ஆமைவடை

by **சிவா** Tue Mar 09, 2010 2:36 pm

தேவையான பொருட்கள்

உளுந்தம் பருப்பு 1/2 ஆழாக்கு
கடலைப் பருப்பு 1/2 ஆழாக்கு
துவரம் பருப்பு 1/2 ஆழாக்கு
ரீபைண்ட் ஆயில் 400 கிராம்
வற்றல் மிளகாய் 4
பச்சை மிளகாய் 2
கறிவேப்பிலை 1 கொத்து
உப்பு 1 டீஸ்பூன்

செய்முறை

மூன்று பருப்புகளையும் கழுவிக் களைந்து இரண்டு மணி நேரம் ஊற வைக்கவும்.

ஊறிய பருப்புகளை நீரை வடித்து விட்டு மிளகாய் வற்றல், உப்பு சேர்த்து சற்றுக் கரகரப்பாக அரைத்துக் கொள்ளவும்.

பச்சை மிளகாயைப் பொடியாக நறுக்கிக் கொள்ளவும்.

அரைத்த மாவுடன் பச்சைமிளகாய், கறிவேப்பிலை சேர்த்துப் பிசைந்து கொள்ளவும்.

வாணலியில் எண்ணெயை விட்டுக் அடுப்பிலேற்றவும். வடைமாவை உருண்டைகளாகப் பிடித்துக் கொள்ளவும்.

ஓர் உருண்டையை எடுத்து உள்ளங்கையில் வைத்துக் கொண்டு மற்றொரு கையால் இலேசாக அழுத்தி விட்டு, எண்ணெயில் போட்டுச் சிவந்தவுடன் புரட்டிப் போட்டு வெந்ததும் எடுக்கவும்.

இது சாப்பிடுவதற்கு முறுமுறுவென்று சுவையாக இருக்கும்.

by உதயசுதா Tue Mar 09, 2010 2:54 pm

நல்ல வேளை குறிப்ப கொடுத்தீங்க.நேற்று தேன்நிலவுக்கு போட்ட மாதிரி
ஆமை படத்தையும்,வடை படத்தையும் போட்டிருப்பீங்கன்னு நினைச்சேன் தல.
வர வர உன் அலும்புக்கு அளவே இல்லாம போச்சு

by **சிவா** Tue Mar 09, 2010 3:02 pm

உதயசுதா wrote:நல்ல வேளை குறிப்ப கொடுத்தீங்க.நேற்று தேன்நிலவுக்கு போட்ட மாதிரி
ஆமை படத்தையும்,வடை படத்தையும் போட்டிருப்பீங்கன்னு நினைச்சேன் தல.
வர வர உன் அலும்புக்கு அளவே இல்லாம போச்சு