புது வடிவத்தில் சார்லி சாப்ளின்!

ஹாலிவுட் திரைப்பட வரலாற்றில் அழிக்க முடியாத நடிகர் யார்? என்ற கேள்விக்கு கண்ணை மூடிக்கொண்டு அனைவரும் சொல்லக் கூடிய பதில் "சார்லி சாப்ளின்'. பேசாதப் படங்களிலேயே தன் ஆழமான நகைச்சுவை உணர்வையும், நடிப்பையும் வெளிப்படுத்திய இந்த மாமேதை தலைமுறை பல தாண்டியும் மக்களை தன் படங்களின் வாயிலாக சிரிக்க வைத்துக் கொண்டுதான் இருக்கிறார். இத்தகைய மகா நடிகனை, புதிய தொழில்நுட்பமான 3-டியின் உதவியோடு மறுபடியும் அவருக்கு உயிரூட்டி சின்னத்திரையில் தொடராக வலம் வர வைக்கப் போகிறார்கள் ஹாலிவுட்காரர்கள்டி.க்யூ என்டர்டெயின்மென்ட், மெத்தட் அனிமேஷன் மற்றும் எம்.கே. நிறுவனம் ஆகிய மூன்றும் சேர்ந்து இத்தொடரைத் தயாரிக்கிறது. இதனை தொலைக்காட்சி மட்டுமின்றி மொபைல் மற்றும் இணைய தளங்களிலும் பார்த்து ரசிக்கலாம். இந்நிறுவனங்கள் முதல் கட்டமாக ஆறு நிமிட நீள குறும்படங்கள் அடங்கிய ஒரு தொடரை சுமார் 104 வாரங்கள் ஒளிபரப்ப, தயாரிப்பு பணியில் ஈடுபட்டுள்ளன. இவை அனைத்தும் வசனம் இல்லாத படங்களாகத்தான் இருக்கும் என்றாலும், அவையாவும் கலர் படங்களாகத்தான் தயாராகின்றன. மேலும் பழைய படங்களின் தழுவலை இதில் பார்க்க முடியாதாம். ""இந்த படம் சாப்ளினை உணர்வு பூர்வமாக நம்மிடையே உலவவிடும் முயற்சி'' என்று மெத்தட் அனிமேஷனின் தலைவர் அட்டன் செüமேக் கருத்து தெரிவித்துள்ளார்.
நகைச்சுவை சக்கரவர்த்தி சார்லி சாப்ளினை நாம் மீண்டும் புது வடிவத்தில் காண 2011 வரை காத்திருக்க வேண்டும் என்பதுதான் சோகமான தகவல். இருக்கட்டுமே! காத்திருப்பதும் ஒரு வகையில் சுகம்தானே