நீ வரும் வழி

by **இளமாறன்** Mon Mar 15, 2010 3:25 am

உன் விழி தேடி
பயணிக்கிறேன்....
உன்னை என்று
இனி எங்கு சந்திப்பேனோ
தெரியவில்லை......

விழி மூடி தேடுகிறேன்
கண்ணீராக வெளி வருகிறாய்...

உன் நினைவுகளும்
கண்ணீராய் என் கண்களை
சுடுகிறதே...

என் கவிதைகளுக்கு
கரு கொடுத்தவள் நீ...

நீ பிரிந்து போவதென்றால்
உன் வார்த்தைகளை
என்னிடம் விட்டு செல்
அவைகளாவது என்னோடு
இறுதி மூச்சு வரை வாழட்டும்...

புல்லாங்குழலாய்... உன் ஓசை
என் இதயத்தில் மட்டுமே
என் இதழ்கள் உன் பெயரை
மறக்கலாம்
என் இதயம் மறவாதே....

சில உறவுகள் மட்டுமே
உயிருடன் இணையுமாம்
உனக்கு தெரியுமா...? என்னோடு
இணைந்தாய் என்று..??

சூரியன் வரும் போது வழி தேடுவதில்லை
சந்திரன் வரும் வழி கேட்டு வருவதில்லை
உன் வார்த்தைகளை மட்டுமே
தேடிக்கொண்டிருக்கிறேன்
நீ வரும் வழி தேடிக்கொண்டிருக்கிறேன்