தமிழ்நாட்டுக்கு ஹிந்தி தேவையில்லை: முதல்வர் கருணாநிதி

by செந்தில் Mon Mar 15, 2010 8:47 am

First topic message reminder :

தமிழ்நாட்டுக்கு ஹிந்தி தேவையில்லை: முதல்வர் கருணாநிதி

தமிழ்நாட்டுக்கு ஹிந்தி தேவையில்லை என்று முதல்வர் கருணாநிதி தெரிவித்தார்.

புதிய சட்டப்பேரவை மற்றும் தலைமைச் செயலக கட்டுமானப் பணியில் ஈடுபட்டுள்ள தொழிலாளர்களுக்கு முதல்வர் கருணாநிதி ஞாயிற்றுக்கிழமை விருந்தளித்தார்.

நிகழ்ச்சியில் அவர் பேசியது:

இந்த நிகழ்ச்சி கடந்த பல நாள்களாக நாம் எடுத்துக்கொண்ட முயற்சிக்கு கிடைத்துள்ள வெற்றியைப் பாராட்டி மகிழவும், இந்த வெற்றிக்குப் பாடுபட்ட அனைவருக்கும் நன்றி சொல்லவும் நடைபெறுகின்ற நிகழ்ச்சி.

பிகார், பஞ்சாப் போன்ற பல மாநிலங்களில் இருந்து ஆயிரக்கணக்கான தொழிலாளர்கள் இந்தப் பணியில் ஈடுபட்டு, மகிழ்ச்சிப் பெருவெள்ளத்திலே எங்களையும் ஆழ்த்தி, அவர்களும் ஆழ்ந்திருக்கிறார்கள்.

தொழிலாளர்களும், அரசு அலுவலர்களும், ஒப்பந்ததாரர்களும், உங்களோடு சேர்ந்து அமைதியை உருவாக்கப் பாடுபட்ட காவல்துறையினரும் இன்றைக்கு மகிழ்கின்றனர்.

மகிழ்ச்சியை வெளிப்படுத்த அவரவர்களுக்கு தெரிந்த, விரும்புகிற மாநிலத்துப் பாடல்களை இங்கே பாடினார்கள்.

"ஹிந்திப் பாடல்களைப் பாடுகிறார்களே" என்று பத்திரிகையாளர் ராம் சொன்னார். பாட்டுக்கு ஹிந்தி பரவாயில்லை; தமிழ்நாட்டுக்கு அது தேவையில்லை என்று நான் நினைத்துக் கொண்டேன்.

மற்ற மாநிலங்களோடு உறவு கொள்கிற, தொடர்பு கொள்கிற கருவியாக மொழி இருந்தால் அதில் தவறில்லை. ஒரு மொழிக்காரர்கள், இன்னொரு மொழிக்காரர்களை ஆதிக்கம் செலுத்துகிற நிலையைத் தான் நாங்கள் விரும்புவதில்லை.

ஆனால், அவரவர் விருப்பத்துக்கு ஏற்ப, ஆயிரக்கணக்கான தொழிலாளர்களான நீங்கள் விரும்பிக் கேட்ட ஹிந்திப் பாடல்களை இங்கே பாடியிருக்கிறார்கள்.

அதேபோல், தமிழ்ப் பாடல்களை பாடும் போது நீங்கள் யாரும் வெறுத்திடவில்லை; வரவேற்றீர்கள். இப்படி, ஒருவருக்கு ஒருவர் உறவு செலுத்த வேண்டுமே தவிர, ஆதிக்கம் செலுத்தும் நிலை கூடாது என்பதுதான் எங்களுடைய கொள்கை.

