கல்விச் செல்வம்.....

**Aathira** · **Aathira** Mon Mar 15, 2010 1:17 pm

கல்விச் செல்வம்.....

வாழ்கின்ற நாட்கள் வரையில்
வழித்துணை என்று எண்ணி
குவித்திடும் செல்வம் ஓர்நாள்
கள்வனால் கவரப் படலாம்!

மங்கைதான் மகிழ்ந்து அணியும்
தங்கமும் வைரமும் ஓர்நாள்
நங்கையின் உடலை விட்டே
நீங்கியும் போகக் கூடும்!

சீற்றமே காற்று கொண்டால்
கட்டிய ஆடை கூட
ஒட்டிய உறவை விட்டே
ஓடிடும் அவலம் உண்டு!

நாளுடன் கோளும் பார்த்து
ஆழமாய் அடிக்கல் நாட்டி
கட்டிய மனையும் கூட்
கட்டழல் உண்ணப் போமாம்!

பெருமழை பெய்யும் நாளில்
பெருகிடும் வெள்ளம் தானே
பெற்றுள்ள பொருளை எல்லாம்
பேயென இழுத்து போமாம்!

அமிழ்தினும் இனிமை பயக்கும்
அவயத்து முந்து மகனும்
அரிவையின் காதல் கூடி
பிரிவையும் கொள்ளக் கூடும்!

மாறிடும் கருத்து உணர்வால்
மங்களம் என்னும் மனையும்
வின்மீனும் பகலும் போல
விலகிடும் நிலையும் உண்டு!

நவில்தரும் நூல்நயம் போல்
பிரியலர் கொண்ட நட்பும்
இருவினை சேரும் காலை
செருமுனை ஆகு மன்றோ!

மானுடப் பையுள் அடையும்
உயிர்வளி என்னும் காற்றும்
காலனின் பாசக் கயிற்றால்
கட்டுடல் விட்டுப் போகும்!

கள்வனால் கவர முடியா
ஒருமையில் கற்ற கல்வி
எழுமையும் பெருமை தருமே
முழுமையும் பெறுவீர் அதனை!

வெள்ளந்தான் அடித்துச் செல்லா
விழுமிய செல்வம் கல்வி
வேண்டிய பொருளை ஈந்தும்
ஈண்டுவீர் அதனை இன்றே!

மலையென பெற்ற செல்வம்
அலையென கரைந்த போதும்
நல்வழி காட்டும் கல்வி
செல்வழி பீடு சேர்க்கும்!

கொடையெனும் உயர்ந்த பண்பால்
கொடுத்திடும் கல்வி மட்டும்
பெறுபவர் அன்றி கொடுப்பார்
இருவர்க்கும் இன்பம் பயக்கும்!

எண்ணுடன் எழுத்தும் வாழ்வின்
கண்களாய் வண்ணம் கூட்டும்..
இன்னலைத் தீர்க்கும் செல்வம்
கன்னலாம் கல்வி சேர்ப்பீர்!!!!

ஆதிரா..

சரவணன் · சரவணன் Mon Mar 15, 2010 1:20 pm

அருமையான கவிதை,
அர்த்தமுள்ள வரிகள்
வாழ்த்துக்கள்.

**Aathira** · **Aathira** Mon Mar 15, 2010 1:27 pm

சரவணன் wrote:அருமையான கவிதை,
அர்த்தமுள்ள வரிகள்
வாழ்த்துக்கள்.

நன்றி சரவணன். கல்விச் செல்வம்..... 154550

**சிவா** · **சிவா** Mon Mar 15, 2010 1:38 pm

"ஒருமைக்கண் தான்கற்ற கல்வி ஒருவற்கு
எழுமையும் ஏமாப்பு உடைத்து"

என்ற வள்ளுவனின் கூற்றுக்கிணங்க கல்வியின் சிறப்பை மிக அழகாக உணர்த்தியுள்ளீர்கள், சிறப்பான கவிதை வரிகளுடன்!!! கல்விச் செல்வம்..... 677196

சரவணன் · சரவணன் Mon Mar 15, 2010 1:47 pm

சிவா wrote:"ஒருமைக்கண் தான்கற்ற கல்வி ஒருவற்கு
எழுமையும் ஏமாப்பு உடைத்து"

என்ற வள்ளுவனின் கூற்றுக்கிணங்க கல்வியின் சிறப்பை மிக அழகாக உணர்த்தியுள்ளீர்கள், சிறப்பான கவிதை வரிகளுடன்!!!

