கருச்சிதைவு...

by **Aathira** Wed Mar 17, 2010 7:20 pm

கருச்சிதைவு...

கறுப்பு நிலாவில்
உடல் வழிந்து ஓடுகின்ற
உதிரத்தின் அலங்கோலம்
தெருவெங்கும்
வெள்ளைப்பூசணியின்
கருச்சிதைவு!

சிதைக்காமல் தனை ஈன்ற
பெற்றோர்க்கு
மகன் ஆற்றும் நன்றி!
எள்ளுடன் உருட்டிய
வெள்ளைச் சோற்றுடன்
நீர்க்கடன்!

பெண்ணென்று தெரிந்ததனால்
கருச்சிதைவும்
ஸ்கேன் அன்று
சொல்லாமல் விட்டதனால்
முழுச்சிதையும்
ஆன மகள்
என்செய்வாள்!
பரிகாரம் யார் செய்வார்!!

ஆதிரா..

by ஸ்ரீ கிருஷ்ணன் Wed Mar 17, 2010 7:22 pm

by ஹாசிம் Wed Mar 17, 2010 7:36 pm

Aathira wrote:கருச்சிதைவு...

சிதைக்காமல் தனை ஈன்ற
பெற்றோர்க்கு
மகன் ஆற்றும் நன்றி!
எள்ளுடன் உருட்டிய
வெள்ளைச் சோற்றுடன்
நீர்க்கடன்!

ஆதிரா..

அற்புதமான வரிகள் கருச்சிதைவு... 677196

சிதைக்காமல் உனைக்காத்த
அன்னையடா உன்தெய்வம்
நீ பார்த்த முதல் உலகம்
உன்னால் சிதைவதை விட
கருவோடு உன்னை சிதைதிருக்கலாம் கருச்சிதைவு... 154550

by நிலாசகி Wed Mar 17, 2010 7:38 pm

வலிமிக்க கவிதை

by **Aathira** Wed Mar 17, 2010 8:26 pm

நன்றி கிருஷ்ணன். கருச்சிதைவு... 154550

by **Aathira** Wed Mar 17, 2010 8:28 pm

அற்புதமான வரிகள் கருச்சிதைவு... 677196

சிதைக்காமல் உனைக்காத்த
அன்னையடா உன்தெய்வம்
நீ பார்த்த முதல் உலகம்
உன்னால் சிதைவதை விட
கருவோடு உன்னை சிதைதிருக்கலாம் கருச்சிதைவு... 154550

எவ்வளவு அற்புதமான வரிகள். இந்த கண்ணோட்டம் மிக அருமை. கருச்சிதைவு... 154550

by சரவணன் Wed Mar 17, 2010 8:30 pm

தயவு செய்து முழுப்பொருளையும் தருமாறு மிகத்தாழ்மையுடன் கேட்டுக்கொள்கிறேன்
நன்றி!!!

by **Aathira** Wed Mar 17, 2010 8:43 pm

சரவணன் wrote:தயவு செய்து முழுப்பொருளையும் தருமாறு மிகத்தாழ்மையுடன் கேட்டுக்கொள்கிறேன்
நன்றி!!!

ஏன் சரண் புரியவில்லையா?
இது கொஞ்சம் படிமம் அவ்வளவுதான். இனி நான் படிமக் கவிதை எழுதுவதில்லை. உங்கள் வசதிக்காக. சரியா. கறுப்பு நிலா - அம்மாவாசை. வெள்ளைப் பூசணியின் கருச்சிதைவு என்றால் திருஷ்டி சுத்தி போடுவது. பூசணியை உடைத்து குங்குமம் அப்பி தெருவில் போட்டு இருப்பார்களே.
அம்மாவாசை அன்று இறந்தவர்களுக்கு திதி செய்வது வழக்கம். அதை ஆண்கள் தான் செய்வார்கள். பெண் குழந்தை என்று தெரிந்து கருச்சிதைவு செய்தால்!! இப்போதெல்லாம் ஸ்கேன் அறிக்கையில் என்ன குழந்தை என்று கூறுவது இல்லை அல்லவா. அதில் தப்பிக்கும் பெண் குழந்தைகள் வெளியில் வந்தவுடன் தப்பிக்க முடியாமல் போய்விடுகிறதே. அந்த வலி.
மன்னிக்க வேண்டும் மிகவும் சிந்திக்க வைத்ததற்கு.

by kalaimoon70 Wed Mar 17, 2010 8:44 pm

வாழ்க்கையின் அவலத்தை உணர்ச்சியோடு சொல்லும் உங்கள் கவிதைக்கு பாராட்டு!
இது சிதைந்து போன தாயின் மனதை சொல்லும் கவிதை! ஆதிராவின் கவிதை தேரோட்டம்
இனி இங்கு ஆரம்பம்! கருச்சிதைவு... 678642

by **Aathira** Wed Mar 17, 2010 8:54 pm

kalaimoon70 wrote:வாழ்க்கையின் அவலத்தை உணர்ச்சியோடு சொல்லும் உங்கள் கவிதைக்கு பாராட்டு!
இது சிதைந்து போன தாயின் மனதை சொல்லும் கவிதை! ஆதிராவின் கவிதை தேரோட்டம்
இனி இங்கு ஆரம்பம்!

வழக்கமான தங்கள் பாசமான பாராட்டுக்கு என் மனமார்ந்த நன்றி கலைநிலா. ஈகரை என்ற உலகளாவிய நம் குடும்பத்தில் பாராடுவதுடன் என் தனிக் குடிலிலும் வந்து என்னை பாராட்டும் தங்கள் அன்புள்ளத்திற்கு என் நன்றியும் அன்பும்.
கருச்சிதைவு... 154550