இந்த உன்னதமான கட்டடத்தைக் கட்டி முடிக்கக் காரணமான அரசு அலுவலர்களும், ஒப்பந்தக்காரர்களும், வடிவமைத்தவர்களும், வடிவமைப்புக்கு உரியவாறு பணியாற்றியவர்களும், குறிப்பாக எந்த ஆபத்தையும் பொருட்படுத்தாமல் பணியாற்றிய உங்களுக்கும் அன்பார்ந்த வாழ்த்துகளைத் தெரிவித்துக்கொள்கிறேன்.

இந்தக் கட்டடம் எழிலோடு அமைக்கப்பட வேண்டும் என்ற எண்ணத்தில் நாள்தோறும் நான் இங்கே வருவதுண்டு. அப்படி வரும்போது, இங்குள்ள மேலாளர்களை, செயலாளர்களை நான் தூண்டிவிட்டு, பல திருத்தங்களை செய்ய வேண்டும் என்று அவர்களுக்கு எல்லாம் தொந்தரவு கொடுத்திருக்கிறேன். இதை நான் புரிந்துகொள்ளாமல் இல்லை.

இந்த உயர்ந்த கோபுரம் இமயத்தின் வரையில் உள்ளவர்களும் பாராட்டும் வகையில் அமைந்துள்ளது என்றார் முதல்வர் கருணாநிதி.

பொதுப்பணித்துறைச் செயலாளர் ராமசுந்தரம், பொதுப்பணித் துறை முன்னாள் செயலாளர் ஆதிசேஷய்யா, பொதுப் பணித் துறை தலைமைக் கட்டடப் பொறியாளர் கருணாகரன், ஒப்பந்த நிறுவனமான இ.சி.சி.ஐ. நிறுவனத்தின் மேலாண் இயக்குநர் முஸ்தபா, கட்டடக் கலை நிபுணர் கிறிஸ்டியன் ஆகியோருக்கு முதல்வர் கருணாநிதி நினைவுப் பரிசு வழங்கினார்.

இந்த நிகழ்ச்சியில், 4 ஆயிரத்துக்கும் மேற்பட்ட கட்டுமானத் தொழிலாளர்களுக்கும், பாதுகாப்புப் பணியில் இருந்த போலீசாருக்கும் மதிய உணவாக "மட்டன்' பிரியாணி பொட்டலங்கள் வழங்கப்பட்டன.

சென்னை சங்கமம் குழுவினரின் கலை நிகழ்ச்சிகளும், மெல்லிசைப் பாடல்களும் பாடப்பட்டன.

சட்டப்பேரவைத் தலைவர் இரா.ஆவுடையப்பன், துணை முதல்வர் மு.க.ஸ்டாலின், தலைமைச் செயலாளர் கே.எஸ். ஸ்ரீபதி, மாநிலங்களவை உறுப்பினர் கனிமொழி, பொதுப்பணித் துறைச் செயலாளர் எஸ்.ராமசுந்தரம் உள்ளிட்டோர் நிகழ்ச்சியில் பங்கேற்றனர்.

by positivekarthick Mon Mar 28, 2011 1:00 pm

அவரது பரம்பரை வாரிசுகளுக்கு மட்டும் ஹிந்தி தெரிந்தால் போதும்.
அப்பதானே அரசியல் பண்ண முடியும். என்ன கொடுமை சார் இது

by ரபீக் Mon Mar 28, 2011 1:10 pm

ஹிந்தி தெரியாமல் இருந்தால் தமில் நாட்டுக்குள்ள இருந்து சாகவேண்டியதுதான் ,,,,
என்ன கொடுமை சார் இது

by sshanthi Mon Mar 28, 2011 4:41 pm

உதயசுதா wrote:அப்பதான் இவர் குடும்பம் மட்டும் நாடாளுமன்றம் போகலாம்.மத்த தமிழன் எல்லாம் இந்தி தெரியாம தடுமாறினத்தான் இவருக்கு ரொம்ப பிடிக்கும்

அவங்க குடும்பத்துக்கு ஆங்கிலம் மற்றும் ஹிந்தி தெரியாவிட்டாலும் அவர்கள் மந்திரியாகலாம் அக்கா

by ஹாசிம் Mon Mar 28, 2011 4:43 pm

தமிழ்நாட்டுக்குத் தேவையில்லைதான் நாட்டைவிட்டுச்செல்லும்போதுதான் அதன் வலி தெரியும்

by உதயசுதா Mon Mar 28, 2011 4:46 pm

வெறும் தமிழ் மொழிய வச்சுக்கிட்டு தமிழ்நாடு குண்டுசட்டிக்குள்ள குதிரை ஓட்டுனா தான் இவருக்கு திருப்தியா இருக்கும்.இவரும்,இவர் தலைமுறையும் நாடாளு மன்றத்துக்கு போய் இந்தி பேசி மத்திய மந்திரியா இருக்கலாம்.போங்கப்பா இந்த ஆளு பேச்சை கேக்காம
புள்ளைகளை நாலு மொழி தெரிஞ்சவங்களா வளருங்க

by கோவை ராம் Mon Mar 28, 2011 6:13 pm

என்ன நடக்குது ஈகரையில் 2010 நடந்த நிகழ்ச்சிக்கு இப்ப பின் நூட்டம் இடுகிறோம் .புதிய சட்ட சபையை திறந்து ஒரு வருடம் ஆக போகிறதே ? தமிழ்நாட்டுக்கு ஹிந்தி தேவையில்லை: முதல்வர் கருணாநிதி - Page 3 502589

தமிழ்நாட்டுக்கு ஹிந்தி தேவையில்லை: முதல்வர் கருணாநிதி - Page 3 502589

ராம்

by **சிவா** Mon Mar 28, 2011 6:15 pm

rarara wrote:என்ன நடக்குது ஈகரையில் 2010 நடந்த நிகழ்ச்சிக்கு இப்ப பின் நூட்டம் இடுகிறோம் .புதிய சட்ட சபையை திறந்து ஒரு வருடம் ஆக போகிறதே ?

ராம்

தமிழ்நாட்டுக்கு ஹிந்தி தேவையில்லை: முதல்வர் கருணாநிதி - Page 3 403484

நீங்கள் இல்லாததால்தான் இவ்வாறெல்லாம் நிகழ்கிறது!

by கோவை ராம் Mon Mar 28, 2011 6:18 pm

அட விடுங்க சார் .நாளையில் இருந்து அடிக்கடி ஆஜராகி விடுகிறேன்

ராம்

சிவா wrote:
rarara wrote:என்ன நடக்குது ஈகரையில் 2010 நடந்த நிகழ்ச்சிக்கு இப்ப பின் நூட்டம் இடுகிறோம் .புதிய சட்ட சபையை திறந்து ஒரு வருடம் ஆக போகிறதே ?

ராம்

நீங்கள் இல்லாததால்தான் இவ்வாறெல்லாம் நிகழ்கிறது!

by ANTHAPPAARVAI Mon Mar 28, 2011 6:36 pm

தமிழ்நாட்டுக்கு ஹிந்தி தேவையில்லை: முதல்வர் கருணாநிதி

..............................................

மற்ற மாநிலங்களோடு உறவு கொள்கிற, தொடர்பு கொள்கிற கருவியாக மொழி இருந்தால் அதில் தவறில்லை. ஒரு மொழிக்காரர்கள், இன்னொரு மொழிக்காரர்களை ஆதிக்கம் செலுத்துகிற நிலையைத் தான் நாங்கள் விரும்புவதில்லை.

அதேபோல், தமிழ்ப் பாடல்களை பாடும் போது நீங்கள் யாரும் வெறுத்திடவில்லை; வரவேற்றீர்கள். இப்படி, ஒருவருக்கு ஒருவர் உறவு செலுத்த வேண்டுமே தவிர, ஆதிக்கம் செலுத்தும் நிலை கூடாது என்பதுதான் எங்களுடைய கொள்கை.
...............................

:farao: