தாயில் இருந்து குழந்தைக்கு எச்.ஐ.வி பரவுவதை 5 வருடங்களில் தடுக்க முடியும்

arularjuna · arularjuna Wed 17 Mar 2010 - 14:54

தாயில் இருந்து குழந்தைக்கு எச்.ஐ.வி பரவுவதை 2015 ஆம் ஆண்டளவில் தடுக்கக் கூடிய நிலையில் தாம் இருப்பதாக, எயிட்ஸ், காசநோய் மற்றும் மலேரியாவுக்கு எதிரான உலக நிதியம் கூறியுள்ளது.
இந்த சுகாதார திட்டத்தின் முன்னேற்ற மற்றும் முதலீட்டு வீதம் தற்போது உள்ள நிலையிலேயே தொடருமானால், தாம் இந்த இலக்கை எட்ட முடியும் என்று அந்த நிதியத்தின் அறிக்கை ஒன்று கூறுகிறது.

மலேரியா பெரும் கொள்ளை நோயாக காணப்படுகின்ற பல நாடுகளில் இருந்து விரைவில் ஒழிக்கப்பட்டுவிடும் என்றும் அது கூறுகிறது.

கடந்த வருடத்தில் மாத்திரம் இந்த நிதியம் ஒரு நாளைக்கு 3600 பேரது உயிரைக் காப்பாற்றியதாகவும், 2002 இல் அது ஆரம்பிக்கப்பட்டது முதல், சுமார் 50 லட்சம் பேரை அது காப்பாற்றியுள்ளதாகவும் அது கூறியுள்ளது.