈறுகளில்
இரத்தம் வடிதல்.

என்ன வியாதி: பல் ஈறு சம்பந்தப்பட்ட நோய்
இருக்கிறது. ஈறுகளிலும் அவற்றின் அடியிலிருக்கும் எலும்புகளிலும் தொற்று
நோய்க் கிருமிகளின் தாக்குதல் இருந்தால், பற்கள் உறுதி இழந்து
விழுந்துவிடும். பல் துலக்கும்போது ஈறுகளில் ரத்தம் வருவது இந்த நோயின்
முதல் அறிகுறி.

டிப்ஸ்: தினமும் பற்களைச் சுத்தமாக
துலக்குவதும், பற்காரைகள் வராமல் பாதுகாப்பதும் அவசியம். ஆன்ட்டி
பாக்டீரியல் கொண்ட மவுத் வாஷ் கொண்டு வாய் கொப்பளிப்பது நல்லது.

சாந்தன் · சாந்தன் Thu Mar 18, 2010 9:05 pm

சாப்பிடும்போது வாய் முழுக்க வலி ஏற்படுதல்

என்ன வியாதி:
வாய்ப்புண் இருக்கிறது. அதிகமாக ஸ்டிரெஸ் செய்து கொள்வதாலும் வாய்ப்புண்
வரலாம். உடலில் ஃபோலிக் ஆசிடின் குறைவு மற்றும், இரும்புச்சத்து அல்லது
வைட்டமின் பி_12ன் குறைவினாலும் இப்படி ஏற்படுகிறது.

டிப்ஸ்:
‘மல்டி_விட்டமின்’ மாத்திரைகளைத் தினமும் எடுத்துக் கொள்ளவேண்டும். மேலும்
தியானம் மற்றும் யோகா செய்வதால் ஸ்டிரெஸ்ஸைக் குறைக்கலாம். ஹைட்ரஜன்
பெராக்ஸைடு கொண்டு வாய் கொப்பளித்து வருவதால் இன்பெக்ஷன் குறைந்து
வாய்ப்புண் ஆறும்.

சாந்தன் · சாந்தன் Thu Mar 18, 2010 9:05 pm

வாய் ஈரப்பசையின்றி உலர்ந்து போவது.

என்ன வியாதி:
உடலின் போதுமான நீர்ச்சத்து குறைந்து போயிருக்கிறது. உடலில் அதிகப்படியான
நீர் வெளியேறுவதால் இந்த டீஹைடிரேஷன் ஏற்படுகிறது. மேலும் அதிகப்படியாக
வியர்ப்பது மற்றும் நீரிழிவு நோயும்கூட வாய் உலர்ந்து போவதற்கு காரணமாகும்.

டிப்ஸ்:
நிறைய திரவ ஆகாரம் எடுத்துக் கொள்ளவேண்டும். தினமும் குறைந்தது
ஒன்றரைலிட்டர் தண்ணீர் அருந்துவது அவசியம். அதன்கூடவே பழங்களையோ பழச்சாறோ
அருந்துதலும் நல்லபலன் தரும்.

பா. இந்திரா பிரியதர்ஷிணி
quelle-
Kumutham sinegithi

நன்றி: http://maruththuvam.blogspot.com

mmani15646 · mmani15646 Thu Mar 18, 2010 9:08 pm

பயனுள்ள குறிப்புகள். உங்களுக்கு என்ன நோய்? - Page 2 677196

நிலாசகி · நிலாசகி Thu Mar 18, 2010 9:36 pm

பதிவுக்கு நன்றி இதுல எந்த அறிகுறியும் எனக்கு வரல
பாதம் மட்டும் மரத்துப் போதல் இது மட்டும் தான் அப்போ
அப்போ....நீரழிவா அது கண்பார்மா சோகம்

**இளமாறன்** · **இளமாறன்** Fri Mar 19, 2010 1:08 pm

நல்ல பயனுள்ள தகவல் நன்றி உங்களுக்கு என்ன நோய்? - Page 2 154550

Sponsored content · Sponsored content

உங்களுக்கு என்ன நோய்?

உங்களுக்கு என்ன நோய்?

Re: உங்களுக்கு என்ன நோய்?

Re: உங்களுக்கு என்ன நோய்?

Re: உங்களுக்கு என்ன நோய்?

Re: உங்களுக்கு என்ன நோய்?

Re: உங்களுக்கு என்ன நோய்?

Re: உங்களுக்கு என்ன நோய்?

Re: உங்களுக்கு என்ன நோய்?

Re: உங்களுக்கு என்ன நோய்?

Re: உங்களுக்கு என்ன நோய்?

Re: உங்களுக்கு என்ன நோய்?

Re: உங்களுக்கு என்ன நோய்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக