ஜெயம்ரவிக்கு திருமண வாழ்த்துக்கள்..!!

by **Tamilzhan** Thu Jun 04, 2009 7:27 pm

ஜெயம்ரவி திருமணம்:ரஜினி,கமல் நேரில் வாழ்த்து

ஜெயம்' படத்தின் மூலம் அறிமுகமானவர் ஜெயம் ரவி. "தாம் தூம்', "எம்குமரன் சன் ஆப் மகாலட்சுமி', "மழை' உள்ளிட்ட பல்வேறு படங்களில் நடித்துள்ள இவர், தற்போது "பேராண்மை' படத்தில் நடித்து வருகிறார்.

பிரபல பட தயாரிப்பாளர் எடிட்டர் மோகனின் மகனான இவருக்கும், தயாரிப்பாளர்கள் விஜயகுமார் மற்றும் சுஜாதா விஜயகுமார் தம்பதி மகளான ஆர்த்திக்கும் திருமணம் நிச்சயமானது.

சென்னையில் உள்ள நட்சத்திர ஓட்டலில் இன்று காலை திருமணம் நடைபெற்றது. காலை 7.30 மணிக்கு திருமண வைபவம் தொடங்கியது. 8.46 மணிக்கு ஜெயம் ரவி மணமகள் ஆர்த்தி கழுத்தில் தாலி கட்டினார். மணமகள் ஆர்த்தி தங்க நிறத்தாலான பட்டுப்புடவை கட்டியிருந்தார். மணமகன் ஜெயம் ரவி பட்டுவேட்டி, சட்டை அணிந்திருந்தார்.

ரஜினிகாந்த், கமல்ஹாசன், அர்ஜுன் உள்ளிட்ட நடிகர்கள் நேரில் வந்து வாழ்த்து தெரிவித்தனர். தமிழக தலைமைச் செயலாளர் ஸ்ரீபதி, முதல்வர் கருணாநிதியின் மகள் செல்வி செல்வம், பிரபல தொழிலதிபர் நல்லி குப்புசாமி உள்ளிட்டோர் மணமக்களை வாழ்த்தினர்.

சுந்தர்.சி. தனது மனைவி குஷ்புவோடு வந்திருந்தார். அதே போல நடிகர் அப்பாசும் தனது மனைவியோடு வந்து வாழ்த்து தெரிவித்தார். மலையாள நடிகர் ஜெயராம், ராதாரவி, எம்.எஸ்.பாஸ்கர், துஷ்யுந்த், எஸ்.வி.சேகர், அஸ்வின் சேகர், நடிகைகள் ராதிகா சரத்குமார்,

மீனா, சங்கவி, மஞ்சுளா விஜயகுமார், ஸ்ரீதேவி விஜயகுமார், இயக்குனர்கள் அமீர், வெங்கட் பிரபு, ஹரி, எஸ்.பி.முத்துராமன், சுப்பிரமணிய சிவா, தயாரிப்பாளர்கள் கல்பதி அகோரம், எஸ்.பி.பி.சரண், அருண் பாண்டியன் உள்ளிட்ட திரையுலக பிரமுகர்கள் மணமக்களை நேரில் வாழ்த்தினர்.

ஈகரை சார்பாக வாழ்த்துகிறோம்..!