என் தலையணையில்.....

Appukutty wrote:என் தலையணையில்....

என் தலையணையில்
பருத்தி இல்லை
ஆனாலும் பருத்திருக்கிறது
அவனுக்கும்
எனக்குமான
இரவுக்கதைகளால் நிரம்பி....

விழியசைவால்
விழலாய்ப் போன
வேர்களிலும்
மகரந்தம் எடுக்கும்
கலையறிந்த
வித்தகன்
அவன்....

யாரும் இசைக்காத
இன்பக் கானமதை
என்னுயிரில்
இசைத்துவிட்ட
வண்ணக்குயில்
அவன்.

பூத்துக் கிளம்பிய
புகைக்கூட்டமாய்
நெஞ்ச ஓடையில் நெளியும்
அவன்
நினைவு மலர்கள்...

அவன்
பனிவிரல்கள்
பயனித்த பகுதிகளில்
பெருக்கெடுத்து பாய்கிறது
இன்ப நதி
ஆகாய கங்கை...

இதழ்த் தறியில்
நெய்தெடுத்த
முத்தப்பட்டுச் சேலையால்
என்னுடல் மூடி
அவன் காட்டிய சுகநரகம்
என் விழிகளில்
இதயத்தின் மொழிகளாய்!

நேற்றுகளில் மட்டுமே இருந்த
உண்ணத நேரத்தை
யுகங்கள் தோறும்
நகர்த்திச் செல்ல
கரம் கொடுப்பானா?

இந்த உலகுக்கும் எனக்குமான
தொடர்பு துண்டிக்கப்படும்
மயான நெருப்பிலும்
வேகின்ற நெஞ்சுக்குள்
சாகாமல் நிலைக்கும்
அவன் நினைவு முகம்
பசுமையாக....


ஆதிரா

பாராட்டுக்கள் மேடம் அருமையான கவிதை வாழ்த்துக்கள்

இந்த பதிவைத் துவங்கியவர் நன்றி கூறியுள்ளார் Aathira

kalaimoon70 wrote:இந்த உலகுக்கும் எனக்குமான
தொடர்பு துண்டிக்கப்படும்
மயான நெருப்பிலும்
வேகின்ற நெஞ்சுக்குள்
சாகாமல் நிலைக்கும்
அவன் நினைவு முகம்
பசுமையாக....

காதல் பேசும்
கண்கள் இங்கே!
கண்ணிரும்
கவிதை பேசும்
வித்தை இங்கே!
விடை கண்டும்,
பதில் அறியா மனமும்,
இந்த கவிதையில் வாழும்!
இதை படித்தால்
சோகம் வந்து போகும்!
காதலை சொல்லிப்போகும்!

சோகக் காதல் கூட உங்கள் கவிதையில்
சொர்க்கமாய் வாழ்கிறது! அருமை தோழியே!

இந்த பதிவைத் துவங்கியவர் நன்றி கூறியுள்ளார் Aathira

Aathira wrote:

kalaimoon70 wrote:இந்த உலகுக்கும் எனக்குமான
தொடர்பு துண்டிக்கப்படும்
மயான நெருப்பிலும்
வேகின்ற நெஞ்சுக்குள்
சாகாமல் நிலைக்கும்
அவன் நினைவு முகம்
பசுமையாக....

காதல் பேசும்
கண்கள் இங்கே!
கண்ணிரும்
கவிதை பேசும்
வித்தை இங்கே!
விடை கண்டும்,
பதில் அறியா மனமும்,
இந்த கவிதையில் வாழும்!
இதை படித்தால்
சோகம் வந்து போகும்!
காதலை சொல்லிப்போகும்!

சோகக் காதல் கூட உங்கள் கவிதையில்
சொர்க்கமாய் வாழ்கிறது! அருமை தோழியே!

கலைநிலா ஒவ்வொரு கவிதைக்கும் தங்களின் கவிதையால், பாராட்டால் எனை மெய்சிலிர்க்க வைக்கிறீர்கள். என் விழி சிந்தும் குளிர் முத்தை மாலையாக்கி என் நன்றியாக தங்களுக்கு காணிக்கை செலுத்துகிறேன்.நன்றி தோழா.
அன்புடன்
ஆதிரா

இந்த பதிவைத் துவங்கியவர் நன்றி கூறியுள்ளார் kalaimoon70

kalaimoon70 wrote:ஆபாசமாகவும் ஆயாசமாகவும்
கிறுக்கல்கள் வரும்போழ்தில்
பாயாசமாக இனிக்கும்
பரவசமான உன்கவிதை
தமிழுக்கு இனி அழிவிலைஎன்றே
கட்டியம் கூறி நிமிர்ந்தது தமிழ்க்கவிதை
அன்னோர் பெருமை கொண்ட
ஆதிரையே நீ வாழி....


உன் கவிதை ஏற்றிய பரவசம் இன்னும் தீரவில்லை தமிழ்மகளே...!
என்னால் இயன்ற கவிதையை கிறுக்கி உனது இந்த அருமையான கவிதைக்கு பரிசாக சமர்ப்பிக்கிறேன்...ஏற்பாயா ஆதிரா தோழி...?

கிறுக்கல்!
இது
விக்கல்,சிக்கல்,இல்லா
கிறுக்கல்!ஒளி விசும் வைரக்கல்!
கல்லையும் கரைக்கும் இந்த கிறுக்கல்!
அருமை! அருமை! தோழரே!

இந்த பதிவைத் துவங்கியவர் நன்றி கூறியுள்ளார் கலைவேந்தன்