ஆத்மார்த்த நட்பு'க்குத்தான் முதலிடம்!!!

ஸ்ரீ கிருஷ்ணன் · 13/11/2009

எல்லாவற்றையும் வகைப்படுத்தி லேபிள் ஒட்டும்போது,
ஃப்ரெண்ட்ஷிப்பை மட்டும் விட்டுவைக்கலாமா?

'ஆத்மார்த்த நட்பு'க்குத்தான் முதலிடம். 'என்
தோழிகிட்ட எந்த விஷயத்தையும் ஷேர் பண்ணிக்கலாம். என்னோட எல்லா ரகசியங்
களும் அவளுக்குத் தெரியும்' என சொல்லக் 'கூடாத', சொல்ல 'முடியாத'
அனைத்தையும் யாரை நம்பிப் பகிர்ந்துகொள்கிறீர்களோ, அதுவே 'ஆத்மார்த்த
நட்பு'!

'அக்கொயின்டன்ஸ் நட்பி'ல் பார்ட்டிகளுக்குச்
செல்வது, சைட் அடிப்பது எனக் கொண்டாட்டங் கள் மட்டுமே பிரதானம். 'மனசு
கஷ்டமா இருக்கு, அப்பாவுக்கு ஹை பிரஷர்!' போன்ற சொந்த சோகங்களைப்
பகிர்ந்துகொள்ளாது!

'ஸோல் மேட்' இதயத்துக்கு நெருக்கமான நட்பு.
'எனக்கு எல்லாம் அவன்(ள்)தான்' என்ற மன தைரியமும்; 'என்ன தில்லாலங்கடி வேலை
செஞ்சாலும் அவங்க ரெண்டு பேரையும் பிரிக்க முடியாது' என்ற நேச இறுக்கமும்
இதன் ஸ்பெஷல்!

ஆத்மார்த்த நட்பு'க்குத்தான் முதலிடம்!!! Friendship2702_B

ஆத்மார்த்த நட்பு'க்குத்தான் முதலிடம்!!! Friendship2702_B

'காரியவாத நட்பு' - உலகம் முழுவதும் அறியப்பட்ட
வார்த்தைதான். உணர்ச்சிகளை, குறிப்பாக பாலியல் தேவைகளைப் பரிமாறிக்கொள்ள
மட்டுமே இந்த நட்பு. அதைத் தாண்டிய புரிதலும், அன்பும், பிணைப்பும் இந்த
உறவில் அதிகம் இருக்காது!

'பாஸ்டன் மேரேஜ்' இந்த வார்த்தை 19, 20-ம்
நூற்றாண்டுகளில் உருவானது. உடல் தேவையைத் தவிர்த்து, மற்ற அனைத்துவிதமான
பொருளாதார, மாரல் சப்போர்ட்டுக்காக இரு பெண்கள் சேர்ந்து வாழ்வார்கள். ஒரு
ஆணின் சப்போர்ட்டைத் தவிர்ப்பதுதான் இவர்களின் நோக்கம்!

'ரூம்மேட்' நட்பு எனப்படுவது காதல், நட்பு
எதுவுமில்லாமல் ஓர் அறைக்குள் இருவராகச் சேர்ந்து இருப்பது. இதில்
பெரும்பாலும் உணர்வுப் பரிமாற்றங்கள் இருக்காது!

'கற்பனைவாத நட்பு' குழந்தைகளின் கற்பனையில்
அவர்கள் கூடவே எப்போதும் ஒரு நண்பன் வருவான். விளையாடுவான், அடிப்பான்,
கிள்ளுவான் என அவர்களது மனதுக்கு மட்டுமே தெரிந்த, அவர்கள் அதிகம் ரசிக்கிற
நட்பு அது!

'ஆன்மிக நட்பு' கருத்து வேறுபாடு உடைய இருவர் ஒரு
பெரும் ஆன்மிக நோக்கத்துக்காக இணைந்து பணியாற்றுவது. இவர்களை இணைப்பது
ஆன்மிகம் மட்டுமே!