சும்மாதான சொன்னீங்க??????

**சிவா** · **சிவா** Mon Mar 15, 2010 1:48 pm

சரவணன் wrote:
சிவா wrote:"ஒருமைக்கண் தான்கற்ற கல்வி ஒருவற்கு
எழுமையும் ஏமாப்பு உடைத்து"

என்ற வள்ளுவனின் கூற்றுக்கிணங்க கல்வியின் சிறப்பை மிக அழகாக உணர்த்தியுள்ளீர்கள், சிறப்பான கவிதை வரிகளுடன்!!!

சும்மாதான சொன்னீங்க??????

சரவணன் · சரவணன் Mon Mar 15, 2010 1:49 pm

சிவா wrote:
சரவணன் wrote:
சிவா wrote:"ஒருமைக்கண் தான்கற்ற கல்வி ஒருவற்கு
எழுமையும் ஏமாப்பு உடைத்து"

என்ற வள்ளுவனின் கூற்றுக்கிணங்க கல்வியின் சிறப்பை மிக அழகாக உணர்த்தியுள்ளீர்கள், சிறப்பான கவிதை வரிகளுடன்!!!

சும்மாதான சொன்னீங்க??????

**Aathira** · **Aathira** Mon Mar 15, 2010 1:53 pm

சிவா wrote:
சரவணன் wrote:
சிவா wrote:"ஒருமைக்கண் தான்கற்ற கல்வி ஒருவற்கு
எழுமையும் ஏமாப்பு உடைத்து"

என்ற வள்ளுவனின் கூற்றுக்கிணங்க கல்வியின் சிறப்பை மிக அழகாக உணர்த்தியுள்ளீர்கள், சிறப்பான கவிதை வரிகளுடன்!!!

சும்மாதான சொன்னீங்க??????

நன்றி சிவா இந்த மாதிரி ஆளுங்களையெல்லாம் இப்படித்தான் செய்யனும்.

கல்விச் செல்வம்..... 677196

**Aathira** · **Aathira** Mon Mar 15, 2010 1:56 pm

சிவா wrote:"ஒருமைக்கண் தான்கற்ற கல்வி ஒருவற்கு
எழுமையும் ஏமாப்பு உடைத்து"

என்ற வள்ளுவனின் கூற்றுக்கிணங்க கல்வியின் சிறப்பை மிக அழகாக உணர்த்தியுள்ளீர்கள், சிறப்பான கவிதை வரிகளுடன்!!!

மிக மிக நன்றி சிவா தங்கள் வாழ்த்துக்கு, கல்விச் செல்வம்..... 154550

**Aathira** · **Aathira** Mon Mar 15, 2010 1:59 pm

சரவணன் wrote:
சிவா wrote:"ஒருமைக்கண் தான்கற்ற கல்வி ஒருவற்கு
எழுமையும் ஏமாப்பு உடைத்து"

என்ற வள்ளுவனின் கூற்றுக்கிணங்க கல்வியின் சிறப்பை மிக அழகாக உணர்த்தியுள்ளீர்கள், சிறப்பான கவிதை வரிகளுடன்!!!

சும்மாதான சொன்னீங்க??????

ஹலோ 29 ஆம் புலிகேசி...நகைச்சுவை வேந்தே. பள்ளிகூடத்துப் பக்கம் ஒதுங்கி இருக்கீங்களா மழைக்காவது????!!!!! இல்ல கல்விச் செல்வம்..... 440806

ஓட்டம் தானா???

Sponsored content · Sponsored content

கல்விச் செல்வம்.....

கல்விச் செல்வம்.....

Re: கல்விச் செல்வம்.....

Re: கல்விச் செல்வம்.....

Re: கல்விச் செல்வம்.....

Re: கல்விச் செல்வம்.....

Re: கல்விச் செல்வம்.....

Re: கல்விச் செல்வம்.....

Re: கல்விச் செல்வம்.....

Re: கல்விச் செல்வம்.....

Re: கல்விச் செல்வம்.....

Re: கல்விச் செல்வம்.....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக